Ukẹro Ọgo wa ha ni Baibol na?

OBORẸ I BAIBOL NA Ọ TARE

“Ẹhẹn ọfuanfon Osolobrugwẹ yẹ a ha ya eyaya ọfuanfon na ephian.”—2 Timothy 3:16, New World Translation.

OBORẸ ỌRANA ỌNỌ SABU MEVIRHỌ WẸN

Ẹkpahenrhọ rọ vuọn evwan harẹn enọ egbogbanhon ri sekpahen akpenyerẹn.—Proverbs 2:1-5.

Omamọ ọkpọvi rọ nọ sa ọwan erhumu nyerakpọ kẹdẹkẹdẹ.—Psalm 119:105.

Omamọ ẹruefirhọ kpahen obaro na.—Romans 15:4.

ỌWAN INE GHINI SABU KWERHỌ OBORẸ I BAIBOL NA Ọ TARE?

Ee, orho riotọre, fọkiẹ iroro esa:

• Oborẹ o rhiẹ owu lele o gbunu. Ọ ha ghwẹ ẹgbukpe 1,600 a ki ya i Baibol na hin, ehworhare 40 sansan yi ya i Baibol na. Buebun aye a mẹrẹn omoma aye dẹ-ẹ. Udabọ ọrana, ọsoso ọbe na owu ọvo, urhomẹmro owu ọvo yọ ha ọsosuiẹ!

• Ikun urhomẹmro. Ere gbikun akpọ, erhe fi ihworho aye kparobọ, aye ne tie nuẹ. Eri ya i Baibol na i vẹnẹren, nime aye i sianron ya oborẹ aye ọrhẹ itu amwa aye i ru sọ lele rhotọre.—2 Chronicles 36:15, 16; Psalm 51:1-4.

• Aruẹmẹrẹn urhomẹmro. Emrẹ ẹgbukpe 200 a ki rhe mọ ghwọghọ i Babylon rọ havwiẹ ọke ahwanren, Baibol na ọ tariẹ rhotọre vẹrhẹ. (Isaiah 13:17-22) Ọ mẹraro kpahen oborẹ i Babylon ọnọ ghwọghọ lele, ọrhẹ odẹ ohworho ro no fie kparobọ!—Isaiah 45:1-3.

  Aruẹmẹrẹn i Baibol erọrọ i ji rugba hin. Itiọrurhomẹmro, omaran yẹ Ẹmro Osolobrugwẹ ono rhirhiẹ, gbinẹ rhẹ omaran?—2 Peter 1:21.