ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଯୋଷେଫଙ୍କ ଭଳି ହୁଅନ୍ତୁ—ଅନୈତିକତାଠାରୁ ପଳାୟନ କରନ୍ତୁ
ଯେବେ ମଧ୍ୟ ଆମକୁ ଅନୈତିକ କାମ କରିବା ପାଇଁ ପ୍ରଲୋଭିତ କରାଯାଏ, ଆମେ ଯୋଷେଫଙ୍କ ଉଦାହରଣକୁ ମନେ ପକାଇବା ଉଚିତ୍ । ତାଙ୍କ ମାଲିକର ପତ୍ନୀ ପ୍ରତିଦିନ ତାଙ୍କୁ ପ୍ରଲୋଭିତ କରିବାକୁ ଚେଷ୍ଟା କରୁଥିଲା । କିନ୍ତୁ ସେ ସ୍ପଷ୍ଟ ଭାବେ ମନା କରି ଦେଉଥିଲେ । ସେ କହିଲେ, “ମୁଁ କିରୂପେ ଏଡ଼େ ବଡ଼ ଦୁଷ୍ଟତା ଓ ପରମେଶ୍ୱରଙ୍କ ବିରୁଦ୍ଧରେ ପାପ କରିପାରେ ?” (ଆଦି ୩୯:୭-୧୦) ଏଥିରୁ ଜଣାପଡ଼େ ଯେ ଯିହୋବା କʼଣ ଚାହାନ୍ତି ସେବିଷୟରେ ସେ ଚିନ୍ତନ କରୁଥିଲେ । ଯିହୋବା ଚାହାନ୍ତି ଯେ ପତିପତ୍ନୀ ପରସ୍ପର ପ୍ରତି ବିଶ୍ୱସ୍ତ ରହନ୍ତୁ । ତେଣୁ ଯେବେ ଦିନେ ସେହି ସ୍ତ୍ରୀ ଯୋଷେଫଙ୍କୁ ବଳପୂର୍ବକ ଟଣାଓଟରା କରିବାକୁ ଲାଗିଲା, ସେ ତାʼ କଥାରେ ପଡ଼ିଲେ ନାହିଁ ଏବଂ ତୁରନ୍ତ ସେଠାରୁ ପଳାଇଗଲେ ।—ଆଦି ୩୯:୧୨; ୧କରି ୬:୧୮.
ଅନୈତିକତାଠାରୁ ପଳାୟନ କର ! (ହିନ୍ଦୀ) ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ଜିନ୍ ନାମକ ଏକ ଯୁବା ଭାଇ କେଉଁ ପରିସ୍ଥିତିର ସାମନା କଲେ ?
ଯେତେବେଳେ ମୀ-କ୍ୟୋଙ୍ଗ ଭାଇ ଜିନ୍ଙ୍କୁ ଗଣିତର ହୋମୱର୍କରେ ସାହାଯ୍ୟ ମାଗିଲା, ଜିନ୍ କʼଣ ଭାବିଲେ ?
ସୋସିଆଲ୍ ମିଡିଆ ମାଧ୍ୟମରେ ମୀ-କ୍ୟୋଙ୍ଗର ଫ୍ରେଣ୍ଡ ରିକ୍ୱେଷ୍ଟର ଜିନ୍ଙ୍କ ଉପରେ କିପରି ପ୍ରଭାବ ପଡ଼ିଲା ?
ଜିନ୍ କାହାକୁ ଓ କିପରି ସାହାଯ୍ୟ ମାଗିଲେ ?
ଅନୈତିକତାଠାରୁ ପଳାଇବା ପାଇଁ ଜିନ୍ କʼଣ କଲେ ?
ଏହି ଭିଡିଓରୁ ଆପଣ କʼଣ ଶିଖନ୍ତି ?