Ombrochula Omphe Matuave!
1. Oityi matuave mohanyi ya Kuhuhu, iya oityi walingilua?
1 Motyonge Tyononthiki ononthatu yo 2009, ankho tyina osapi yati “Tualeiko Okukala Tyalunguka!,” tualekeswa ombrochula omphe ina osapi yati A Bíblia—Qual é a Sua Mensagem? Mokueenda kuohanyi ya Kuhuhu mouye auho omawaneno maave ombrochula oyo otyikando tyotete. Oñgeni ombrochula oyo maikuatesako ovanthu motelitoliu yetu? Ovanthu ovanyingi, haunene vonongeleya mbavana vehevakristau, vena enoñgonoko lihehi konthele Yombimbiliya. Ngotyo, ombrochula pefo 3 ihangununa okuti oyo yalingwa pala okulekesa “etyi Ombimbiliya ipopia.”
2. Oñgeni matuave ombrochula?
2 Oñgeni Matuave Ombrochula: Onthue tupondola okupopia ngetyi: “Tuhanda okunoñgonoka olusoke luove konthele yonondaka ombu. [Tanga 2 Timóteo 3:16.] Ovanyingi tutomphola navo vetavela onondaka ombu; ovakuavo vasoka okuti Ombimbiliya omukanda umwe vala omuwa. Oityi ove usoka konthele Yombimbiliya? [Yeka omunthu akumbulule.] Katyasukisile oipi ongeleya yetu, pena omahunga omawa opo onthue muene tutange Ombimbiliya. [Tanga onondaka mbokuhimbika mbukahi pefo 3.] Putyina utanga onondaka mbo Mbimbiliya mbukahi mombrochula ei, motale otyipuka tyimwe tyakolela: Ombimbiliya ina osapi nonondaka onongwa.”
3. Onondaka patyi ononkhuavo tupondola okuundapesa, haunene motelitoliu muna ovanthu ovanyingi vonongeleya mbavana vehevakristau?
3 Tupu tupondola okupopia onondaka ononkhuavo, haunene tyina tuivisa pana pena ovanthu ovanyingi vonongeleya mbavana vehevakristau: “Tuhanda okunoñgonoka olusoke luove konthele yetyi tyapopiwa Movihonekwa evi (ine momukanda ou wa Huku.) [Tanga Salmo 37:11.] Oityi ove usoka konthele yetyi matyikakala oohi tyina eulo eli liamafuiswapo? [Yeka omunthu akumbulule.] Ei ongeleka imwe ilekesa okuti Ombimbiliya ipondola okuavela ekevelelo nepamo kovanthu vomihoko aviho.” Tanga onondaka mbokuhimbika mbukahi pefo 3, iya oave ombrochula.
4. Oñgeni matuundapesa ombrochula opo tuhimbike okulongesa ovanthu Ombimbiliya?
4 Okuhimbika Okulongesa Omunthu Ombimbiliya: Tyina tukondoka okukemutalelapo tupondola okuhinangelesa muene weumbo konthele yetyi tuatompholele iya atupopi o palagrafu ike ine onombali konthele yetyi tuapopile, okuundapesa omapulo ekahi konthyulilo yonthele tuaholovona. Ine inkha tuhanda liwa okupopia konthele yomukanda Oityi Ombimbiliya Ilongesa, Tupondola okutanga nae onthele ikahi konyima yombrochula, omuavela omukanda, omupulu okapitulu patyi apanda iya amutange kumwe o palagrafu ike ine onombali. Atuho tuundapei nombili pokuava ombrochula ei mokueenda kuohanyi ya Kuhuhu!