ଭାଗ ୧୧ରେ କʼଣ ଅଛି
ଏହି ଭାଗରେ ଆମେ ଖ୍ରୀଷ୍ଟିୟାନ ଗ୍ରୀକ୍ ଶାସ୍ତ୍ରରେ ଥିବା ଘଟଣାଗୁଡ଼ିକୁ ଦେଖିବା । ଯୀଶୁଙ୍କ ଜନ୍ମ ଗୋଟିଏ ଛୋଟ ସହରର ଏକ ଗରିବ ପରିବାରରେ ହୋଇଥିଲା । ଯୀଶୁଙ୍କ ବାପା ଜଣେ ବଢ଼େଇ ଥିଲେ ଏବଂ ଯୀଶୁ ତାଙ୍କ ସହ କାମ କରୁଥିଲେ । ଯୀଶୁ ହିଁ ସେହି ବ୍ୟକ୍ତି ଥିଲେ ଯିଏ ଆଗକୁ ଯାଇ ସମସ୍ତ ଲୋକଙ୍କୁ ରକ୍ଷା କରନ୍ତେ । ଯିହୋବା ତାଙ୍କୁ ସ୍ୱର୍ଗରେ ଶାସନ କରିବା ପାଇଁ ରାଜା ବାଛିଲେ । ଯଦି ଆପଣଙ୍କ ପିଲାମାନେ ଅଛନ୍ତି ତେବେ ଏହା ବୁଝିବା ପାଇଁ ସାହାଯ୍ୟ କରନ୍ତୁ ଯେ ଯିହୋବା କିପରି ବୁଝିବିଚାରି ଯୀଶୁଙ୍କ ପାଇଁ ଏପରି ଏକ ପରିବାର ବାଛିଲେ ଯେଉଁମାନେ ଈଶ୍ୱରଙ୍କ ଭକ୍ତି କରୁଥିଲେ ଏବଂ ଯେଉଁମାନଙ୍କ ଘରର ପରିବେଶ ଭଲ ଥିଲା । ବୁଝାନ୍ତୁ ଯେ ଯିହୋବା କିପରି ଯୀଶୁଙ୍କୁ ହେରୋଦର ହାତରୁ ରକ୍ଷା କଲେ ଯିଏ ତାଙ୍କୁ ମାରିବା ପାଇଁ ଚାହୁଁଥିଲା ଏବଂ ଏହା ବି ଯେ କୌଣସି ଜିନିଷ ଯିହୋବାଙ୍କ ଉଦ୍ଦେଶ୍ୟକୁ ପୂରା କରିବାରୁ ରୋକିପାରିବ ନାହିଁ । ଜାଣନ୍ତୁ ଯେ ଯିହୋବା କିପରି ଯୋହନଙ୍କୁ ଯୀଶୁଙ୍କ ପାଇଁ ପଥ ପ୍ରସ୍ତୁତ କରିବାର କାମ ଦେଲେ । ଜୋର୍ ଦେଇ ବୁଝାନ୍ତୁ ଯେ ଯୀଶୁ ଛୋଟ ବୟସରୁ ହିଁ ଯିହୋବାଙ୍କ ବୁଦ୍ଧିଭରା କଥାଗୁଡ଼ିକୁ ପ୍ରେମ କରୁଥିଲେ ।