Иоанны фыццаг фыстӕг

1 Фыссӕм уӕм, царддӕттӕг дзырд+ чи уыди, уый тыххӕй – уый уыди райдианӕй фӕстӕмӕ+, мах ын фехъуыстам+ йӕ ныхӕстӕ, федтам ӕй нӕхи цӕстӕй+, лӕмбынӕг ӕм кастыстӕм+ ӕмӕ йӕ нӕхи къухтӕй сгӕрстам+. 2 О, махӕн раргом+ ӕнусон цард+, ӕмӕ йӕ мах федтам, уыцы царды тыххӕй ӕвдисӕн лӕууӕм+ ӕмӕ уын уый тыххӕй хъусын кӕнӕм. Уыцы ӕнусон цард цӕуы нӕ Фыдӕй ӕмӕ махӕн раргом. 3 Кӕй федтам ӕмӕ кӕй фехъуыстам, уый тыххӕй дзурӕм сымахӕн+ дӕр, цӕмӕй сымах дӕр немӕ иудзинады уат+. Ӕмӕ не ’ппӕт дӕр иумӕ иудзинады стӕм+ нӕ Фыдимӕ ӕмӕ йӕ Фырт Йесо Чырыстиимӕ+. 4 Ӕмӕ уӕм ацы ныхӕстӕ уымӕн фыссӕм, цӕмӕй нӕ цинӕн кӕрон ма уа+.

5 Мах ацы хабар уымӕй фехъуыстам ӕмӕ йӕ сымахӕн дӕр дзурӕм+: Хуыцау у рухс+ ӕмӕ йӕм талынгӕй ӕппындӕр ницы ис+. 6 Кӕд афтӕ дзурӕм, мах йемӕ иудзинады стӕм, зӕгъгӕ, цӕугӕ та талынджы кӕнӕм+, уӕд сайгӕ кӕнӕм ӕмӕ рӕстдзинадмӕ* гӕсгӕ нӕ цӕрӕм+. 7 Фӕлӕ уый йӕхӕдӕг рухсы куыд ис, мах дӕр кӕд афтӕ рухсы цӕуӕм+, уӕд не ’хсӕн ис иудзинад+ ӕмӕ нӕ йӕ Фырт Йесойы туг+ сыгъдӕг кӕны+ ӕппӕт тӕригъӕдтӕй дӕр+.

8 Кӕд афтӕ дзурӕм, тӕригъӕдджын не стӕм+, зӕгъгӕ, уӕд нӕхи сайӕм+ ӕмӕ нӕ зӕрдӕты рӕстдзинад нӕй. 9 Кӕд нӕ тӕригъӕдтыл сӕттӕм+, уӕд нын сӕ Хуыцау ныххатыр кӕндзӕн ӕмӕ нӕ алы фыддзинадӕй дӕр ссыгъдӕг кӕндзӕн+, уымӕн ӕмӕ уый у иузӕрдион ӕмӕ рӕстаг Хуыцау. 10 Фӕлӕ кӕд афтӕ дзурӕм, мах тӕригъӕд нӕ ракодтам, зӕгъгӕ, уӕд Хуыцауы ахӕм бынаты ӕвӕрӕм, цыма сайгӕ кӕны, ӕмӕ йӕ ныхас нӕ зӕрдӕты нӕй+.

