Kuatesako Ovalongwa Vove Vayeke-po Omapanga Omavi

Opo ovalongwa vetu vetyivile okukala omapanga a Siovaa, vena okuholovona nawa omapanga avo. (Sal. 15:1, 4) Omapanga omawa maevekuatesako avalingi etyi tyihambukiswa Siovaa. — Pro. 13:20; Omukanda Kalako Nomwenyo Apeho, pelongeso 48.

Tyina ukuatesako omulongwa wove ayeke-po omapanga omavi, una okukala nokankhenda ohemukuluminya. Pamwe okuyekapo vala ngotyo omapanga ae etyilia-le, katyapepukile. Katupondola okukeveovola vala tyina tukevelongesa. Pamwe otyiwa okuvehonekela omesasi, nokuvelikalela, nokuenda vala meumbo liavo mukatomphole. Tyina mukaenda-enda na vakuenyi mewaneno navo ovepopila veye. Ine otyo ulinga ngotyo, mavelinoñgonoka nawa na vakuavo vo mewaneno. Opo mavatale okuti ine vasapo omapanga avo vena ovakuavo. (Malu. 10:29, 30) No ove mohambukwa tyina wamatale okuti ombunga ya Siova ili nokuliyawisa.

TALA OVIDIU YATI: KUATESAKO OVALONGWA VOVE OKULITYILIKA OMAPANGA OMAVI. PAHE OKUMBULULA OMAPULO AA:

• Omapanga omavi, ovanthu patyi? — 1 Kol. 15:33.

• Etyi Nita apopila Jade vekelimane ounye, oityi Jade asoka?

• Oityi Nita alinga akuateseko Jade ayeke-po omapanga omavi?