Ruẹ Uyono Rhẹ Ẹhẹn wu na ta Rẹn Awọrọ Kpahen Oborẹ wu Yonorin

Oma ọ merhen ọwan erhe yono i Baibol na, ọrẹn, oma ọnọ merhen ọwan omamọ arha ta rẹn awọrọ kpahen iyono eghoghanren ri ha userhumu rẹn ọwan tikẹrẹ i Jehova rhọ. Proverbs 11:25 nọ tare: “Kohworho kohworho rọ rhuọnrhuọn awọrọ oma ọnọ ji mẹrẹn omẹrhuọnrhuọn.”

Arha ta rẹn awọrọ kpahen oborẹ e yonorin, ọnọ ha userhumu rẹn ọwan karorhọ uyono na ji vwẹruọ ye rhọ. Fọkime awọrọ ina sabu mẹrẹn erere nẹ iyono eghoghanren erana, ono mwu ọwan ta rẹn aye kpahiẹn.—Acts 20:35.

Damu ọnana: Uvuẹn ọkprughwre rọ sa na, gwọlọ uphẹn wu na ta rẹn awọrọ kpahen oborẹ wu yonorin. Wu na sabu ta rẹn ohworho ekruon, omizu ukoko na, ohworho owẹwẹ rhẹ ọye a gba wian ekete owu, ohworho owẹwẹ rhẹ ọye e gbe riẹ isukuru owu, ihworho owẹwẹ rhẹ aye egbe rhirhiẹ ekete owu yanghene ihworho wu mẹrẹnren uvuẹn owian aghwoghwo na. Damoma ta rẹn awọrọ kpahen oborẹ wu yonorin na ọrẹ ẹmro ọnọ, izede ọlolọhọ ro ji fiotọre.

Karorhọ: Ta rẹn awọrọ kpahen oborẹ wu yonorin nọ bọn aye gbanhon, orhiẹ fọkiẹ omẹkpare-e.—1 Cor. 8:1.