2 Мӕ хъӕбултӕ, ацы ныхӕстӕ уӕм уымӕн фыссын, цӕмӕй тӕригъӕд ма ракӕнат+. Фӕлӕ уӕ кӕд исчи тӕригъӕд ракодта, уӕд та нын Фыды раз ис ӕххуысгӕнӕг+ – рӕстгӕнӕг+ Йесо Чырысти. 2 Уый у фидауынгӕнӕг+ нывонд+ нӕ тӕригъӕдты+ тыххӕй, ӕмӕ ӕрмӕст мах+ тӕригъӕдты тыххӕй нӕ, фӕлӕ ӕгас дунейы тӕригъӕдты тыххӕй дӕр+. 3 Кӕд ӕмӕ йын йӕ фӕдзӕхстытӕ ӕххӕст кӕнӕм, уӕд ӕй зонӕм, кӕй йӕ базыдтам+. 4 Афтӕ чи дзуры, ӕз ӕй базыдтон+, зӕгъгӕ, афтӕмӕй та йын йӕ фӕдзӕхстытӕ не ’ххӕст кӕны+, уый сайгӕ кӕны ӕмӕ йӕ зӕрдӕйы рӕстдзинад* нӕй+. 5 Фӕлӕ йын йӕ ныхас+ чи ӕххӕст кӕны, уыцы адӕймаг Хуыцауы ӕцӕгдӕр уарзы ӕххӕст уарзтӕй+. Ӕмӕ йӕ уымӕй зонӕм, йемӕ иудзинады кӕй стӕм+. 6 Афтӕ чи дзуры, ӕз йемӕ иудзинады дӕн+, зӕгъгӕ, уый хъуамӕ цӕргӕ дӕр кӕна, Йесо куыд цард, афтӕ*+.

7 Мӕ уарзон ӕфсымӕртӕ, ӕз уӕм ног фӕдзӕхст нӕ фыссын, фӕлӕ рагон фӕдзӕхст+, райдианӕй+ кӕй зонут, уый. Ацы рагон фӕдзӕхст у, сымах кӕй фехъуыстат, уыцы ныхас. 8 Уӕвгӕ уӕм ног фӕдзӕхст дӕр фыссын, Чырысти кӕй ӕххӕст кодта ӕмӕ сымах дӕр кӕй ӕххӕст кӕнут, уыцы фӕдзӕхст, уымӕн ӕмӕ талынг+ фӕивгъуыйы ӕмӕ ӕцӕг рухс+ ныридӕгӕн рухс кӕны.

9 Афтӕ чи дзуры, ӕз рухсы дӕн, зӕгъгӕ, афтӕмӕй та йе ’фсымӕрӕй йе сӕфт уыны+, уый ныр дӕр ма талынджы ис+. 10 Йе ’фсымӕры чи уарзы, уый ис рухсы+, ӕмӕ йын къуылымпыйы хос* ницы уыдзӕн+. 11 Фӕлӕ йе ’фсымӕрӕй йе сӕфт чи уыны, уый ис талынджы ӕмӕ цӕугӕ дӕр талынджы кӕны+. Ӕмӕ кӕдӕм цӕуы+, уый дӕр нӕ зоны, уымӕн ӕмӕ йӕ талынг бакуырм кодта.

12 Фыссын уӕм, мӕ хъӕбултӕ, уымӕн ӕмӕ йӕ* номы+ тыххӕй уӕ тӕригъӕдтӕ хатыргонд ӕрцыдысты. 13 Фыссын уӕм, фыдӕлтӕ, уымӕн ӕмӕ сымах базыдтат, райдианӕй+ чи ис, уый. Фыссын уӕм, ӕрыгӕттӕ+, уымӕн ӕмӕ сымах Фыдбылызыл фӕуӕлахиз стут+. Фыссын уӕм, мӕ хъӕбултӕ+, уымӕн ӕмӕ сымах базыдтат нӕ Фыды+. 14 Фыссын уӕм, фыдӕлтӕ+, уымӕн ӕмӕ сымах базыдтат, райдианӕй+ чи ис, уый. Фыссын уӕм, ӕрыгӕттӕ, уымӕн ӕмӕ сымах стут фидар+, Хуыцауы ныхас ис уӕ зӕрдӕты+ ӕмӕ Фыдбылызыл фӕуӕлахиз стут+.

15 Ма уарзут дуне, нӕдӕр, дунейы цы ис, уый+. Дуне чи уарзы, уый Фыды нӕ уарзы+, 16 уымӕн ӕмӕ дунейы цыдӕриддӕр ис+: тӕригъӕдджын буары монцтӕ+, цӕстыты монцтӕ+ ӕмӕ мулкӕй ӕппӕлын+, – уыдон Фыдӕй не сты, фӕлӕ сты ацы дунейӕ+. 17 Дуне дӕр фӕивгъуыйы ӕмӕ йӕ монцтӕ дӕр+, Хуыцауы фӕндон+ чи ӕххӕст кӕны, уый та цӕрдзӕн ӕнустӕм+.

