ଖ୍ରୀଷ୍ଟୀୟ ଜୀବନଯାପନ କରନ୍ତୁ
କʼଣ ଆପଣ ଆର୍ଥିକ ସଙ୍କଟର ସାମନା କରିବା ପାଇଁ ପ୍ରସ୍ତୁତ ଅଛନ୍ତି ?
ଯେବେ ଦୁନିଆରେ ଏପରି ଘଟଣା ଘଟେ, ଯାହାଯୋଗୁଁ ସବୁ ଦେଶର ଆର୍ଥିକ ଅବସ୍ଥା ଅଚଳ ହୋଇଯାଏ ତେବେ ଆମେ ଆଶ୍ଚର୍ଯ୍ୟ ହୋଇ ନ ଥାଉ । କାହିଁକି ? କାରଣ ଆମେ ଶେଷକାଳର ଶେଷରେ ବଞ୍ଚୁଛୁ । ଏହା ଛଡ଼ା ଆମେ ବାଇବଲର ଏହି ପରାମର୍ଶକୁ ମାନୁ ଯେ ଆମେ “ଅସ୍ଥାୟୀ ଧନ” ଉପରେ ଆଶା ରଖି ନ ଥାଉ । (୧ ତୀମ ୬:୧୭; ୨ତୀମ ୩ :୧) ତଥାପି ଆମେ ଆର୍ଥିକ ସଙ୍କଟର ସାମନା କରିବା ପାଇଁ ପ୍ରସ୍ତୁତ ରହିପାରିବା । ଏବିଷୟରେ ଆମେ ରାଜା ଯିହୋଶାଫଟ୍ଙ୍କଠାରୁ ଶିଖିପାରିବା ।
ଯେବେ ଅନ୍ୟ ଦେଶ ଯିହୁଦା ଉପରେ ଆକ୍ରମଣ କରିବା ପାଇଁ ଆସୁଥିଲା, ତେବେ ଯିହୋଶାଫଟ୍ ଯିହୋବାଙ୍କ ଉପରେ ଭରସା ରଖିଲେ । (୨ବଂଶା ୨୦:୯-୧୨) ଏହା ଛଡ଼ା ସେ କିଛି ପଦକ୍ଷେପ ମଧ୍ୟ ନେଲେ । ଯେପରି, ସେ ପ୍ରାଚୀର ଥିବା ସହର ତିଆରି କଲେ ଏବଂ ଜାଗା ଜାଗାରେ ସୈନିକମାନଙ୍କ ପ୍ରହରୀଦଳ ପ୍ରସ୍ତୁତ କଲେ । (୨ବଂଶା ୧୭:୧, ୨, ୧୨, ୧୩) ସମସ୍ୟାର ସାମନା କରିବା ପାଇଁ ଆମେ ବି ଯିହୋଶାଫଟ୍ଙ୍କ ଭଳି ଯିହୋବାଙ୍କ ଉପରେ ଭରସା ରଖିବା ଉଚିତ୍ ଏବଂ କିଛି ପଦକ୍ଷେପ ନେବା ଉଚିତ୍ ।
କʼଣ ଆପଣ ବିପତ୍ତିର ସାମନା କରିବା ପାଇଁ ପ୍ରସ୍ତୁତ ଅଛନ୍ତି ? ନାମକ ଭିଡିଓ ଦେଖନ୍ତୁ । ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
କୌଣସି ବିପତ୍ତିର ସାମନା କରିବା ପାଇଁ ଆମେ ବ୍ୟକ୍ତିଗତ ଭାବେ କʼଣ ପ୍ରସ୍ତୁତି କରିପାରିବା ?
ଆମେ ଅନ୍ୟମାନଙ୍କ ସାହାଯ୍ୟ କରିବା ପାଇଁ କିପରି ପ୍ରସ୍ତୁତ ରହିପାରିବା ?