Ondaka ya Huku Ina Esilivilo Pala Okulongesa

1. Oipi osapi yotyonge tyononthiki onombali tyenima 2014, iya epulo patyi malikakumbululwa motyonge otyo?

¹ Omulongesi ‘Wetu Omunene,’ Jeova, oe wavilapo vali kokulongesa ouye auho. (Isa. 30:20, 21) Oñgeni Jeova etulongesa? Wetuavela omukanda ukahi vali nawa kuaviho—Ondaka yae Ombimbiliya atuma okuhoneka. Oñgeni ondongeso ya Huku ituetela ouwa, tyilinge molutu, no monondunge, no momahando, nomopamphepo? Ekumbululo liepulo olio malikumbululwa motyonge tyononthiki onombali tyenima 2014. Osapi yati: “Ondaka Ya Huku Ina Esilivilo Pala Okulongesa” yapolwa mu 2 Timóteo 3:16.

2. Ononthele mbavilapo mambukambulula omapulo patyi?

² Koneka Nawa Ononthele Ombu: Koneka nawa ononthele mbavilapo mbotyonge mambukakumbulula omapulo aa:

• Elongeso lia Huku likalesa ñgeni omienyo vietu? (Isa. 48:17, 18)

• Inkha tukahi nokulinga omapiluluko opo tuumbile Jeova movilinga viomuvo auho, tuesukisa okukala nonthumbi patyi? (Mal. 3:10)

• Oityi tuesukisa okulinga tyina tuamavasi “omalongeso tuhei elikalela”? (Heb. 13:9)

• Oñgeni tupondola okuhetekela “onkhalelo ya Jesus yokulongesa”? (Mat. 7:28, 29)

• Omokonda yatyi vana valongesa mewaneno vesukisa okulilongesa ovo muene? (Rom. 2:21)

• Ondaka ya Huku ina esilivilo pala okulinga tyi? (2 Tim. 3:16)

• Oñgeni ovanthu mavakakala tyina omalongo “amateketeswa”? (Ageu 2:6, 7)

• Onthumbi patyi Jeova ena muonthue? (Efé. 5:1)

• Omokonda yatyi tuesukisa okulinga ononkhono mbokulandula etyi Jeova alongesa? (Luc. 13:24)

3. Omokonda yatyi tyakolela unene okuenda kotyonge nokutehelela nawa?

³ Mokapitulu 3 ka 2 Timoteo, tyina Paulu ehenehoneke onondaka muapolua osapi yotyonge, watetekela okupopia omuvo wepuiya ankho maukamoneka kononthiki mbonthyulilo. Wahoneka okuti: “Onondingavivi no vomatutu mavakavilapo unene, okuyondya nokuyondyua.” (2 Tim. 3:13) Moluotyo opo tuhayapulwe, tyakolela unene tutehelele nawa nokulandula ondongeso ya Huku! Ngotyo, tuna okulinga ononkhono mbokuenda kotyonge nokutehelela nawa.