18 Мӕ хъӕбултӕ, рӕстӕг бирӕ нал баззад+, ӕмӕ куыд фехъуыстат, афтӕмӕй Чырыстийы ныхмӕлӕууӕг ӕрцӕуы+. Ныр дӕр Чырыстийӕн бирӕ ныхмӕлӕуджытӕ+ фӕзынд, ӕмӕ уымӕй зонӕм, рӕстӕг бирӕ кӕй нал баззад, уый. 19 Уыдон уыдысты не ’хсӕн, фӕлӕ махӕй ацыдысты, уымӕн ӕмӕ махӕй нӕ уыдысты+. Махӕй куы уыдаиккой, уӕд немӕ баззадаиккой+. Фӕлӕ уыдон ацыдысты, цӕмӕй рабӕрӕг уа, се ’ппӕт махӕй кӕй не сты+. 20 Сымах Сыгъдӕг Хуыцау байсӕрста йӕ сыгъдӕг тыхӕй+, ӕмӕ уе ’ппӕт дӕр зонут рӕстдзинад+. 21 Уый тыххӕй уӕм нӕ фыссын, ӕмӕ рӕстдзинад нӕ зонут+, фӕлӕ йӕ кӕй зонут+, уый тыххӕй, стӕй, иу мӕнгдзинад дӕр рӕстдзинадӕй кӕй нӕ цӕуы, уый тыххӕй дӕр+.

22 Афтӕ чи зӕгъы, Йесо, дам, Чырысти* нӕу, уый кӕд нӕ сайы, уӕд ма чи сайы?+ Уый у Чырыстийы ныхмӕлӕууӕг+. Уый нӕдӕр Фыдыл ӕууӕнды, нӕдӕр Фыртыл+. 23 Фыртыл чи не ’ууӕнды, уый Фыдимӕ дӕр иудзинады нӕй+. Фырты тыххӕй ӕргом чи дзуры+, уый та Фыдимӕ дӕр ис иудзинады+. 24 Сымахӕн та зӕгъын: райдианы цы фехъуыстат, уый уӕ зӕрдӕты баззайӕд+. Райдианы цы фехъуыстат, уый уӕ зӕрдӕты куы уа, уӕд сымах дӕр Фыртимӕ дӕр ӕмӕ Фыдимӕ+ дӕр уыдзыстут иудзинады+. 25 Ӕмӕ нын Фыд та зӕрдӕ бавӕрдта ӕнусон цардӕй+.

26 Ацы ныхӕстӕ уӕм фыссын, уӕ асайыныл чи архайы, уыдоны тыххӕй+. 27 Сымах тыххӕй та мӕ уый фӕнды зӕгъын, ӕмӕ уӕ Хуыцау цы сыгъдӕг тыхӕй байсӕрста+, уый ис уӕ мидӕг ӕмӕ уый хъуаг нал стут, цӕмӕй уӕ исчи ахуыр кӕна+. Кӕй уӕ байсӕрста, уыцы хъуыддаг у ӕцӕг+, мӕнг нӕу, ӕмӕ уӕ уый фӕрцы ахуыр кӕны ӕппӕтыл дӕр+. Ӕмӕ уӕ куыддӕриддӕр сахуыр кодта, афтӕ йемӕ иудзинады ут+. 28 Уӕдӕ, мӕ хъӕбултӕ+, йемӕ иудзинады ут+, цӕмӕй, куы раргом уа+, уӕд нӕ бон уа нӕхи тыххӕй ныфсджынӕй дзурын+ ӕмӕ, куы ’рцӕуа*+, уӕд ма фӕхудинаг уӕм ӕмӕ дзы ма фӕхицӕн уӕм. 29 Хуыцау рӕстаг кӕй у+, уый кӕд зонут, уӕд уый дӕр зонут, ӕмӕ, раст хъуыддӕгтӕ чидӕриддӕр кӕны, уый дӕр уымӕй райгуырд+.

