Ovalie Valinga Ehando lia Jeova Hono?
1. Onalupi matuhimbika okulilongesa Ombruchula Ovalie Valinga Ehando lia Jeova Hono? iya oityi yalingilwa?
1 Okuhimbikila mosimano 20 ya Hitandyila yo 2014, Omawaneno o Nyaneka maehimbika okulilongesa ombruchula Ovalie Valinga Ehando lia Jeova Hono?, Melilongeso Liombimbiliya Mewaneno. Ombruchula omphe, tuapewa motyonge “Yunga Vali Nawa Omutima Wove!” yalingwa pala okuhongolela ovalongwa meongano lia Jeova. Tala okuti omukanda oo kaupopi vala olupandu olunene tuna mokonda yokukahi meongano lia Jeova, mahi tupu maitukuatesako okulongesa nawa ovanthu movilinga viokuivisa.—Sal. 48:13.
2. Oñgeni ombruchula maililongeswa mewaneno?
2 Oñgeni Maililongeswa: Omuendesi wesukisa okuyapula nawa omuvo pala kese elongeso. Mehimbika omalongeso aeho 28 mokutanga epulo likahi ngosapi. Okulandulako, aiti omukuatate matange opo atange opalagrafu yotete. Konyima, omuendesi alingi epulo ovateheleli liokuhimbika oe muene asoka. Kese, palagrafu yehimbika nonondaka mbatwa vali mbuna okutangwa nokuhangununwa ambuike. Tyina opalagrafu yamatangwa, omuendesi wiita ovateheleli vapopie oñgeni ikumbulula epulo osapi yelongeso. Tupu ombruchula ina omalutalatu omanyingi apondola okutompholwa. Onotestu mbakolela vali mbupondola okutangwa tyina omuvo utuuka. Tyina muhenelambe nokelongeso ekuavo omuendesi una okupitulula mokulinga omapulo ekahi pombuelo yefo. Inkha uvasa okakasa “Noñgonoka vali” kena okutangwa, nokuita ovateheleli vapopie oñgeni onondonga mbukahipo mbupondola okukuatesako omulongwa Wombimbiliya. Inkha omuvo utuuka pokumanuhula elongeso omuendesi upondola okuundapesa osapi yelongeso pala okupitulula. Kala tyityi okuti Katyesukisile okulinga ngotyo tyina tulilongesa nomulongwa.
3. Oñgeni tupondola okupola ouwa kokulilongesa ombruchula ei?
3 Opo tupoleko nawa esilivilo, otyiwa tulipongiye nawa. Linga ononkhono mbokuava omakumbululo. Tyina mulilongesa, soka oñgeni onondonga ombo mbupondola okukuatesako omulongwa Wombimbiliya. Okulilongesa ombruchula oyo omphe matyitupameka opo tutyivile okukuatesako vakuetu veliwaneke nonthwe okulinga ehando lia Huku, naavo avakala nekevelelo liomuenyo waapeho.—1 João 2:17.