4 NUENƆ

Buū Kpa Kaɛ Sɔ̄ A Bɔloo

Mat 22:41-45

TƐƐ̄NYƆƆ: Kpɛ̄naloo beenyiɛ pya o gaa kɔ ue nɛ lɛɛ o buū ziī dɔ kpa kaɛ.

Suā nu anua o gaa buū lo dɔ kpa kaɛ. Buū ziī ziī dɔ kpa kaɛ bu sīdee ezuura ekɛɛrɛ lo nɛɛ kumaloo kpog-bee ue a le bu lo dɔ kpa kaɛ.

Ɛp nu pya dɔ kpa kaɛ a waɛloo kɛ̄ o gaa buū a kɔ. Lo a le o kue bee ziī nɛɛ kɔ alɛ na a bee ɛm ziī kpa a ale alɛ na a kɔ ziī ue a, muɛ̄ kɔ a lu kaka doo wo.
Doo kɔ o ue a dɛɛa nyɔɔ Baibol. Sɔ̄ o gaa kɔ ue nɛ pya ba yiga bu Bari, kɔ ue kumaloo Baibol doodoo “Muɛ̄ Ue Bari,” bu lo sīdee ama o tɔgɛ kɔ a lu kɛ̄ kaāna suānu aa.
Dana taɛ lɛɛ kɛ̄ kumaloo kpa kaɛ. Bip ebip lo o su kpa kaɛ aŋana, kɔ ziī nu a gaa sira lo kpa kaɛ kɔ nu kumaloo, kɔ ziī suānu Baibol lo ziī e’ɛma a le bu Baibol edoo kɔ a lu edābeeloo.

Yere nukuādɛɛ̄ loo pya nu nɛɛ o gaa zue ue nɛ suā akiiloo ekobee ue le dɔ kpa kaɛ o gaa kɔ ue nyɔɔ. Nuūnabee dɔ kpa kaɛ gbɛnɛkpo nɛɛ dap suā bu sīdee a dana taɛ, sa doo kɔ nɛɛ o gaa kɔ ue nɛ a dābeeloo lo dɔ kpa kaɛ leere sa dābeeloo pya kpog-bee ue a le bu.