3 Ахъуыды-ма кӕнут, Фыд нӕ куыд тынг бауарзта+ – мах хуыйнӕм Хуыцауы хъӕбултӕ!+ Ӕмӕ мах ӕцӕгдӕр йӕ хъӕбултӕ стӕм. Дуне+ дӕр нӕ уымӕн нӕ зоны, ӕмӕ Хуыцауы нӕ базыдта+. 2 Мӕ уарзон ӕфсымӕртӕ, мах ныр стӕм Хуыцауы хъӕбултӕ+, фӕлӕ фидӕны цыхуызӕн уыдзыстӕм, уый нӕма раргом+. Ӕрмӕст зонӕм уый, ӕмӕ, куы раргом уа+, уӕд уый хуызӕн суыдзыстӕм+, уымӕн ӕмӕ, цыхуызӕн у, ахӕмӕй йӕ фендзыстӕм+. 3 Ӕмӕ уыцы ныфс кӕмӕн ис, уыдон иууылдӕр сӕхи сыгъдӕг кӕнынц+, уымӕн ӕмӕ уый сыгъдӕг у+.

4 Тӕригъӕдджын хъуыддӕгтӕ чи кӕны+, уый закъон халы+. Уымӕ гӕсгӕ, тӕригъӕдджын+ хъуыддаг ракӕнын ӕмӕ закъон фехалын иу у. 5 Сымах ма уый дӕр зонут, Чырысти уый тыххӕй кӕй раргом, цӕмӕй нын нӕ тӕригъӕдтӕ ахӕсса+. Йӕхӕдӕг та у ӕнӕтӕригъӕд+. 6 Ӕмӕ йемӕ иудзинады+ чидӕриддӕр ис, уый тӕригъӕдджын хъуыддӕгтӕ нӕ кӕны+. Тӕригъӕдджын хъуыддӕгтӕ чи кӕны, уыдонӕй та йӕ иу дӕр уынгӕ дӕр нӕ фӕкодта, ӕмӕ йӕ зонгӕ дӕр нӕ бакодта+. 7 Мӕ хъӕбултӕ, мачи уӕ фӕсайӕд. Раст хъуыддӕгтӕ чи кӕны, уый у рӕстгӕнӕг, Чырысти куыд у рӕстгӕнӕг+, афтӕ. 8 Тӕригъӕдджын хъуыддӕгтӕ чи кӕны, уый та у Хӕйрӕгӕй, уымӕн ӕмӕ Хӕйрӕг райдианӕй фӕстӕмӕ+ тӕригъӕдджын хъуыддӕгтӕ кӕны. Ӕмӕ Хуыцауы Фырт дӕр уый тыххӕй ӕрцыд+, цӕмӕй Хӕйрӕджы хъуыддӕгтӕ фехала+.

9 Хуыцауӕй чи райгуырд, уый тӕригъӕдджын хъуыддӕгтӕ нӕ кӕны+, уымӕн ӕмӕ йӕ мидӕг ис йӕ сыгъдӕг тых*. Ахӕм адӕймагӕн тӕригъӕдджын хъуыддӕгтӕ кӕнын йӕ бон нӕу, уымӕн ӕмӕ уый Хуыцауӕй райгуырд+. 10 Хуыцауы сывӕллӕтты ӕмӕ Хӕйрӕджы сывӕллӕтты афтӕ ис базонӕн: раст хъуыддӕгтӕ+ чи нӕ кӕны, уый Хуыцауӕй нӕу. Ӕмӕ уый зӕгъӕн ис, йе ’фсымӕры чи нӕ уарзы, уымӕй дӕр+. 11 Уӕ зӕрдыл дарут, райдианы+ кӕй фехъуыстат, уыцы хабар: мах хъуамӕ кӕрӕдзийы уарзӕм+ 12 ӕмӕ, Фыдбылызӕй чи уыд ӕмӕ йе ’фсымӕры фыдмард+ чи акодта, уыцы Каины хуызӕн ма уӕм. Фыдмард та йӕ цӕмӕн акодта? Уымӕн ӕмӕ йӕхи хъуыддӕгтӕ уыдысты хӕрам+, йе ’фсымӕры хъуыддӕгтӕ та – раст+.

