OMAPULO OMBIMBILIYA AKUMBULULWA

Okuti Ombimbiliya ipondola umwe okunoñgonokwa?

Ombimbiliya Ondaka ya Huku. Yelifwa nomukanda wa he umwe una oluembia. (2 Timóteo 3:16) Mombimbiliya, Huku upopia oñgeni tupondola okumuhambukiswa, omokonda yatyi ayekelako ovivi, netyi makalingila ovanthu komutwe wandyila. Mahi ovalongesi vonongeleya vapilulula omalongeso Ombimbiliya. Moluotyo, ovanthu ovanyingi vasoka okuti kamavetyivili okuinoñgonoka.​—Atos 20:29, 30.

Jeova Huku uhanda tunoñgonoke otyili konthele yae. Otyo etuavelela omukanda upondola okunoñgonokwa.​—Tanga 1 Timóteo 2:3, 4.

Oñgeni upondola okunoñgonoka Ombimbiliya?

Jeova ketuavelele vala Ombimbiliya, mahi tupu wetuavela ombatelo opo tuinoñgonoke. Watuma Jesus opo etulongese. (Lucas 4:16-21) Jesus wapopile onoversikulu ononyingi opo akuateseko ovateheleli vae okunoñgonoka Ovihonekwa.​—Tanga Lucas 24:27, 32, 45.

Jesus waonganeka ewaneno Liovakristau opo ovilinga ahimbikile pano pohi vitualeko. (Mateus 28:19, 20) Hono, ovalanduli votyotyili va Jesus vekahi nokukuatesako ovanthu okunoñgonoka etyi Ombimbiliya ilongesa konthele ya Huku. Inkha uhanda okunoñgonoka Ombimbiliya, Onombangi mba Jeova mavakala nehambu enene liokukukuatesako.​—Tanga Atos 8:30, 31.