Veliepesei Nawa

Ovalie tuna okuliepesa nawa? Aveho veya komaliongiyo etu—tyilinge ovape ine omapanga etu okohale. (Rom. 15:7; Heb. 13:2) Tupu tuna okuliepesa nawa omunthu watunda kotyilongo otyikuavo ine hamwe Omukristau wayekapo okuivisa mahi eya keliongiyo otyikando tyotete etyi palamba omanima omanyingi. Soka oñgeni ove ñgeno welitehelela inkha tyali ove. Okuti ñgeno kuahambukillwe okuliepeswa monkhalelo ngoyo? (Mat. 7:12) Ngotyo, omokonda yatyi ove uhalingila ononkhono mbokuliepesa ovanthu Mondyuo Yomaliongiyo tyina eliongiyo lihenehimbike ine liamapu? Otyo tyikuatesako ovanthu okukala nehambu iya tupu tyavela Jeova omunkhima. Mahi, hapeho tyitavela okuliepesa na kese munthu weya meliongiyo. No ngotyo, atuho tuesukisa okulinga ononkhono mbokuliepesa vakuetu.a

Okutambula nawa ovaenda katyilingwa vala pomuvo Wehinangelo mahi tyilingwa apeho. Tyina ovape vamona oluembia Ovakristau vena na vakuavo iya navo avaliepeswa noluembia ngolo, tyiveavela ondundo yokunkhimaneka Huku iya aveliwaneka nonthue mefendelo liotyotyili.—João 13:35.