13 Ме ’фсымӕртӕ, ацы дуне уӕ йе сӕфт кӕй уыны, ууыл дис ма кӕнут+. 14 Мах ӕй зонӕм, мӕлӕтӕй цардмӕ кӕй рацыдыстӕм+, уымӕн ӕмӕ уарзӕм не ’фсымӕрты+. Йе ’фсымӕры чи нӕ уарзы, уый та мӕлӕты къухы ис+. 15 Йе ’фсымӕрӕй йе сӕфт чи уыны+, уый у лӕгмар+. Сымах та йӕ зонут: лӕгмарӕн+ ӕнусон цардӕй хай нӕй+. 16 Уарзондзинад цы у, уый мах базыдтам+, Чырысти йӕ уд* мах тыххӕй кӕй радта, уымӕй+. Ӕмӕ мах дӕр хӕсджын стӕм, цӕмӕй не ’фсымӕрты тыххӕй нӕ удтӕ дӕттӕм+. 17 Фӕлӕ, хъуаг чи ницӕмӕй ӕййафы+, уый йе ’фсымӕры мӕгуырдзинад куы уына+ ӕмӕ йын куы нӕ фӕтӕригъӕд кӕна+, уӕд уымӕй куыд ис зӕгъӕн, ӕмӕ Хуыцауы уарзы?+ 18 Мӕ хъӕбултӕ, уӕдӕ кӕрӕдзийы ӕрмӕст дзыхӕй, ныхӕстӕй+ ма уарзӕм+, фӕлӕ хъуыддагӕй+, сыгъдӕгзӕрдӕйӕ+.

19 Гъе уымӕй базондзыстӕм, рӕстдзинады*+ фарс кӕй стӕм, уый, ӕмӕ нӕ зӕрдӕтӕ ӕууӕндын кӕндзыстӕм, Хуыцау нӕ кӕй уарзы, ууыл. 20 Ӕмӕ ныл нӕ зӕрдӕ цыфӕнды хъуыддаджы тыххӕй ма худа+, уӕддӕр Хуыцау нӕ зӕрдӕтӕй стырдӕр у ӕмӕ алцыдӕр зоны+. 21 Мӕ уарзон ӕфсымӕртӕ, нӕ зӕрдӕ ныл куы нӕ худа, уӕд нӕ бон уыдзӕн Хуыцауы раз ныфсджынӕй дзурын+. 22 Ӕмӕ дзы цыфӕнды ма ракурӕм, – райсдзыстӕм ӕй+, уымӕн ӕмӕ йын йӕ фӕдзӕхстытӕ ӕххӕст кӕнӕм ӕмӕ йын ӕхсызгон цы у, уый аразӕм+. 23 Йӕ фӕдзӕхст та у ахӕм: хъуамӕ ӕууӕндӕм йӕ Фырт Йесо Чырыстийыл*+ ӕмӕ кӕрӕдзийы уарзӕм+, куыд нын бафӕдзӕхста, афтӕ. 24 Йӕ фӕдзӕхстытӕ йын чи ӕххӕст кӕны, уый Хуыцауимӕ иудзинады ис, ӕмӕ Хуыцау дӕр йемӕ ис иудзинады+. Цы сыгъдӕг тыхӕй* нӕ схайджын кодта+, уый фӕрцы йӕ зонӕм, Хуыцау немӕ иудзинады кӕй ис+.

4 Мӕ уарзон ӕфсымӕртӕ, алы пехуымпар-ныхасыл ма ӕууӕндут+, фӕлӕ-иу базонут, пехуымпар-ныхӕстӕ Хуыцауӕй сты ӕви нӕ+, уымӕн ӕмӕ дунейы бирӕ мӕнг пехуымпартӕ фӕзынд+.

2 Пехуымпар-ныхас Хуыцауӕй кӕй у, уый афтӕ базондзыстут+: Йесо Чырысти адӕймагӕй ӕрцыд, зӕгъгӕ, цы пехуымпар-ныхас дзуры, уый Хуыцауӕй у+. 3 Йесойы тыххӕй афтӕ чи нӕ дзуры, уыцы пехуымпар-ныхас та Хуыцауӕй нӕу+. Уыцы пехуымпар-ныхас у Чырыстийы ныхмӕлӕууӕгӕй. Ӕмӕ уый кӕй фӕзындзӕн, уый тыххӕй сымах хъусгӕ дӕр фӕкодтат+, ӕмӕ ныридӕгӕн дӕр дунейы ис+.

