Okuti Ove Wafuapo Inkha Utumbukilwa no Nouvela?
Onombela mbupondola okuuhuluka tyihalondola. (Tia. 4:14) Anthi, omunthu walunguka ulifuisapo nawa. (Prov. 22:3) Okuti ove watokolale ovihemba patyi nonkhalelo yokuhakulwa motavela, iya wetyihoneka? Kualingwa ovideo Tratamentos Alternativos à Transfusão: Atendendo às Necessidades e aos Direitos do Paciente, onthele yavali yo DVD yati Alternativas à Transfusão — Série de Documentários, opo ikukuateseko. Putyina utala ovideo oyo, tala inkha upondola okukumbulula omapulo maalandulako. Mokonda ovideo ilekesa ovanthu vekahi nokutandwa, ovohe vesukisa okusoka inkha vapondola okuitala novana ovatutu.
(1) Omokonda yatyi onondotolo mbumwe no nofulumelu, vekahi nokupilulula omalusoke avo konthele yokupakwa ohonde? (2) Popia onongeleka ononthatu mbovanthu vatandwa monkhalelo yepuiya tyihapakelwe ohonde. (3) Omokonda yatyi onondotolo ononyingi mouye auho vafuapo okutanda ovanthu tyihapake ohonde? (4) Oityi onondotolo mo nosipitali vanoñgonoka pahetyino konthele yokuhakula nohonde? (5) Ovitateka patyi vitundilila kokupakwa ohonde? (6) Oityi ovanongo ovanyingi vapopia konthele youwa wokuhakula novihemba ovikuavo tyihaudapesa ohonde? (7) Oityi tyikalesa omunthu tyihena ohonde? Oityi tyipondola okulingwa opo akale vali nohonde? (8) Oñgeni ohonde (glóbulos vermelhos) ipondola okulundwa molutu luomuvei? (9) Ounongo patyi uhole okuundapeswa opo omunthu ahapesele unene ohonde tyina atandwa? (10) Okuti okuundapesa ovihemba ovikuavo kovana ovatutu ine kovanthu vavela unene tyikuatesako umwe pehena ohonde? (11) Otyitumino patyi tyike povitumino viakolela, tyilekesa okuhakula nawa?
Mokonda okutavela ononkhalelo mbumwe mbokuhakulwa mbapopiwa movideo oyo, tyitei ku kese omunthu, uhakevelele alo utumbukilwa nouvela, opo utokole etyi motavela netyi uhetavela. Okapitulu 7 komukanda “Amor de Deus,” nonthele ivasiwa mo suplemendu yo Nosso Ministério do Reino ya Novembro yo 2006, mavikukuatesako okulinga etokolo liove lielikuata kumwe netyi welilongesa. Inkha ove wambatisalwa honeka etyi waholovona po kakartau DPA, iya oketyindi apeho kese oku wenda.
[Onondaka Mbavilapo pefo 3]
Okuti ove watokolale ovihemba patyi nonkhalelo yokuhakulwa motavela nokutyihoneka?