ଆମେ କିପରି ଦେଖାଇପାରିବା ଯେ ଆମେ ଯିହୋବାଙ୍କୁ ପ୍ରେମ କରୁ ?

କʼଣ ବାଇବଲ ଅଧ୍ୟୟନ ଆରମ୍ଭ କରିବା ପରଠୁ, ଈଶ୍ୱରଙ୍କ ପାଇଁ ଆପଣଙ୍କ ପ୍ରେମ ବଢ଼ିଛି ? କʼଣ ଆପଣ ଏହି ପ୍ରେମକୁ ଆହୁରି ବଢ଼ାଇବାକୁ ଚାହାନ୍ତି ? ଯଦି ଆପଣ ଏପରି କରିବେ, ତାହେଲେ ଭରସା ରଖନ୍ତୁ ଯେ ଯିହୋବା ଆପଣଙ୍କୁ ଆହୁରି ପ୍ରେମ କରିବେ ଏବଂ ଆପଣଙ୍କର ଯତ୍ନ ମଧ୍ୟ ନେବେ । କିନ୍ତୁ ପ୍ରଶ୍ନ ଉଠେ, ଆପଣ କିପରି ଯିହୋବାଙ୍କୁ ନିଜ ପ୍ରେମ ଦେଖାଇପାରିବେ ?

୧. ଆମେ କିପରି ଦେଖାଇପାରିବା ଯେ ଆମେ ଯିହୋବାଙ୍କୁ ପ୍ରେମ କରୁ ?

ଆମେ ଯିହୋବାଙ୍କ ଆଜ୍ଞା ମାନି ଦେଖାଇପାରିବା ଯେ ଆମେ ତାଙ୍କୁ ପ୍ରେମ କରୁ । (୧ ଯୋହନ ୫:୩ ପଢ଼ନ୍ତୁ ।) ଯିହୋବା ତାଙ୍କ ଆଜ୍ଞା ମାନିବା ପାଇଁ କାହାରିକୁ ବି ଜୋର୍‌ ଜବରଦସ୍ତି କରନ୍ତି ନାହିଁ । ସେ ଏହା ଆମ ଉପରେ ଛାଡ଼ିଛନ୍ତି ଯେ ଆମେ ତାଙ୍କ ଆଜ୍ଞା ମାନିବା ନା ନାହିଁ । ଏପରି କାହିଁକି ? କାରଣ ଯିହୋବା ଚାହାନ୍ତି ଯେ ଆମେ ତାଙ୍କ ସବୁ ଆଜ୍ଞା ହୃଦୟର ସହ ପାଳନ କରୁ । (ରୋମୀୟ ୬:୧୭) ଅନ୍ୟ ଶବ୍ଦରେ କହିବାକୁ ଗଲେ, ସେ ଚାହାନ୍ତି ଯେ ଆମେ କୌଣସି ଚାପ ବା ବାଧ୍ୟ ଯୋଗୁଁ ନୁହେଁ, ବରଂ ପ୍ରେମ ଯୋଗୁଁ ତାଙ୍କ ଆଜ୍ଞା ମାନୁ । କିନ୍ତୁ ତାʼପାଇଁ ଏହା ଜାଣିବା ଜରୁରୀ ଯେ ଯିହୋବା କʼଣ ପସନ୍ଦ କରନ୍ତି ଓ କʼଣ ପସନ୍ଦ କରନ୍ତି ନାହିଁ । ଏବିଷୟରେ ଆମେ ଏହି ବହିର ଭାଗ ୩ ଏବଂ ୪ରେ ଦେଖିବା । ଯେତେବେଳେ ଆମେ ଏପରି କାମଗୁଡ଼ିକ କରିବା ଯାହା ଯିହୋବା ପସନ୍ଦ କରନ୍ତି ଏବଂ ଏପରି କାମଗୁଡ଼ିକ କରିବାନି ଯାହା ସେ ପସନ୍ଦ କରନ୍ତି ନାହିଁ, ସେତେବେଳେ ଆମେ ଦେଖାଇପାରିବା ଯେ ଆମେ ଯିହୋବାଙ୍କୁ ପ୍ରେମ କରୁ ।

୨. ବେଳେ ବେଳେ ଯିହୋବାଙ୍କୁ ପ୍ରେମ ଦେଖାଇବା କାହିଁକି ଆମ ପାଇଁ କଠିନ ହୋଇପାରେ ?

