¿Tó genkʼa i mända nu̱ ximojoi?

NÚHMA TÉ I MÄ NU̱ BIBLIA

“Pe goʼtho nu̱ ximojoi xi doʼmi ro tse̱dí kʼa zithú.” (1 Juan 5:19, Traducción del Nuevo Mundo.)

“Po gehna bo íhi ro Tʼu̱ kʼa Tsi Mähkí Tá, pa di yo̱ʼte kʼa xi me̱fí kʼa zithú.” (1 Juan 3:8.)

ANKJA DA MÖXKÍGIHU̱ GO PÄDIHU̱

Go pädihu̱ té ʼbenkʼa i kjá da ʼmu̱i yu̱ dumu̱i (Revelación [Apocalipsis] 12:12).

Go peʼtsihu̱ yä rraso pa go to̱ʼmihu̱ ʼna ximojoi má ra tsi zotho (1 Juan 2:17).

¿I ʼBU̱I YÄ RRASO PA GO ÍHKJIHU̱ KʼA I MÄ NU̱ BIBLIA?

Hä, i ʼbu̱i ndunthi pe nuyá núhma gehya hñu yä rraso:

• Xi hmä ge kʼa gobierno i peʼtsi kʼa Zithú da ma thege. Jehová i dahta ne da yo̱ʼte kʼa i kjáhpi kʼa Zithú yu̱ kjäʼni. Gege xi mä ge “da ma kjá ya hin da ʼmu̱i kʼa Zithú” ʼne da ma kju̱ʼtsi yä dumu̱i xi kjá (Hebreos 2:14).

• Kʼa Tsi Mähkí Tá xi juahni kʼa Hesukristo pa da nkja ndä. Kʼa Hesu i nkja ʼna ndä hi i hñehmi ngu kʼa tsʼo ndä i mända nuná ximojoi. Po gehna kʼa Tsi Mähkí Tá, i mä té da ma me̱fí ro ndä kʼa Kristo: “Da ma juihki kʼa tsi me̱gi kjäʼni, ʼne kʼa hiʼtsa te i peʼtsi [...]. De ku̱ tó i kjáhpibiku̱ yä dumu̱i ʼne yä ntú, gege da möxku̱” (Salmo 72:13, 14).

• Kʼa Tsi Mähkí Tá hi i mä yä ʼbe̱thrí. Nu̱ Biblia i mä ra ndo̱ zo ge hin da ʼmu̱i ʼna mpa mu̱ “kʼa Tsi Mähkí Tá da mä yä ʼbe̱thrí” (Hebreos 6:18). Po gehna, mu̱ kʼa Jehová i mä té da ma pe̱fí, da zo go íhkjihu̱ ge hä da kjá (Isaías 55:10, 11). ʼNe xi mä ge “kʼa ndä de nu̱ ximojoi da ma mphongi athí” (Juan 12:31).