KALA NOMBILI MOVILINGA VIOKUIVISA | YAWISA KEHAMBU LIOVE MOVILINGA VIOKUIVISA
Kuatesako Ovalongwa Vove Opo Vende Komaliongiyo
Tyina tuenda komaliongiyo, ngotyo tukahi nokufenda Huku ngetyi muene ahanda. (Sal. 22:22) Tupu omaliongiyo tuehole mokonda etuhambukiswa. (Sal. 65:4) Ovalongwa tyina venda komaliongiyo aeho vekula liwa.
Oityi upondola okulinga opo ovalongwa vove veye keliongiyo? Apeho vepopila veye keliongiyo. Velekesa ovidiu yati: Oityi Tyilingwa Mondyuo Yomaliongiyo? Vepopila oñgeni omaliongiyo maevekuatesako. (Omukanda Kalako Nomwenyo Apeho!, pelongeso 10.) Vepopila ovipuka oviwa welilongesa meliongiyo. Tupu upondola okuvepopila etyi ha matyipopiwa meliongiyo. Avela ovalongwa vove omikanda tulilongesa momaliongiyo. Ine wamoma umwe okuti omulongwa wove uhanda okuenda keliongiyo, upondola okukemuwana amuende amuho. Tyina wamatale okuti omulongwa wove weya keliongiyo, matyikuhambukiswa. — 1 Ova Kolindu 14:24, 25.
TALA OVIDIU YATI: KUATESAKO OVALONGWA VOVE . . . OKUENDA KOMALIONGIYO. PAHE OKUMBULULA OMAPULO AA:
Omutyi Nita akuatelela akonge Jade eye keliongiyo?
Oityi tuhambukilwa tyina omulongwa wetu eya keliongiyo?
“Tyotyili Huku ukahi pokati kenyi”
Oityi Jade amona monthiki yo tete aya keliongiyo?