ଏପରି ରତ୍ନ ଖୋଜନ୍ତୁ ଯାହା ଆପଣଙ୍କ କାମରେ ଆସିବ

ଯେବେ ଆମେ ବାଇବଲର କୌଣସି ଭାଗ ପଢ଼ୁ, ତେବେ ସେବିଷୟରେ କିଛି ଖୋଜାଖୋଜି କଲେ, ଆମେ ସେଥିରେ ଥିବା ବହୁମୂଲ୍ୟ ରତ୍ନ ଖୋଜି ପାରିବା । କିନ୍ତୁ ଆମେ ବାଇବଲରୁ ପୂରାପୂରି ଲାଭ କିପରି ପାଇପାରିବା ?

ଛୋଟ ଛୋଟ କଥା ଉପରେ ଧ୍ୟାନ ଦିଅନ୍ତୁ । ଏହା ଜାଣିବା ପାଇଁ ଚେଷ୍ଟା କରନ୍ତୁ ଯେ ଆପଣ ଯାହା ପଢ଼ିଲେ, ତାହାକୁ କିଏ ଲେଖିଛନ୍ତି, କାହା ପାଇଁ ଲେଖାଯାଇଛି ଓ କେବେ ଲେଖାଯାଇଛି । ଏହା ବି ଜାଣିବା ପାଇଁ ଚେଷ୍ଟା କରନ୍ତୁ ଯେ ସେସମୟରେ ପରିସ୍ଥିତି କିପରି ଥିଲା, ତାʼ ପୂର୍ବରୁ କʼଣ ହୋଇଥିଲା ଓ ପରେ କʼଣ ହେଲା ।

ଭାବନ୍ତୁ ଯେ ଆପଣ କʼଣ ଶିଖିପାରିବେ । ଆପଣ କିଛି ଏପରି ପ୍ରଶ୍ନ ବିଷୟରେ ଭାବିପାରିବେ: ‘ଏହି ଘଟଣାରେ ଯେଉଁ ଚରିତ୍ରମାନେ ଥିଲେ, ସେମାନେ କିପରି ଅନୁଭବ କଲେ ? ସେମାନଙ୍କଠାରେ କେଉଁ ଗୁଣଗୁଡ଼ିକ ଥିଲା ? ମୋତେ କାହିଁକି ସେମାନଙ୍କ ଭଳି ହେବା ଉଚିତ୍‌ ବା ସେମାନଙ୍କ ଭଳି ଖରାପ ବ୍ୟବହାର କରିବା ଉଚିତ୍‌ ନୁହେଁ ?’

ଶିଖିଥିବା କଥାକୁ ମାନନ୍ତୁ । ଆପଣ ଯାହା ଶିଖିଲେ, ତା ଅନୁସାରେ ପ୍ରଚାର କରନ୍ତୁ କିମ୍ବା ଅନ୍ୟମାନଙ୍କ ସହ ସେପରି ବ୍ୟବହାର କରନ୍ତୁ । ଯୀଶୁ ବି କହିଥିଲେ, “ତୁମ୍ଭେମାନେ ଏହିସବୁ ଜାଣ, ତେବେ ସେହିପ୍ରକାର କଲେ ତୁମ୍ଭେମାନେ ଧନ୍ୟ ।”—ଯୋହ. ୧୩:୧୭.

• ପରାମର୍ଶ: ଆପଣ ଦେଖିଥିବେ ଯେ ସଭା ପୁସ୍ତିକାରେ ‘ବାଇବଲର ବହୁମୂଲ୍ୟ ଧନ ପାଆନ୍ତୁ’ ଭାଗରେ ବାଇବଲରେ ଗୋଟିଏ ଅଂଶ ବିଷୟରେ ଚର୍ଚ୍ଚା କରାଯାଇଥାଏ । ଆଉ ସେଥିରେ ନିଜକୁ ପଚାରିବା ପାଇଁ କିଛି ପ୍ରଶ୍ନ କିମ୍ବା ଚିନ୍ତନ କରିବା ପାଇଁ କିଛି କଥା ବା ଚିତ୍ରଗୁଡ଼ିକ ଦିଆଯାଇଥାଏ । ସେଥିରୁ ଆମେ ବୁଝିପାରୁ ଯେ ସେହି ଘଟଣାରୁ ଆମେ କʼଣ ଶିଖୁ । ତେଣୁ ବାଇବଲର କୌଣସି ଘଟଣା ପଢ଼ିବା ସମୟରେ ନିଜକୁ ଏପରି ହିଁ ପ୍ରଶ୍ନ କରନ୍ତୁ କିମ୍ବା ଏପରି କଥାଗୁଡ଼ିକ ବିଷୟରେ ଭାବନ୍ତୁ ।