Фыстӕг Титмӕ

1 Павел, Хуыцауы цагъар+ ӕмӕ Йесо Чырыстийы апостол+ – Хуыцауы ӕвзӕрстытимӕ+ нын иу чи у, уыцы уырнындзинадмӕ гӕсгӕ ӕмӕ, бӕлвырдӕй кӕй зонӕм+, уыцы рӕстдзинадмӕ*+ гӕсгӕ. Уый баст у, Хуыцауыл иузӕрдион уай+, уыимӕ 2 ӕмӕ ӕнцайы ӕнусон царды ныфсыл+ – йӕ бон сайын кӕмӕн нӕу+, уыцы Хуыцау раджы зӕрдӕ кӕмӕй бавӕрдта+, ууыл. 3 Фӕлӕ йӕ рӕстӕг куы ’рцыд, уӕд йӕ ныхас раргом кодта, нӕ Ирвӕзынгӕнӕг+ Хуыцауы фӕдзӕхстмӕ гӕсгӕ мӕ бар+ кӕй бакодтой, уыцы хъусын кӕныны хъуыддаджы фӕрцы. 4 Фыссын, нӕ иумӕйаг уырнындзинады мын ӕцӕг хъӕбулау+ чи сси, уыцы Титмӕ.

Нӕ Фыд+ Хуыцауы ӕмӕ нӕ Ирвӕзынгӕнӕг+ Йесо Чырыстийы стыр хорзӕх ӕмӕ фарнӕй хайджын у.

5 Криты+ дӕ уый тыххӕй ныууагътон, цӕмӕй, раст чи нӕу, уыцы хъуыддӕгтӕ сраст кӕнай ӕмӕ дын куыд бафӕдзӕхстон+, афтӕ алы горӕты дӕр сӕвӕрай+ хистӕр нӕлгоймӕгтӕ. 6 Уый хъуамӕ уа, фау ӕрхӕссӕн+ кӕмӕ нӕй, ахӕм нӕлгоймаг, хъуамӕ йын иу ус йеддӕмӕ ма уа+, йӕ сывӕллӕттӕ хъуамӕ уой уырнӕг, ма сӕ зоной, ӕвзӕр митӕ чи кӕны ӕмӕ хивӕнд+ чи у, ахӕмтӕй. 7 Цӕстдарӕг у Хуыцауы ӕвӕрд уынаффӕгӕнӕг+, ӕмӕ йӕм хъуамӕ фау ӕрхӕссӕн мацӕмӕй уа+, ма уа хивӕнд+, мӕстыгӕр+, расыггӕнаг+, йӕ къух макӕмӕ иса*+, ма уа зыд ӕмӕ хи пайда ма агура+, 8 фӕлӕ хъуамӕ уа уазӕгуарзон*+, уарза хорздзинад, уа ӕмбаргӕ+, раст адӕймаг, иузӕрдион+, хиуылхӕцгӕ+, 9 иннӕты ахуыргӕнгӕйӕ фидар хӕца, ӕууӕндӕн кӕуыл ис, уыцы ныхасыл+, цӕмӕй йӕ бон уа раст*+ ахуырады фӕрцы зонд амонын дӕр ӕмӕ, ныхмӕ чи дзуры, уыдонӕн уайдзӕф бакӕнын+ дӕр.

10 Уым ис бирӕ хивӕнд адӕймӕгтӕ, дзӕгъӕлдзырд чи кӕны+ ӕмӕ адӕмы чи сайы, уӕлдайдӕр та, сунӕты ӕгъдауыл фидар чи хӕцы+, ахӕмтӕ. 11 Уыдонӕн сӕ дзыхтӕ сӕхгӕнын хъӕуы, уымӕн ӕмӕ хи пайдайы тыххӕй+, цы не ’мбӕлы, уыдӕттӕ амонынц ӕмӕ ӕнӕхъӕн бинонты уырнындзинад халынц+. 12 Сӕхицӕй иу чидӕр, сӕхи пехуымпар*, афтӕ загъта: «Критӕгтӕ ӕдзух кӕнынц сайгӕ, сты тугдзых+ сырдтӕ, магусайӕ гуыбындзӕл».

