ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଲୋକମାନଙ୍କ ସହିତ କଥାବାର୍ତ୍ତା ଆରମ୍ଭ କରି ଖୁସି ପାଆନ୍ତୁ
ଲୋକମାନଙ୍କ ସହିତ ସାଧାରଣ ବିଷୟରେ କଥାବାର୍ତ୍ତା କରିବା କେବଳ ମଜାଦାର ନୁହଁ ବରଂ ଏହା ସାକ୍ଷ୍ୟ ଦେବାର ବି ବହୁତ ବଢ଼ିଆ ଉପାୟ ଅଟେ । କିନ୍ତୁ ଅନେକ ଥର ହୁଏତ ଆମେ କଥାବାର୍ତ୍ତା ଆରମ୍ଭ କରିବା ବିଷୟରେ ଭାବି ଡରିଯିବା, କାରଣ ହୁଏତ ଆମେ ଭାବୁଥିବା ଯେ ତାଙ୍କ ସହିତ ବାଇବଲର କଥାଗୁଡ଼ିକ ବିଷୟରେ କିପରି କହିବା । ତେଣୁ ସାକ୍ଷ୍ୟ କିପରି ଦେବା, ସେ ବିଷୟରେ ଅଧିକ ଭାବିବା ପରିବର୍ତ୍ତେ ଭଲ ହେବ ଯେ ଆପଣ ଲୋକମାନଙ୍କ ଉପରେ ଆଗ୍ରହ ଦେଖାନ୍ତୁ । (ମାଥି ୨୨:୩୯; ଫିଲିପ୍ ୨:୪) ତାʼପରେ କଥା କଥାରେ ଯେବେ ଆପଣଙ୍କୁ ସାକ୍ଷ୍ୟ ଦେବାର ସୁଯୋଗ ମିଳିବ, ତେବେ ଆପଣ ବାଇବଲରୁ କିଛି କଥା କହିପାରିବେ । ଆଉ ଏପରି କରିବା ପାଇଁ ଆମ ପାଖରେ ଅନେକ ପ୍ରକାଶନ ମଧ୍ୟ ଅଛି ।
ଯଦି କଥାବାର୍ତ୍ତା କରିବା ସମୟରେ କୌଣସି ଏପରି ବିଷୟ ଆସେ ଯାହା ଉପରେ ଆପଣ ସାକ୍ଷ୍ୟ ଦେଇପାରିବେ, ତେବେ ଆପଣ ଆଗକୁ ଦିଆଯାଇଥିବା ପ୍ରକାଶନଗୁଡ଼ିକର ବ୍ୟବହାର କିପରି କରିପାରିବେ ?
“ଲୁହା ଲୁହାକୁ ସତେଜ କରେ”—କଥାବାର୍ତ୍ତା କିପରି ଆରମ୍ଭ କରିବା ? ନାମକ ଭିଡିଓ ଦେଖନ୍ତୁ । ତାʼପରେ ଆଗକୁ ଦିଆଯାଇଥିବା ପ୍ରଶ୍ନର ଉତ୍ତର ଦିଅନ୍ତୁ:
କଥାବାର୍ତ୍ତା ଆରମ୍ଭ କରିବାର ଦକ୍ଷତା ବଢ଼ାଇବା ପାଇଁ ଆମେ କେଉଁ ତିନୋଟି ପଦକ୍ଷେପ ନେଇପାରିବା ?