¿A da ma nkja nu̱ nzahki pa ri mäní?

NÚHMA TÉ I MÄ NU̱ BIBLIA

“Kʼa Tsi Mähkí Tá [...] da duhki goʼtho yä gidö, nindi ʼna da dú, nindi ʼna da zo ra ʼu̱, ʼne kjoʼotho da mafí po yä ʼu̱gi, yu̱ ntʼo̱te mi kjá ma ʼme̱tʼo bi thogi.” (Revelación [Apocalipsis] 21:3, 4, Traducción del Nuevo Mundo.)

ANKJA DA MÖXKÍGIHU̱ GO PÄDIHU̱

Go peʼtsihu̱ ʼna chala ʼbe̱fí hä go guadihu̱ ʼne da kjá go mpohmu̱ (Isaías 65:21-23).

Hin go ma peʼtsihu̱ yä dumu̱i ni yä gihí (Isaías 25:8; 33:24).

Zäi go ma mpohmu̱ ko yu̱ ma miníhu̱ nihi ko ku̱ ma ntsitsihu̱ (Salmo 37:11, 29).

¿I ʼBU̱I YÄ RRASO PA GO ÍHKJIHU̱ KʼA I MÄ NU̱ BIBLIA?

Hä, i ʼbu̱i ndunthi pe nuyá núhma gehya yoho yä rraso:

• Kʼa Tsi Mähkí Tá i peʼtsi kʼa tse̱dí pa da kjá kʼa xi ñähtígihu̱. Ha nu̱ Biblia, ho̱nse kʼa Tsi Mähkí Tá i tʼimbi “kʼa i peʼtsi goʼtho kʼa tse̱dí” xo i peʼtsi ndunthi tse̱dí (Revelación 15:3). Po gehna, mu̱ i ʼbu̱i kʼa i ñähtí pa da nkja má ra nchala nu̱ ximojoi, di pädihu̱ ge hä da zo da kjá kʼa xi mä. Kjangú i mä nu̱ Biblia, “pa kʼa Tsi Mähkí Tá goʼtho yä ntʼo̱te hä da zo da nkja” (Mateo 19:26).

• Kʼa Tsi Mähkí Tá i ne da kjá nuná xi ñähtígihu̱. Kjangú gehna nkʼoi, nu̱ Biblia i mä ge Jehová i ndo̱ ne da goʼtsibi yo nzahki ku̱ kjäʼni xi dú (Job 14:14, 15).

  Nihi nu̱ Biblia i mä ge kʼa Hesu, kʼa ro tʼu̱ kʼa Tsi Mähkí Tá bi ʼyo̱the ku̱ doʼthí. ¿Ó bi kjápu̱? Xo gege mi ne ndi kjá (Marcos 1:40, 41). Ku̱ bi me̱fí i úhtigihu̱ ra ndo̱ zo kʼa i ne da pe̱fí kʼa ro Tá pa da fötsí yu̱ tsi me̱gi kjäʼni (Juan 5:19).

  Ko gehna, da zo go pädihu̱ ra zo ge Jehová ko kʼa Hesu i neui go peʼtsihu̱ ʼna nzahki má ra zo pa ri mäní (Salmo 72:12-14; 145:16; 2 Pedro 3:9).