Bɔātɛ̄ Bu Sīdee A Lee

Nu Filip Bee Doo

VIDIO: Filip Bee Zue Ue Nɛ Kookoo Nɛɛ Itiopia

1. Si ee lo VIDIO, ale o buū Doonu pya Nɛɛ lɛɛratam 8:30, 31. Lɛɛ o agara pya ebip a nyɔɔnɛ ama:

1. Bu mɛ sīdee na Filip bee bɔātɛ̄ lo kɔnia ue a?

2. Ena anua lo ama bee lu le sīdee ebɔātɛ̄ lo kɔnia ue sa yerebah doo kɔ a dap tɔgɛ aā kaka ue lo gbara a?

Ena I Nɔ Aāloo Filip A?

2. Lo i bɔātɛ̄ kɔnia ue bu sīdee a lee, edoo kɔ loo lo nɛɛ a sukɛ̄ sa kpɛ̄naloo egbaɛ̄tɔ̄loo i yereue.

Nɔ Filip

3. Lu nɛɛ a para ɛp nu. Kɛ̄ nɛɛ sere sī doo le kɛ̄ a tɔɔ̄ doo dap kɔ gbɛnɛ-edo nu. Ekɔ lo nɛɛ kpɛ̄nageloo ekɔ ue a nɛ ni? O dap bɔātɛ̄ nyɔɔnɛ nɛɛ kɔnia kaka ue a le bu Baibol tɛ̄maloo ebip ye kɔ, “O suāge kɔ . . . ?” O aa su bah ekpo aā nɛɛ a naa gbī enyɔɔnɛ a kɔnia ue.

4. Ɛrɛ egerebu. O aa kɛɛrɛ kɔ o ɛrɛge ekɔ ue nyɔɔ Baibol aba sɔ̄. Yira baɛ taɛ sɔ̄ a bɔloo, e wo edoo kɔ a lee sɔ̄ o kɔ ue nyɔɔ Baibol. Pio sɔ̄ lo ama dap kura kɔ o yira mmɛ dɔɔ̄na sɔ̄ lo nɛɛ le ɔɔ esikɛ̄ kɔnia ue lɛɛ o kɔ ue nyɔɔ Baibol sɛ̄.

5. Kɔ ue dɛɛa nyɔɔ kɛ̄tɔɔ̄ nɛɛ o gaa gbī ezue ue nɛ. Nɛɛ o gaa nyɔɔnɛ kɔ ue dap bɔātɛ̄ ekɔ ue kumaloo dɔɔ̄na nu lo oo bee ɛmadɛɛ̄. Nyɔɔwo kpɛ̄naloo ezue ue nɛ lo nɛɛ kumaloo nu a ɛrɛ nia bu, kere a kura kɔ o nyaana o ekɔaue.