¿Kja da zo̱ho̱ ʼna mpa hin go peʼtsihu̱ yä dumu̱i?

NÚHMA TÉ I MÄ NU̱ BIBLIA

“Kʼa Tsi Mähkí Tá [...] da duhki goʼtho yä gidö, nindi ʼna da dú, nindi ʼna da zo ra ʼu̱, ʼne kjoʼotho da mafí po yä ʼu̱gi.” (Revelación [Apocalipsis] 21:3, 4, Traducción del Nuevo Mundo.)

ANKJA DA MÖXKÍGIHU̱ GO PÄDIHU̱

Go pädihu̱ ra zo ge kʼa Tsi Mähkí Tá hi i kjá go peʼtsihu̱ yä dumu̱i (Santiago 1:13).

Da jóʼtigihu̱ mu̱ go pädihu̱ ge kʼa Tsi Mähkí Tá i pädi, ʼne i tso kʼa ra ʼu̱ di tsohu̱ (Zacarías 2:8).

Go to̱ʼmihu̱ ge ri mäní hi té da kjágihu̱ go peʼtsihu̱ yä dumu̱i (Salmo 37:9-11).

¿I ʼBU̱I YÄ RRASO PA GO ÍHKJIHU̱ KʼA I MÄ NU̱ BIBLIA?

Hä, i ʼbu̱i ndunthi pe nuyá núhma gehya yoho yä rraso:

• Kʼa Tsi Mähkí Tá i tsʼo yu̱ dumu̱i ʼne mu̱ i tʼo̱te kʼa hi ra zo. ¿Té bi zo kʼa Jehová mu̱ ma kjaʼmu̱, ma nga hnútho kʼa ro hnini? Nu̱ Biblia i mä ge mi nsenti mu̱ mi nú ge maʼra yä hnini “mi to̱hniku̱” (Jueces 2:18).

  Kʼa Tsi Mähkí Tá i nú ra ntsʼo yu̱ tó i kjáhpibi yä dumu̱i yu̱ maʼra. Kjangú nuná nkʼoi, nu̱ Biblia i mä ge i tsʼo ku̱ “ʼye i phöní yä kjí hi i peʼtsi kʼa tsʼohki” (Proverbios 6:16, 17).

• Kʼa Tsi Mähkí Tá i ʼñonfeni po kada ʼna de yu̱ kjäʼni. Maʼke gi beni ge gi pädise “kʼa ra ʼu̱ gi tso, nihi kʼa dumu̱i gra thogi”, hi i nkjapu̱ xo Jehová nihi i pädi té gra thogi (2 Crónicas 6:29, 30).

  Ko kʼa ro Reino, kʼa Tsi Mähkí Tá hin da ndé pa da gu̱ʼtsi yä dumu̱i i peʼtsi kada kjäʼni (Mateo 6:9, 10). Pe nuyá i jóʼti ko hmädí goʼtho ku̱ hä i ne da ntsitsiui ko gege (Hechos 17:27; 2 Corintios 1:3, 4).