ବାଇବଲରେ ଲେଖାଅଛି, “ଧାର୍ମିକର ବିପଦ ଅନେକ ।” (ଗୀତସଂହିତା ୩୪:୧୯) ଏପରି କିଛି ବିପଦ ବା ସମସ୍ୟାଗୁଡ଼ିକ କʼଣ ? ଆମ ସମସ୍ତଙ୍କୁ ନିଜ ଦୁର୍ବଳତା ସହ ଲଢ଼ିବାକୁ ପଡ଼େ । ତାʼଛଡ଼ା, ଆମକୁ ଟଙ୍କାପଇସାର ଅଭାବ ହୁଏ, ଅନ୍ୟାୟ ସହିବାକୁ ପଡ଼େ କିମ୍ବା ଆଉ କିଛି ସମସ୍ୟାଗୁଡ଼ିକର ସାମନା କରିବାକୁ ପଡ଼େ । ଏପରି ସମୟରେ ହୁଏତ ଆମକୁ ଯିହୋବାଙ୍କ ଆଜ୍ଞା ପାଳନ କରିବା କଠିନ ଲାଗିପାରେ ଏବଂ ଭୁଲ ରାସ୍ତା ଆପଣାଇବା ସହଜ ଲାଗିପାରେ । ତଥାପି ଯଦି ଆମେ ଯିହୋବାଙ୍କ ଆଜ୍ଞା ମାନିବା, ତାହେଲେ ଆମେ ଦେଖାଇପାରିବା ଯେ ଆମେ ସବୁଠୁ ଅଧିକ ତାଙ୍କୁ ପ୍ରେମ କରୁ । ଆମେ ଏହା ମଧ୍ୟ ଦେଖାଇପାରିବା ଯେ ଆମେ ଯିହୋବାଙ୍କର ବିଶ୍ୱସ୍ତ ଅଟୁ । ଏପରି କଲେ ଯିହୋବା ମଧ୍ୟ ଆମର ବିଶ୍ୱସ୍ତ ରହିବେ ଏବଂ ଆମକୁ ‘କେବେ ହେଁ ଛାଡ଼ିବେ ନାହିଁ ।’​—ଏବ୍ରୀ ୧୩:୫.

୪. ଯିହୋବାଙ୍କ ହୃଦୟକୁ ଖୁସି କରନ୍ତୁ

ହିତୋପଦେଶ ୨୭:୧୧ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:

• ଯେତେବେଳେ ଆମେ ଯିହୋବାଙ୍କ ଆଜ୍ଞା ମାନୁ ଓ ଠିକ୍‌ କାମ କରୁ, ସେତେବେଳେ ସେ କାହିଁକି ଖୁସି ହୁଅନ୍ତି ?

୫. ଆପଣ ଯିହୋବାଙ୍କ ବିଶ୍ୱସ୍ତ ରହିପାରିବେ

ଭିଡିଓ: ବିରୋଧ ଆସିଲେ ନିଜ ବିଶ୍ୱାସ ପକ୍ଷରେ ଛିଡ଼ା ହୁଅନ୍ତୁ (୫:୦୯)

• କʼଣ ଆପଣଙ୍କୁ କେବେ ଅନ୍ୟମାନଙ୍କୁ ଯିହୋବାଙ୍କ ବିଷୟରେ କହିବା କଠିନ ଲାଗିଛି ?

• ଗ୍ରେସନ କିପରି ନିଜ ଡର ଦୂର କରିପାରିଲେ ?

ଯିହୋବା ଯାହା ପସନ୍ଦ କରନ୍ତି, ଆମେ ମଧ୍ୟ ତାହା ପସନ୍ଦ କରିବା ଏବଂ ଯିହୋବା ଯାହା ଘୃଣା କରନ୍ତି, ଆମେ ମଧ୍ୟ ତାହା ଘୃଣା କରିବା । ଏପରି କଲେ ଆମ ପାଇଁ ଯିହୋବାଙ୍କ ବିଶ୍ୱସ୍ତ ରହିବା ସହଜ ହୋଇଯିବ । ଆମୋଷ ୫:୧୫ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:

• ଏବେ ପର୍ଯ୍ୟନ୍ତ ଆପଣ ଯାହା ଶିଖିଲେ, ତାʼ ଅନୁସାରେ ଯିହୋବା କʼଣ ପସନ୍ଦ କରନ୍ତି ଏବଂ କʼଣ ଘୃଣା କରନ୍ତି ?

• ଭଲକୁ ଭଲ ପାଇବା ପାଇଁ ଓ ଖରାପକୁ ଘୃଣା କରିବା ପାଇଁ ଆପଣଙ୍କୁ କʼଣ ସାହାଯ୍ୟ କରିପାରିବ ?

