ଖ୍ରୀଷ୍ଟୀୟ ଜୀବନଯାପନ କରନ୍ତୁ
ପ୍ରଚାର ସେବାରେ ଆମେ ନିଜ ଦକ୍ଷତା କିପରି ବଢ଼ାଇବା—JW.ORG ୱେବ୍ସାଇଟ୍ ବ୍ୟବହାର କରିବାରେ
ଏହା କାହିଁକି ମହତ୍ତ୍ୱପୂର୍ଣ୍ଣ: ଆମ ଶିକ୍ଷା ଉପକରଣ ବକ୍ସରେ ଥିବା ପ୍ରତ୍ୟେକ ପ୍ରକାଶନରେ jw.org ୱେବ୍ସାଇଟ୍ ଦିଆଯାଇଛି । ସମ୍ପର୍କ କାର୍ଡ଼ ଓ ଜୀବନର ଗୁରୁତ୍ୱପୂର୍ଣ୍ଣ ପ୍ରଶ୍ନର ଉତ୍ତର ଆମେ କେଉଁଠି ପାଇବା? ଟ୍ରାକ୍ଟର ମୁଖ୍ୟ ଉଦ୍ଦେଶ୍ୟ ହେଉଛି, ଲୋକଙ୍କ ଧ୍ୟାନ ଆମ ୱେବ୍ସାଇଟ୍ ଆଡ଼କୁ ଆକର୍ଷଣ କରିବା । ଆପଣ ଶିକ୍ଷା ଉପକରଣ ବକ୍ସରୁ ଯେକୌଣସି ପ୍ରକାଶନ ଅନ୍ୟମାନଙ୍କୁ jw.org ୱେବ୍ସାଇଟ୍ରୁ ଇ-ମେଲ୍ ସାହାଯ୍ୟରେ ବା ଏହାର ଲିଙ୍କ୍ ପଠାଇପାରିବେ । ବିଶେଷ କରି ଅନ୍ୟ ଭାଷା କହୁଥିବା କୌଣସି ବ୍ୟକ୍ତିଙ୍କୁ ସାକ୍ଷ୍ୟ ଦେବା ସମୟରେ ଏହା ଆମର କାମରେ ଆସିଥାଏ । ତାʼ ଛଡ଼ା, ବେଳେ ବେଳେ ଲୋକେ ଏମିତି ପ୍ରଶ୍ନ ପଚାରିପାରନ୍ତି, ଯାହାର ଉତ୍ତର ଶିକ୍ଷା ଉପକରଣ ବକ୍ସରେ ଥିବା ପ୍ରକାଶନଗୁଡ଼ିକରେ ମିଳେ ନାହିଁ । ଯଦି ଆମେ jw.org ୱେବ୍ସାଇଟ୍ର ବ୍ୟବହାର କରିବା ଶିଖିବା, ତେବେ ଆମେ ଆହୁରି ଭଲ ଭାବେ ପ୍ରଚାର କରିପାରିବା ।
ଏହା କିପରି କରିପାରିବା:
“ବାଇବଲରୁ ଜାଣନ୍ତୁ” ଟ୍ୟାବ୍ରେ ଖୋଜନ୍ତୁ । ମନେ କରନ୍ତୁ ଯେ ଆପଣ ଏପରି ଜଣେ ବାପା କିମ୍ବା ମାଆଙ୍କୁ ସାକ୍ଷ୍ୟ ଦେଉଛନ୍ତି, ଯିଏ ପିଲାଙ୍କୁ ଭଲ ଭାବେ ଲାଳନପାଳନ କରିବା ବିଷୟରେ ଅଧିକ ଜାଣିବାକୁ ଚାହାନ୍ତି । ବାଇବଲରୁ ଜାଣନ୍ତୁ > ବିବାହ ଓ ପରିବାର (ହିନ୍ଦୀ) ବିଭାଗକୁ ଯାଆନ୍ତୁ ।
“ପ୍ରକାଶନ” ଟ୍ୟାବ୍ରେ ଖୋଜନ୍ତୁ । ମନେ କରନ୍ତୁ ଯେ ଆପଣ ସ୍କୁଲରେ ସୁଯୋଗ ଦେଖି ଜଣେ ସହପାଠୀକୁ ସାକ୍ଷ୍ୟ ଦେଉଛନ୍ତି ଏବଂ ଆପଣ ତାକୁ ଯୁବକଯୁବତୀମାନେ ପଚାରୁଥିବା ୧୦ ପ୍ରଶ୍ନ (ହିନ୍ଦୀ) ନାମକ ପୁସ୍ତିକା ଦେବାକୁ ଚାହୁଁଛନ୍ତି । ପ୍ରକାଶନ > ବହି ଓ ପୁସ୍ତିକା ବିଭାଗକୁ ଯାଆନ୍ତୁ ।
“ଆମ ବିଷୟରେ” ଟ୍ୟାବ୍ରେ ଖୋଜନ୍ତୁ । ମନେ କରନ୍ତୁ ଯେ ଆପଣ ନିଜ ସହିତ କାମ କରୁଥିବା ଜଣେ ବ୍ୟକ୍ତିଙ୍କୁ ସାକ୍ଷ୍ୟ ଦେଉଛନ୍ତି, ଯିଏ ଆମ ବିଶ୍ୱାସ ବିଷୟରେ ଜାଣିବାକୁ ଚାହାନ୍ତି । ଆମ ବିଷୟରେ > ବାରମ୍ବାର ପଚରାଯାଉଥିବା ପ୍ରଶ୍ନ (ହିନ୍ଦୀ) ବିଭାଗକୁ ଯାଆନ୍ତୁ ।
JW.ORG ୱେବ୍ସାଇଟ୍ର ବ୍ୟବହାର ନାମକ ଭିଡିଓ ଦେଖନ୍ତୁ ଏବଂ ତାʼପରେ କୁହନ୍ତୁ ଯେ ଏମାନଙ୍କୁ ସାହାଯ୍ୟ କରିବା ପାଇଁ ଆପଣ ୱେବ୍ସାଇଟ୍ର କେଉଁଠିକୁ ଯିବେ:
ଜଣେ ନାସ୍ତିକଙ୍କୁ
ଏପରି ଜଣେ ବ୍ୟକ୍ତିଙ୍କୁ, ଯିଏ ଏବେ ଏବେ ଏକ ଦୁଃଖଦ ଘଟଣାକୁ ସାମନା କରିଛନ୍ତି
ସତ୍ୟରେ ଥଣ୍ଡା ପଡ଼ିଯାଇଥିବା ଜଣେ ଭାଇ କିମ୍ବା ଭଉଣୀଙ୍କୁ
ପୁନଃସାକ୍ଷାତରେ ଜଣେ ବ୍ୟକ୍ତିଙ୍କୁ, ଯିଏ ପଚାରନ୍ତି ଯେ ଆମ କାମ ପାଇଁ ପଇସା କେଉଁଠୁ ଆସେ
ବିଦେଶରୁ ଆସିଥିବା ଜଣେ ବ୍ୟକ୍ତିଙ୍କୁ, ଯିଏ ତାଙ୍କ ଦେଶରେ ହେଉଥିବା ସଭାର ଠିକଣା ଜାଣିବାକୁ ଚାହାନ୍ତି