13 Ӕмӕ уый ӕцӕгдӕр афтӕ у. Уымӕ гӕсгӕ сын карзӕй уайдзӕф кӕн+, цӕмӕй уырнындзинады фидар*+ уой 14 ӕмӕ дзуттаг аргъӕуттӕм+ ӕмӕ, рӕстдзинад чи ныууагъта+, уыдоны ныхӕстӕм+ ма хъусой. 15 Сыгъдӕг чи у, уыдонӕн алцыдӕр сыгъдӕг у+. Сыгъдӕг чи нӕу+ ӕмӕ уырнындзинад кӕмӕ нӕй+, уыдонӕн та сыгъдӕг ницы у, уымӕн ӕмӕ сӕ зонд дӕр ӕмӕ сӕ цӕсгом+ дӕр у чъизи. 16 Уыдон стыр дзыхӕй дзурынц, Хуыцауы зонӕм+, зӕгъгӕ, фӕлӕ сӕ хъуыддӕгтӕй та ӕвдисынц+, кӕй йӕ нӕ зонынц, уымӕн ӕмӕ сты ӕнад ӕмӕ ӕгоммӕгӕс, иу хорз хъуыддагӕн дӕр нӕ бӕззынц+.

2 Фӕлӕ ды уӕддӕр дзур, раст+ ахуырадмӕ гӕсгӕ цы у, уый. 2 Ацӕргӕ нӕлгоймӕгтӕ+ хъуамӕ алцӕмӕй дӕр бӕрц зоной, уой уӕззаузонд+, ӕмбаргӕ, сӕ уырнындзинадӕй+, сӕ уарзондзинадӕй ӕмӕ сӕ уды фидарӕй+ фӕзминаг*. 3 Афтӕ ацӕргӕ сылгоймӕгтӕ+ дӕр хъуамӕ уой ӕгъдауджын, макӕй фыдкой кӕной+, ма уой нозтмӕ* ӕмхиц, иннӕты ахуыр кӕной, хорз цы у, ууыл, 4 сӕ бон куыд уа ӕрыгон сылгоймӕгты ахӕм зондыл аразын, цӕмӕй сӕ лӕгты+, стӕй сӕ сывӕллӕтты+ уарзой, 5 уой ӕмбаргӕ, хӕдӕфсарм+, хӕдзары куыстытӕ ӕнӕзивӕгӕй кӕной, уой хӕларзӕрдӕ, сӕ лӕгты коммӕ кӕсой+, цӕмӕй Хуыцауы ныхас мачи фауа+.

6 Афтӕ зонд амон ӕрыгон нӕлгоймӕгтӕн дӕр, цӕмӕй уой ӕмбаргӕ+. 7 Дӕхӕдӕг алкӕддӕр фӕзминаг у дӕ хорз хъуыддӕгтӕй+. Амон+, раст цы у, уый+, у уӕззаузонд, 8 дзур, иннӕтӕн пайда чи уыдзӕн, уайдзӕф бакӕнӕн дын кӕй тыххӕй нӕ уыдзӕн, ахӕм ныхӕстӕ+, ныхмӕлӕуджытӕ нӕ ӕвзӕр исты зӕгъынхъом куыд нӕ уой ӕмӕ сӕм худинаг куыд ӕркӕса+. 9 Цагъартӕ+ хъуамӕ алы хъуыддаджы дӕр сӕ хицӕутты коммӕ кӕсой+ ӕмӕ архайой сӕ зӕрдӕ сын рухс кӕныныл, фӕстӕмӕ сӕм ма дзурой+, 10 мацы сӕ давой+, фӕлӕ алцӕмӕй дӕр уой ӕууӕнкджын+, цӕмӕй алы хъуыддаджы дӕр нӕ Ирвӕзынгӕнӕг+ Хуыцауы ахуырад рӕсугъд кӕной*.

11 Раргом+ Хуыцауы стыр хорзӕх+, алыхуызон адӕмӕн+ ирвӕзындзинад+ чи хӕссы, уый. 12 Стыр хорзӕх нын амоны, цӕмӕй ӕнӕхуыцау хъуыддӕгтӕй+ ӕмӕ зӕххон монцтӕй+ дард лидзӕм ӕмӕ ацы дунейы*+ уӕм ӕмбаргӕ, цӕрӕм рӕстӕй ӕмӕ Хуыцауыл иузӕрдионӕй+, 13 цалынмӕ нӕ диссаджы ныфс+ нӕ сӕххӕст ӕмӕ Стыр Хуыцау, стӕй нӕ Ирвӕзынгӕнӕг Йесо Чырысти кады+ мидӕг нӕ раргом сты, уӕдмӕ. 14 Уый йӕхи радта+ мах тыххӕй, цӕмӕй нӕ фервӕзын кӕна+ ӕппӕт фыдхъуыддӕгты уацарӕй ӕмӕ йӕхицӕн ссыгъдӕг кӕна+, уӕлдай зынаргъ ын чи уа+ ӕмӕ хорз хъуыддӕгтыл йӕ уд чи хъара, ахӕм адӕм+.

15 Амӕй фӕстӕмӕ дӕр дзур ацы хъуыддӕгтыл, амон зонд ӕмӕ барджынӕй уайдзӕф кӕн+. Ӕнӕрвӕссон дыл мачи кӕнӕд+.

