Okuti Upondola Okukala Omukokoli-ndyila Wapola Pokati mu Março Ine mu Abril?

Okuti uhanda okuundapela vali Siovaa Pehinangelo? (2 Kol. 5:14, 15) Mohanyi ya Março no ya Abril, ovakokoli-ndyila vapola pokati vapondola okukoya ine mavaundapa onoola 30 ine 50. Inkha uhanda okukala omukokoli-ndyila wapola pokati, upondola okuhoneka o petisau yove oyaavela ovakuatate Vokomisau Yovilinga Yewaneno lienyi. Kese hanyi, makulingwa eiviso lipopia vana mavaundapa ngovakokoli-ndyila vapola pokati. Okulinga ngotyo, ovakuatate mavetyivili okukuatesako vana vakala ovakokoli-ndyila. Atuho tupondola okuundapa unene movilinga viokuivisa pomuvo wehinangelo. Inkha tulinga ngotyo, matuyawisa vali kounongo wetu wokuivisa, atupameka vakuetu. — 1 Tes. 5:11.