ꞌMu̱i organisado pa dä predikabi gatꞌho yä jäꞌi

Mäyaꞌmu̱ rä Zi Dada Jeoba bi organisa rä hnini Israel. Mäpaya ꞌnehe di organisa rä hnini pa dä za dä me̱päbi rä bolunta. Po gatꞌho rä Xiꞌmhai yä ngu Betel, yä circuito, yä mhuntsꞌi ꞌne yä grupo de gä predicación, gatꞌho ꞌmu̱i organisado pa dä ꞌñuti de rä Noya Äjuä gatꞌho yä jäꞌi ha rꞌanꞌañꞌo yä idioma (Ap 14:6, 7).

¿Xkä beni gi pädi mä nꞌa rä idioma pa gi ꞌñuti yä jäꞌi de rä Noya Äjuä? Mu̱ otho ri tiempo pa gi pädi mä nꞌa rä idioma, dä hogi gi usa rä aplicación JW Language pa gi mepye̱ mäske ho̱nse̱ nꞌa rä zi tꞌu̱kä presentasion ꞌne njabu̱ gi predikabi nuꞌu̱ yä jäꞌi ñä mä nꞌa rä idioma. Xki usa näꞌä ri presentasion, zäi ge xa ma gi johya ja ngu bi johya nuꞌu̱ yä mu̱di kristianu ora bi predikabi ha yä idioma nuꞌu̱ yä jäꞌi xki ꞌñehe de märꞌa yä dähni (Hch 2:7-11).

HYANDIHU̱ RÄ BIDEO YꞌO̱TꞌE RI AMIGO JEOBA: UNGÄ NTꞌO̱DE HA MÄ NꞌA RÄ IDIOMA. MꞌE̱FA THÄDIHU̱ NUYA YÄ NTꞌANI:

• 

  ¿Hanja dä za gä usahu̱ JW Language?

• 

  ¿Te gatꞌho di ñꞌoui nunä aplicación?

• 

  ¿Te mä idioma ñä nuꞌu̱ yä jäꞌi ꞌmu̱i ha nuꞌu̱ yä luga di predikahu̱?

• ¿Te dä hogi gä pe̱fihu̱ mu̱ gä tinihu̱ nꞌa rä jäꞌi näꞌä ñä mä nꞌa rä idioma ꞌne di ho dä yꞌo̱de de rä Noya Äjuä? (od-S rä nxii 100, yä parr. 39-41).