¿Kja pi da zo da ʼmu̱i ku̱ kjäʼni xi dú?

NÚHMA TÉ I MÄ NU̱ BIBLIA

“Da ma näntsi yä kjäʼni xi dú.” (Hechos 24:15, Traducción del Nuevo Mundo.)

ANKJA DA MÖXKÍGIHU̱ GO PÄDIHU̱

Go peʼtsihu̱ kʼa da jóʼtigihu̱ mu̱ da dú ʼna kjäʼni tsu̱ di mädíhu̱ (2 Corintios 1:3, 4).

Hin go tsúhu̱ nu̱ dú (Hebreos 2:15).

Go peʼtsihu̱ ʼna humu̱i ge hä pi go ma núhu̱ ku̱ ma tsi kjäʼnihu̱ xi dúhu̱ (Juan 5:28, 29).

¿I ʼBU̱I YÄ RRASO PA GO ÍHKJIHU̱ KʼA I MÄ NU̱ BIBLIA?

Hä, i ʼbu̱i ndunthi pe nuyá núhma gehya hñu yä rraso:

• Kʼa Tsi Mähkí Tá genkʼa i ʼun kʼa nzahki. Nu̱ Biblia i no̱n kʼa Jehová ngu “kʼa i ʼun kʼa nzahki” (Salmo 36:9; Hechos 17:24, 25). Mu̱ Jehová bi zo bi ʼuni kʼa nzahki goʼtho yu̱ kjäʼni, nihi i peʼtsi kʼa tse̱dí pa pi da ʼuni ro nzahki ku̱ kjäʼni xi dú.

• Ma kjaʼmu̱ kʼa Tsi Mähkí Tá bi xotsi ʼra yä kjäʼni ka dú. Nu̱ Biblia i no̱ni hñahto yä kjäʼni bi thsotsi de nu̱ dú —mbio ʼbehña, ʼne mbio ʼño̱ho̱, nihi hi ma ʼe̱hu̱ ra gentho yo kjea— ʼne pi bi ʼmu̱fu̱ ha nu̱ Joi. ʼRa yä kjäʼni kja ka dúhu̱, pe ʼna ʼño̱ho̱ ya ka thogi gohó mpa ka dú (Juan 11:39-44).

• Kʼa Tsi Mähkí Tá i ndo̱ ne da ʼuni kʼa ro nzahki ku̱ xi dú. Jehová i tsʼo nu̱ dú, xo i nú kjangú ʼna ro nkontra (1 Corintios 15:26). I ndo̱ ne da gu̱ʼtsi nuná nkontra, nihi da kjápu̱ mu̱ ta xotsi ku̱ kjäʼni xi dú. Gege i ne pi da ʼmu̱fu̱ ha nu̱ Joi ku̱ tó i ʼbu̱i ha ro mfeni (Job 14:14, 15).