ଖ୍ରୀଷ୍ଟୀୟ ଜୀବନଯାପନ କରନ୍ତୁ
ପ୍ରତିଦିନ ଯିହୋବାଙ୍କର ପ୍ରଶଂସା କରନ୍ତୁ!
ଜୀବନ ଯିହୋବାଙ୍କ ତରଫରୁ ଏକ ବହୁମୂଲ୍ୟ ଉପହାର। ପ୍ରତିଦିନ ଆମେ ଯେଭଳି ଭାବେ ଜୀବନଯାପନ କରୁ, ସେଥିରୁ ପ୍ରମାଣିତ ହୁଏ ଯେ ଆମେ ଏହି ଉପହାର ପ୍ରତି କେତେ କୃତଜ୍ଞ। ଯିହୋବାଙ୍କ ସାକ୍ଷୀ ଭାବରେ ଆମେ ନିଜ ପ୍ରତିଭା ଓ ସାମର୍ଥ୍ୟ ଏପରି ଭାବେ ଉପଯୋଗ କରିବାକୁ ଚାହୁଁ, ଯାହାଦ୍ୱାରା ଯିହୋବାଙ୍କର ଆଦର ଓ ମହିମା ହୋଇଥାଏ। (ଗୀତ ୩୬:୯; ପ୍ରକା ୪:୧୧) କିନ୍ତୁ, ହୁଏତ ଆମେ ସାଂସାରିକ ଚିନ୍ତାରେ ଏତେ ବୁଡ଼ିଯାଉ ଯେ ଆମେ ଈଶ୍ୱରଙ୍କ ସେବାକୁ ପ୍ରଥମ ସ୍ଥାନ ଦେବା ଭୁଲିଯାଉ। (ମାର୍କ ୪:୧୮, ୧୯) ଆମେ ନିଜକୁ ପଚାରିବା ଉଚିତ୍: ‘ମୁଁ ପ୍ରକୃତରେ ଯିହୋବାଙ୍କୁ ନିଜର ସବୁଠାରୁ ଉତ୍ତମ ଉପହାର ଦେଉଛି କି? (ହୋଶେ ୧୪:୨) ମୋର ଚାକିରୀ କିମ୍ବା ପେଷା ଯିହୋବାଙ୍କ ସେବାରେ ବାଧା ସୃଷ୍ଟି କରୁଛି କି? ମୁଁ ଯିହୋବାଙ୍କ ସେବାରେ କʼଣ ଲକ୍ଷ୍ୟ ରଖିଛି? ମୁଁ ନିଜ ସେବାକୁ କିପରି ଆହୁରି ବଢ଼ାଇପାରିବି?’ ଏହି ପ୍ରଶ୍ନଗୁଡ଼ିକ ଉପରେ ଚିନ୍ତନ କଲା ପରେ, ଯଦି ଆପଣଙ୍କୁ ଲାଗେ ଯେ ଆପଣଙ୍କ ଜୀବନରେ କିଛି ପରିବର୍ତ୍ତନ କରିବାକୁ ହେବ, ତେବେ ଯିହୋବାଙ୍କୁ ପ୍ରାର୍ଥନାରେ ସାହାଯ୍ୟ ମାଗନ୍ତୁ ଏବଂ ଜରୁରୀ ପରିବର୍ତ୍ତନ କରନ୍ତୁ। ଦୃଢ଼ ଭରସା ରଖନ୍ତୁ ଯେ ପ୍ରତିଦିନ ଯିହୋବାଙ୍କର ପ୍ରଶଂସା କରିବା ଦ୍ୱାରା ଆମେ ପ୍ରକୃତ ଖୁସି ଓ ସନ୍ତୁଷ୍ଟି ପାଇପାରିବା!—ଗୀତ ୬୧:୮.
ଆପଣ ନିଜ ପ୍ରତିଭା କାହା ପାଇଁ ବ୍ୟବହାର କରୁଛନ୍ତି?
ନିଜ ଦକ୍ଷତା ଯିହୋବାଙ୍କ ପାଇଁ ବ୍ୟବହାର କରନ୍ତୁ (ହିନ୍ଦୀ) ନାମକ ଭିଡିଓ ଦେଖନ୍ତୁ। ତାʼପରେ, ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ନିଜ ପ୍ରତିଭାକୁ ଶୟତାନର ଜଗତ ପାଇଁ ବ୍ୟବହାର କରିବା କାହିଁକି ମୂର୍ଖତା ହେବ? (୧ଯୋହ ୨:୧୭)
ଯେଉଁମାନେ ଯିହୋବାଙ୍କୁ ନିଜର ସବୁଠାରୁ ଉତ୍ତମ ଉପହାର ଦିଅନ୍ତି, ସେମାନଙ୍କୁ କʼଣ କʼଣ ଆଶିଷ ମିଳେ?
ଈଶ୍ୱରଙ୍କ ସେବା ସହ ଜଡ଼ିତ କେଉଁ କ୍ଷେତ୍ରରେ ଆପଣ ନିଜ ପ୍ରତିଭା ଓ ଦକ୍ଷତା ବ୍ୟବହାର କରିବାକୁ ଚାହାନ୍ତି?