4 Мӕ хъӕбултӕ, сымах стут Хуыцауӕй, ӕмӕ мӕнг пехуымпартыл фӕуӕлахиз стут+, уымӕн ӕмӕ Хуыцау, уемӕ иудзинады чи ис+, уый, бирӕ уӕлдӕр у+ Хӕйрӕгӕй, ацы дунеимӕ иудзинады чи ис, уымӕй+. 5 Уыдон сты ацы дунейӕ+, ӕмӕ дзургӕ дӕр кӕнынц, ацы дунейӕ цы цӕуы, уый. Ӕмӕ сӕм ацы дуне хъусы+. 6 Мах та стӕм Хуыцауӕй+, ӕмӕ, Хуыцауы чи базоны, уый нӕм хъусы+. Хуыцауӕй чи нӕу, уый та нӕм нӕ хъусы+. Афтӕмӕй нӕ бон у базонын, пехуымпар-ныхӕстӕй ӕцӕг кӕцы у ӕмӕ мӕнг кӕцы у, уый+.

7 Уӕдӕ, мӕ уарзон ӕфсымӕртӕ, нӕ кӕрӕдзийы уарзӕм+, уымӕн ӕмӕ уарзондзинад+ Хуыцауӕй цӕуы. Ӕмӕ чидӕриддӕр уарзы, уый райгуырд Хуыцауӕй+ ӕмӕ Хуыцауы зоны+. 8 Чи нӕ уарзы, уый та Хуыцауы нӕ базыдта, уымӕн ӕмӕ Хуыцау у уарзондзинад+. 9 Хуыцау нӕ кӕй уарзы, уый уымӕй равдыста+, ӕмӕ йӕ иунӕг* Фырты+ дунемӕ рарвыста, цӕмӕй уый фӕрцы цардӕй хайджын уӕм+. 10 Уарзондзинад уый мидӕг нӕй, ӕмӕ мах бауарзтам Хуыцауы, фӕлӕ уый мидӕг ис, ӕмӕ нӕ Хуыцау бауарзта ӕмӕ йӕ Фырты дунемӕ рарвыста, цӕмӕй йӕ цард нӕ тӕригъӕдты+ тыххӕй фидауынгӕнӕг+ нывондӕн+ ӕрхастаид.

11 Мӕ уарзон ӕфсымӕртӕ, кӕд нӕ Хуыцау афтӕ бауарзта, уӕд мах дӕр хӕсджын стӕм, цӕмӕй нӕ кӕрӕдзийы уарзӕм+. 12 Хуыцауы никуы ничи федта+. Кӕд нӕ кӕрӕдзийы уарзӕм, уӕд Хуыцау ис немӕ, ӕмӕ нӕ цы уарзтӕй уарзы, уый ӕххӕстӕй равдыста+. 13 Хуыцауимӕ иудзинады кӕй стӕм+ ӕмӕ уый дӕр немӕ иудзинады кӕй ис+, уый зонӕм, йӕ сыгъдӕг тыхӕй нӕ кӕй схайджын кодта+, уымӕй. 14 Уымӕй уӕлдай ма мах нӕхӕдӕг федтам+ ӕмӕ ӕвдисӕн лӕууӕм+: Фыд йӕ Фырты рарвыста, цӕмӕй суыдаид дунейы Ирвӕзынгӕнӕг+. 15 Йесо Хуыцауы Фырт кӕй у, уый тыххӕй ӕргом чи дзуры+, уый Хуыцауимӕ ис иудзинады, ӕмӕ Хуыцау дӕр ис йемӕ иудзинады+. 16 Ӕмӕ нӕ Хуыцау кӕй уарзы, уый мах нӕхӕдӕг базыдтам ӕмӕ уыцы уарзтыл баууӕндыдыстӕм+.

