ଭାଗ ୧୨ରେ କʼଣ ଅଛି
ଯୀଶୁ ଲୋକମାନଙ୍କୁ ସ୍ୱର୍ଗ ରାଜ୍ୟ ବିଷୟରେ ଶିଖାଇଲେ । ସେ ଏହା ବି ଶିଖାଇଲେ ଯେ ସେମାନେ ପ୍ରାର୍ଥନା କରନ୍ତୁ ଈଶ୍ୱରଙ୍କ ନାମ ପବିତ୍ର ହେଉ, ତାଙ୍କ ରାଜ୍ୟ ଆସୁ ଏବଂ ତାଙ୍କ ଇଚ୍ଛା ପୃଥିବୀରେ ପୂରା ହେଉ । ଯଦି ଆପଣଙ୍କ ପିଲାମାନେ ଅଛନ୍ତି, ସେମାନଙ୍କୁ ଏହା ବୁଝିବା ପାଇଁ ସାହାଯ୍ୟ କରନ୍ତୁ ଯେ ଏହି ପ୍ରାର୍ଥନା ଆମ ପାଇଁ କେତେ ମହତ୍ତ୍ୱ ରଖେ । ଯୀଶୁ ଶୟତାନର କଥାରେ ନ ପଡ଼ି ଈଶ୍ୱରଙ୍କ ବିଶ୍ୱସ୍ତ ରହିଲେ । ସେ ପ୍ରେରିତମାନଙ୍କୁ ବାଛିଲେ ଏବଂ ସେମାନେ ଈଶ୍ୱରଙ୍କ ରାଜ୍ୟର ସବୁଠୁ ପ୍ରଥମ ସଦସ୍ୟ ହେଲେ । ଧ୍ୟାନ ଦିଅନ୍ତୁ ଯେ ଯୀଶୁଙ୍କୁ ସତ୍ୟ ଉପାସନା ପାଇଁ କେତେ ଉତ୍ସାହ ଥିଲା । ସେ ଅନ୍ୟମାନଙ୍କୁ ସାହାଯ୍ୟ କରିବା ପାଇଁ ଚାହୁଁଥିଲେ, ତେଣୁ ସେ ରୋଗୀମାନଙ୍କୁ ଠିକ୍ କଲେ, ଭୋକରେ ଥିବା ଲୋକମାନଙ୍କୁ ଖାଇବା ପାଇଁ ଦେଲେ ଏବଂ ମରିଯାଇଥିବା ଲୋକମାନଙ୍କୁ ପୁଣିଜୀବିତ କଲେ । ଏ ସବୁ ଚମତ୍କାର କରି ସେ ଦେଖାଇଲେ ଯେ ଈଶ୍ୱରଙ୍କ ରାଜ୍ୟ ମଣିଷ ପାଇଁ କʼଣ କରିବ ।