Pokulilongesa Taindya Evi Ankho Wehei

Tyina uya pokulilongesa lipula ñgana: ‘Apa oityi matyipopiwa-po?’ Mahi tuna okulunguka opo etyi twasoka tyehetulingisise atwahamono vali ovipuka ovikwavo Siovaa ahanda okutulongesa. Oityi tuna okulinga tunoñgonoke umwe nawa etyi Siovaa ahanda okutulongesa?

Ita ounongo. Ita ku Siovaa ekukwateseko, unoñgonoke etyi ahanda okukulongesa poola opo. (Tia. 1:5) Wahakakatele vala mweevi wii-ale. — Omih. 3:​5, 6.

Yeka ononkhono mb’Ondaka ya Huku mbuundape mwoove. “Ondaka ya Huku ina omwenyo.” (Hemb. 4:12) Apeho tyina tutanga Ondaka ya Huku ina omwenyo, tupondola okunoñgonoka ovipuka ankho twehei mavitukwatesako unene. Mahi otyo matutyimono vala putyina tusoka umwe nawa etyi twahanda okunoñgonoka, na tyina tunoñgonoka etyi Siovaa ahanda okutulongesa.

Pandula atyiho Siovaa etulongesa natyo. Okulia kwae kwopasipilitu kukahi ‘ngotyipito tyina ovikulia vipepa.’ (Isa. 25:6) Lilongesa umwe neevi usoka okuti ngoti kumesuku-ale navio. Kumapolo-ko vala ouwa, mahi tupu mopande etyi Huku ekahi nokwaava.