ଖ୍ରୀଷ୍ଟୀୟ ଜୀବନଯାପନ କରନ୍ତୁ

ଯେଉଁମାନେ ଈଶ୍ୱରଙ୍କୁ ବିଶ୍ୱାସ କରନ୍ତି ନାହିଁ ସେମାନଙ୍କୁ ଯିହୋବାଙ୍କ ବିଷୟରେ ଜାଣିବା ପାଇଁ ସାହାଯ୍ୟ କରନ୍ତୁ

ଅନେକଥର ଆମକୁ ଲାଗିପାରେ, ‘ଯେଉଁ ଲୋକମାନେ କୌଣସି ବି ଧର୍ମକୁ ବିଶ୍ୱାସ କରନ୍ତି ନାହିଁ ସେମାନଙ୍କୁ ସାକ୍ଷ୍ୟ ଦେବାର କୌଣସି ଲାଭ ନାହିଁ, କାରଣ ସେମାନେ ଶୁଣିବେ ହିଁ ନାହିଁ ।’ କିନ୍ତୁ ଆମେ ମନେରଖିବା ଉଚିତ୍‌ ଯେ ଏଭଳି କିଛି ଲୋକ, ଏପରିକି ନାସ୍ତିକମାନେ ମଧ୍ୟ ଯିହୋବାଙ୍କ ସାକ୍ଷୀ ହୋଇଛନ୍ତି । ଆଉ ପ୍ରାୟ ସେମାନଙ୍କୁ ଈଶ୍ୱର ଅଛନ୍ତି ବୋଲି ଯାଞ୍ଚ କରିବା ପାଇଁ କେବଳ ଟିକେ ସାହାଯ୍ୟ ଦରକାର ପଡ଼େ ।—ରୋମୀ ୧:୨୦; ୧୦:୧୪.

ମନେ ରଖନ୍ତୁ—କେହି ବି ଯିହୋବା ଈଶ୍ୱରଙ୍କ ଉପରେ ବିଶ୍ୱାସ କରିପାରିବେ !—ଈଶ୍ୱରଙ୍କୁ ବିଶ୍ୱାସ କରୁ ନ ଥିବା ଲୋକେ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନର ଉତ୍ତର ଦିଅନ୍ତୁ:

ଟୋମାଜୋଙ୍କ ଅନୁଭୂତିରୁ ଆପଣ ଈଶ୍ୱରଙ୍କ ଉପରେ ବିଶ୍ୱାସ କରୁ ନ ଥିବା ଲୋକମାନଙ୍କୁ ସାକ୍ଷ୍ୟ ଦେବା ବିଷୟରେ କʼଣ ଶିଖନ୍ତି ?

ଉତ୍ତର

ଏହା କିପରି କରିବା ?

ଯଦି କେହି କହନ୍ତି ଯେ ସେ ଈଶ୍ୱରଙ୍କ ଉପରେ ବିଶ୍ୱାସ କରନ୍ତି ନାହିଁ, ତେବେ ବି ତାଙ୍କୁ ପ୍ରେମ ଦେଖାନ୍ତୁ । ତାଙ୍କ କଥା ଧ୍ୟାନର ସହ ଶୁଣନ୍ତୁ ଓ ବୁଝିବା ପାଇଁ ଚେଷ୍ଟା କରନ୍ତୁ ଯେ ସେ ଏପରି କାହିଁକି ବିଶ୍ୱାସ କରନ୍ତି । (୨ତୀମ ୨:୨୪) ସେ ଯେଉଁ ବିଷୟଗୁଡ଼ିକ ଉପରେ ଆଗ୍ରହ ଦେଖାନ୍ତି ସେହି ବିଷୟଗୁଡ଼ିକ ଉପରେ ତାଙ୍କ ସହ କଥା ହୁଅନ୍ତୁ । କʼଣ ସେ ସେହି ପ୍ରମାଣଗୁଡ଼ିକ ଉପରେ ଚର୍ଚ୍ଚା କରିବା ପାଇଁ ପ୍ରସ୍ତୁତ ଅଛନ୍ତି, ଯାହାର ଯାଞ୍ଚ କରି ଅନେକ ଲୋକମାନେ ସୃଷ୍ଟିକର୍ତ୍ତା ଉପରେ ବିଶ୍ୱାସ କରିବାକୁ ଲାଗିଛନ୍ତି ? ଯଦି ହଁ, ତେବେ ତାଙ୍କୁ ସେହି ବହି ପତ୍ରିକାଗୁଡ଼ିକ ଓ ଭିଡିଓ ଦେଖାନ୍ତୁ, ଯାହା ଏହି ଉଦ୍ଦେଶ୍ୟରେ ପ୍ରସ୍ତୁତ କରାଯାଇଛି । ଯେପରି, ଜୀବନର ଆରମ୍ଭ, ପାଞ୍ଚଟି ପ୍ରଶ୍ନ—ଉତ୍ତର ପାଇବା ଜରୁରୀ ନାମକ ପୁସ୍ତିକା । ଏବେ ଏହି ପୁସ୍ତିକା ଶିକ୍ଷା ଉପକରଣ ବକ୍ସରେ ଯୋଡ଼ି ଦିଆଯାଇଛି ଯାହାଫଳରେ ଏହାକୁ ସହଜରେ ଅନ୍ୟମାନଙ୍କୁ ଦେଖାଇ ଦିଆଯାଇପାରେ ।

ହୋଇପାରେ ଯେ ଏପରି ଲୋକମାନଙ୍କ ସହ କଥା ହେବା ପାଇଁ ଆପଣଙ୍କୁ ଡର ଲାଗୁଥିବ । ସେସମୟରେ ଆପଣ କୌଣସି ଅନୁଭବୀ ଭାଇ କିମ୍ବା ଭଉଣୀଙ୍କ ସାହାଯ୍ୟ ନେଇପାରିବେ । କେବଳ ଏତିକି ନୁହେଁ, ଯିହୋବା ମଧ୍ୟ ସଠିକ୍‌ ଚିନ୍ତାଧାରା ରଖୁଥିବା ଲୋକମାନଙ୍କ ହୃଦୟ ଯାଏ ପହଞ୍ଚିବା ପାଇଁ ଆପଣଙ୍କୁ ସାହାଯ୍ୟ କରିପାରିବେ, ଯଦିଓ ସେମାନେ ଆରମ୍ଭରେ ଈଶ୍ୱରଙ୍କ ଉପରେ ବିଶ୍ୱାସ କରିବା ପାଇଁ ମନା କରି ଦେଇଥିବେ ।—ପ୍ରେରି ୧୩:୪୮.