Hanja dä za gä uñhu̱ ntꞌo̱de mänꞌa xä ñho: ma gä umfu̱ ntꞌo̱de nuꞌu̱ ñä mä nꞌa rä idioma

Por hanja xa mähyoni. Rä Zi Dada Jeoba xa ne ge yä jäꞌi de gatꞌho yä hnini dä bädi de geꞌä (Hech. 10:34, 35). Hänge rä Hesu bi mända ge dä tꞌungä ntꞌo̱de yä rꞌayꞌo hogä noya «ha gatꞌho rä ngu̱ni rä Xiꞌmhai» ꞌne «ha gatꞌho yä hnini» (Mat. 24:14). Rä profeta Sakarias bi mää ge yä jäꞌi de gatꞌho yä idioma ꞌne yä dähni ma xä yꞌo̱de nuya yä hogä noya (Zac. 8:23). Rä apostol Juan bi hyandi ge nuꞌu̱ yä jäꞌi ma dä bongi ha näꞌä däta tribulasion xä ꞌñepu̱, «xki ꞌñehe de gatꞌho yä hnini ꞌne de gatꞌho yä hai, ꞌne de gatꞌho yä ñhäki» (Apoc. 7:9, 13, 14). Hänge po rängeꞌä, ora di tiñhu̱ ha rä territorio nuꞌu̱ yä jäꞌi ñä mä nꞌa rä idioma, mähyoni gä umbäbihu̱ ntꞌo̱de de rä Noya Äjuä.