Хуыцау у уарзондзинад+, ӕмӕ алкӕддӕр чи уарзы+, уый Хуыцауимӕ ис иудзинады, ӕмӕ Хуыцау дӕр ис йемӕ иудзинады+. 17 Афтӕмӕй нӕ уарзондзинад свӕййы алцӕмӕй ӕххӕст, цӕмӕй тӕрхоны бон+ нӕ бон уа ныфсджынӕй дзурын+, уымӕн ӕмӕ мах ацы дунейы стӕм, уый* куыд у, афтӕ+. 18 Уарзондзинад кӕм ис, уым тас нӕй+. Алцӕмӕй ӕххӕст уарзондзинад зӕрдӕйӕ тас сургӕ кӕны+, уымӕн ӕмӕ тас адӕймаджы нӕуӕндаг кӕны. Чи тӕрсы, уымӕ ӕххӕст уарзондзинад нӕй+. 19 Мах та уарзӕм, уымӕн ӕмӕ нӕ фыццаг Хуыцау бауарзта+.

20 Афтӕ чи зӕгъы, ӕз Хуыцауы уарзын, зӕгъгӕ, афтӕмӕй та йе ’фсымӕрӕй йе сӕфт уыны, уый сайгӕ кӕны+. Кӕй уыны, уыцы ӕфсымӕры чи нӕ уарзы+, уымӕн йӕ бон куыд у, кӕй нӕ уыны, уыцы Хуыцауы уарзын?+ 21 Ӕмӕ нын ацы фӕдзӕхст дӕр уый радта+: Хуыцауы чи уарзы, уый хъуамӕ йе ’фсымӕры дӕр уарза+.

5 Йесо ӕцӕгдӕр Чырысти кӕй у, ууыл чи ӕууӕнды, уый райгуырд Хуыцауӕй+. Ӕмӕ Фыды чи уарзы, уый йын уарзы йӕ хъӕбулы дӕр+. 2 Хуыцауы хъӕбулты+ кӕй уарзӕм+, уый та зонӕм, Хуыцауы кӕй уарзӕм ӕмӕ йын йӕ фӕдзӕхстытӕ кӕй ӕххӕст кӕнӕм, уымӕй+. 3 Уымӕн ӕмӕ, Хуыцауы кӕй уарзӕм+, уый уымӕй бӕрӕг уыдзӕн, ӕмӕ йын йӕ фӕдзӕхстытӕ куы ӕххӕст кӕнӕм+. Ӕмӕ йӕ фӕдзӕхстытӕ та зынӕххӕстгӕнӕн не сты+, 4 уымӕн ӕмӕ Хуыцауӕй чидӕриддӕр райгуырд+, уый уӕлахиз кӕны ацы дунейыл+. Дунейыл та фӕуӕлахиз стӕм+ нӕ уырнындзинадӕй+.

5 Ацы дунейыл+ чи уӕлахиз кӕны?+ Йесо Хуыцауы Фырт кӕй у+, ууыл чи ӕууӕнды, уый йыл нӕ уӕлахиз кӕны?+ 6 Уый у, дон ӕмӕ туджы фӕрцы чи ӕрцыд, уыцы Йесо Чырысти. Уый ӕрцыд ӕрмӕст донимӕ+ нӕ, фӕлӕ дон ӕмӕ тугимӕ+. Ӕмӕ уый тыххӕй ӕвдисӕн лӕууы Хуыцауы сыгъдӕг тых+, уымӕн ӕмӕ сыгъдӕг тых у ӕцӕг ӕвдисӕн. 7 Ис ӕртӕ ӕвдисӕны*: 8 Хуыцауы сыгъдӕг тых+, дон+ ӕмӕ туг+. Ӕмӕ ӕртӕйӕн дӕр сӕ ныхас иу у+.