୬. ଯିହୋବାଙ୍କ ଆଜ୍ଞା ମାନିଲେ ଆମକୁ ଲାଭ ହୁଏ

ଯିହୋବାଙ୍କ ଆଜ୍ଞା ମାନିଲେ ଆମକୁ ସବୁବେଳେ ଲାଭ ହୁଏ । ଯିଶାଇୟ ୪୮:୧୭, ୧୮ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:

• କʼଣ ଆପଣଙ୍କୁ ପୂରା ଭରସା ଅଛି ଯେ ଯିହୋବା ଆମକୁ ଯାହା ବି କରିବା ପାଇଁ କହନ୍ତି, ସେଥିରୁ ଆମକୁ ହିଁ ଲାଭ ହୁଏ ? ଆପଣଙ୍କୁ ଏପରି କାହିଁକି ଲାଗେ ?

• ଏବେ ପର୍ଯ୍ୟନ୍ତ ଆପଣ ବାଇବଲ ବିଷୟରେ ଓ ସତ୍ୟ ପରମେଶ୍ୱର ଯିହୋବାଙ୍କ ବିଷୟରେ ଯାହା ଶିଖିଛନ୍ତି, ସେଥିରୁ ଆପଣଙ୍କୁ କʼଣ ଲାଭ ହୋଇଛି ?

ଆମେ କʼଣ ଶିଖିଲୁ ?

ଯେତେବେଳେ ଆମେ ଯିହୋବାଙ୍କ ଆଜ୍ଞା ମାନୁ ଏବଂ ସମସ୍ୟା ବେଳେ ବି ତାଙ୍କ ବିଶ୍ୱସ୍ତ ରହୁ, ସେତେବେଳେ ଆମେ ଦେଖାଉ ଯେ ଆମେ ତାଙ୍କୁ ପ୍ରେମ କରୁ ।

ଆପଣ କʼଣ କହିବେ ?

• ଆପଣ ଆୟୁବଙ୍କଠାରୁ କʼଣ ଶିଖିଲେ ?

• ଆପଣ କିପରି ଦେଖାଇପାରିବେ ଯେ ଆପଣ ଯିହୋବାଙ୍କୁ ପ୍ରେମ କରନ୍ତି ?

• ଯିହୋବାଙ୍କ ବିଶ୍ୱସ୍ତ ରହିବା ପାଇଁ ଆପଣଙ୍କୁ କʼଣ ସାହାଯ୍ୟ କରିପାରିବ ?

ଅଧିକ ଜାଣନ୍ତୁ

ଜାଣନ୍ତୁ ଯେ ଆପଣ କିପରି ଯିହୋବା ଓ ମଣ୍ଡଳୀର ବିଶ୍ୱସ୍ତ ରହିପାରିବେ ।

ଯିଏ ବିଶ୍ୱସ୍ତ ରହନ୍ତି, ତାଙ୍କ ସହ ତମେ ବିଶ୍ୱସ୍ତ ରହ (୧୬:୪୯)

ଶୟତାନ ମଣିଷମାନଙ୍କ ଉପରେ କʼଣ ଦୋଷ ଲଗାଇଲା, ସେବିଷୟରେ ଅଧିକ ଜାଣନ୍ତୁ ।

“ଆୟୁବ ନିଜ ସଚ୍ଚୋଟତା ବଜାୟ ରଖିଲେ” (ବାଇବଲର ବାର୍ତ୍ତା ଆପଣଙ୍କ ନିମନ୍ତେ ଭାଗ ୬)

ଛୋଟ ପିଲାମାନେ ମଧ୍ୟ ଦେଖାଇପାରିବେ ଯେ ସେମାନେ ଯିହୋବାଙ୍କୁ ପ୍ରେମ କରନ୍ତି । ଏହା ଜାଣିବା ପାଇଁ ଭିଡିଓ ଦେଖନ୍ତୁ ।

ଯିହୋବାଙ୍କୁ ଖୁସି କର (୮:୧୬)

ଆସନ୍ତୁ ଜାଣିବା ଯେ ଖରାପ କାମ କରିବାର ପ୍ରଲୋଭନ ଆସିଲେ ମଧ୍ୟ ଜଣେ ଯୁବା ଈଶ୍ୱରଙ୍କ ବିଶ୍ୱସ୍ତ କିପରି ରହିପାରିବ ।

ସାଙ୍ଗସାଥିଙ୍କ କଥାରେ ପଡ଼ନ୍ତୁ ନାହିଁ (୩:୫୯)