3 Амӕй фӕстӕмӕ дӕр сын сӕ зӕрдыл лӕууын кӕн, цӕмӕй хицауӕдтӕм ӕмӕ, бартӕ кӕй къухы сты+, уыдонмӕ хъусой+ ӕмӕ сӕ коммӕ кӕсой, ӕнӕзивӕг уой алы хорз хъуыддагмӕ+ дӕр, 2 макӕй фыдкой кӕной, ма уой загъдгӕнаг+, фӕлӕ уой ӕмбаргӕ*+, алкӕимӕ дӕр фӕлмӕн+. 3 Ӕвӕдза, мах нӕхӕдӕг дӕр кӕддӕр уыдыстӕм ӕнӕзонд, ӕгоммӕгӕс, куырм, алы монцты ӕмӕ ирхӕфсӕнты цагъартӕ, уыдыстӕм фыдзӕрдӕ ӕмӕ хӕлӕггӕнаг, ӕнад, кӕрӕдзийӕ уыдтам не сӕфт+.

4 Фӕлӕ нӕ Ирвӕзынгӕнӕг+ Хуыцауы хӕларзӕрдӕдзинад+ ӕмӕ, адӕмы куыд уарзы, уый куы раргом+,– 5 нӕ раст хъуыддӕгты тыххӕй нӕ+, фӕлӕ йӕ фӕлмӕнзӕрдӕдзинадмӕ+ гӕсгӕ,– уӕд нӕ фервӕзын кодта – ныхсадта+ нӕ, ӕмӕ нын уый радта цард+. Стӕй нӕ фервӕзын кодта, йӕ сыгъдӕг тыхӕй* нӕ кӕй сног кодта, уый фӕрцы дӕр+. 6 Уыцы тых ныл рӕдауӕй ӕруагъта нӕ Ирвӕзынгӕнӕг+ Йесо Чырыстийы уылты, 7 цӕмӕй йе стыр хорзӕхы+ фӕрцы рӕстгӕнджытыл нымад ӕрцӕуӕм+ ӕмӕ суӕм, ӕнусон цард+ бынӕн райсыны ныфс кӕмӕн ис, ахӕм адӕймӕгтӕ+.

8 Ацы ныхӕстӕ раст сты+, ӕмӕ мӕ фӕнды, уыдӕтты тыххӕй ӕдзухдӕр фидарӕй дзурай, цӕмӕй, Хуыцауыл чи баууӕндыд, уыдонӕн сӕ хъуыдытӕ ӕдзухдӕр уой, хорзӕй цы саразой, ууыл+. Уый адӕймагӕн хорз ӕмӕ пайда у.

9 Дӕхи хиз ӕнӕзонд радзур-бадзуртӕй+ ӕмӕ мыггӕгты равзӕрд рацагур-бацагурӕй+, стӕй хылтӕй+ ӕмӕ Закъоны фӕдыл быцӕутӕй+, уымӕн ӕмӕ уыдон сты ӕнӕпайда, дзӕгъӕлы. 10 Мӕнг ахуырад чи парахат кӕны+, уый та дыууӕ хатты бафӕдзӕхс+. Ӕмӕ куы нӕ байхъуса, уӕд дын йемӕ иумӕйагӕй мацыуал уӕд+. 11 Зон ӕй, ахӕм адӕймаг кӕй адзӕгъӕл, тӕригъӕды кӕй бафтыд ӕмӕ йӕхӕдӕг йӕхицӕн тӕрхон кӕй рахаста+.

12 Артемӕйы кӕнӕ дӕм Тихикы+ куы арвитон, уӕд бацархай, цӕмӕй мӕм Никополмӕ ӕрцӕуай, уымӕн ӕмӕ зымӕг уым арвитинаг дӕн+. 13 Дӕ бон цӕмӕй у, уымӕй баххуыс кӕн Зинайӕн, Закъон чи зоны, уымӕн, ӕмӕ Аполлосӕн, фӕндагмӕ сӕ цыдӕриддӕр хъӕуы, уымӕй сӕ срӕвдз кӕн+. 14 Не ’фсымӕртӕ дӕр ахуыр кӕнӕнт хорз хъуыддӕгтӕ аразыныл, цӕмӕй, цы сӕ хъӕуы, уымӕй цух ма ӕййафой+ ӕмӕ алкӕддӕр ӕнтыстджын уой+.

15 Мемӕ чи ис, уыдон дын иууылдӕр салӕмттӕ ӕрвитынц+. Мӕ номӕй салӕмттӕ ратт, не ’муырнджытӕй зынаргъ кӕмӕн стӕм, уыдонӕн.

Уе ’ппӕт дӕр Хуыцауы стыр хорзӕхӕй хайджын ут+.

[Фиппаинӕгтӕ]