9 Кӕд, адӕймаг ӕвдисӕн куы ныллӕууы+, уӕд ын йӕ ныхӕстыл баууӕндӕм, уӕд Хуыцауы ныхасы та стырдӕр уӕз ис, уымӕн ӕмӕ Хуыцау йӕхӕдӕг ныллӕууыд ӕвдисӕн Фырты тыххӕй+. 10 Хуыцауы Фыртыл чи ’ууӕнды, уый ӕууӕнды, Хуыцау ын ӕвдисӕн+ цӕмӕн ныллӕууыд, ууыл. Хуыцауыл чи не ’ууӕнды, уый та йӕ ахӕм бынаты ӕвӕры, цыма сайгӕ кӕны+, уымӕн ӕмӕ нӕ баууӕндыд+, Хуыцау йӕ Фырты тыххӕй ӕвдисӕн+ цӕмӕн ныллӕууыд, ууыл. 11 Ӕвдисӕн цы ныхасӕй ныллӕууыд, уый та у ахӕм: Хуыцау нын радта ӕнусон цард+, ӕмӕ уыцы цард ис йӕ Фырты мидӕг+. 12 Фыртимӕ иудзинады чи ис, уый хайджын у ӕнусон цардӕй. Хуыцауы Фыртимӕ иудзинады чи нӕй, уый та ӕнусон цардӕй хайджын нӕу+.

13 Ацы ныхӕстӕ ныффыстон сымахмӕ, Хуыцауы Фыртыл* чи баууӕндыд, уыдонмӕ+, цӕмӕй зонат, ӕнусон цардӕй хайджын кӕй стут, уый+. 14 Мах ӕй фидарӕй зонӕм, ӕмӕ Хуыцауӕй йӕ фӕндонмӕ гӕсгӕ цыфӕнды ма ракурӕм+, – хъусы нӕ+. 15 Ӕмӕ иугӕр уый зонӕм, ӕмӕ дзы цыфӕнды ма курӕм+, уӕддӕр нӕ кӕй хъусы, уӕд ма уый дӕр зонӕм, ӕмӕ дзы цы курӕм, уый кӕй райсдзыстӕм, уымӕн ӕмӕ дзы куырдтам+.

16 Исчи йе ’фсымӕры, мӕлӕтмӕ чи нӕ кӕны, ахӕм тӕригъӕд аразгӕ куы фена+, уӕд йе ’фсымӕры тыххӕй кувӕд, ӕмӕ Хуыцау уыцы ӕфсымӕрӕн ратдзӕн цард+. Ӕз ам дзурын, мӕлӕтмӕ чи нӕ кӕны, ахӕм тӕригъӕд чи ракодта, уыдоны тыххӕй+. Фӕлӕ ис, мӕлӕтмӕ чи кӕны, ахӕм тӕригъӕд. Ӕмӕ ӕз афтӕ нӕ зӕгъын, цӕмӕй, ахӕм тӕригъӕд чи ракодта, уыцы адӕймаджы тыххӕй кува Хуыцаумӕ+. 17 Алы ӕвзӕр хъуыддаг дӕр у тӕригъӕд+, фӕлӕ ис, мӕлӕтмӕ чи нӕ кӕны, ахӕм тӕригъӕд.

18 Мах зонӕм, Хуыцауӕй чидӕриддӕр райгуырд, уый+ тӕригъӕдджын хъуыддӕгтӕ кӕй нӕ кӕны, фӕлӕ ахӕм адӕймаджы хъахъхъӕны, Хуыцауӕй чи райгуырд, уый*+, ӕмӕ йын Фыдбылызы* бон ницы у+. 19 Мах ӕй зонӕм: мах стӕм Хуыцауӕй+, ӕгас дуне та ис Фыдбылызы къухы+. 20 Зонӕм уый дӕр, Хуыцауы Фырт кӕй ӕрцыд+ ӕмӕ нын кӕй радта ӕмбарындзинад+, цӕмӕй ӕцӕг Хуыцауы базонӕм+. Ӕмӕ мах ӕцӕг Хуыцауимӕ йӕ Фырт Йесо Чырыстийы фӕрцы стӕм иудзинады+. О, уый у ӕцӕг+ Хуыцау ӕмӕ, ӕнусон цард+ чи дӕтты, уый. 21 Мӕ хъӕбултӕ, уӕхи хизут мӕнгхуыцӕуттӕн кувынӕй+.

[Фиппаинӕгтӕ]