OMWENYO WETU WOUKILISITAU
Litala Ngetyi Siovaa Ekutala
Ombimbiliya yati: “Siovaa uhambukilwa ovanthu vae.” (Sal. 149:4) Siovaa utala oviwa tuna-vyo namphila pamwe tupengesa. Pamwe mokonda yetyi vakwetu vetulingile, tupondola okusoka okuti katusilivila-le. Hamwe kohale tualingile vimwe viapenga pahe tusoka okuti Siovaa kesukile-ale no onthwe. Ine otyo tulitala ngotyo, oityi tupondola okulinga?
Apeho hinangela okuti Siovaa umona etyi ovanthu vahamono. (1 Sam. 16:7) Siovaa ketutale ngetyi onthwe mwene tulitala. Ombimbiliya ipopia umwe nawa oñgeni Siovaa etutala. Lilongesa Ombimbiliya, haunene umwe ono velesikulu mbuna mbupopia olwembia Siovaa ena novafendi vae.
HIKISA OVINDIU YATI: WEHELIVELE VALI ONOMBEI. PAHE OPULU OKUTI:
Etyi he akala etyi omona wae atoka, tyitulongesa okuti Siovaa ututala ñgeni?
Ine omunthu walinga onkhali, akwateswako novakulu vewaneno, pahe akala umwe nawa, oityi apondola okulinga ehelivele vali onombei? — 1 Suau 3:19, 20.
Etyi omukulu twamona movidiu elilongesa etyi Siovaa alingile ovo Daviti na Sosafaa, akala ñgeni?