23 ਉਹ ਸਾਨੂੰ ਦੋ ਜਵਾਨ ਬਲਦ ਦੇਣ ਅਤੇ ਉਹ ਇਕ ਜਵਾਨ ਬਲਦ ਚੁਣ ਲੈਣ ਅਤੇ ਉਸ ਦੇ ਟੋਟੇ-ਟੋਟੇ ਕਰ ਕੇ ਉਸ ਨੂੰ ਲੱਕੜਾਂ ʼਤੇ ਰੱਖਣ, ਪਰ ਅੱਗ ਨਾ ਲਾਉਣ। ਮੈਂ ਦੂਜਾ ਜਵਾਨ ਬਲਦ ਲੈ ਕੇ ਉਸ ਨੂੰ ਤਿਆਰ ਕਰਾਂਗਾ ਅਤੇ ਉਸ ਨੂੰ ਲੱਕੜਾਂ ʼਤੇ ਰੱਖਾਂਗਾ, ਪਰ ਉਸ ਨੂੰ ਅੱਗ ਨਹੀਂ ਲਾਵਾਂਗਾ। 24 ਫਿਰ ਤੁਸੀਂ ਆਪਣੇ ਦੇਵਤੇ ਦਾ ਨਾਂ ਲੈ ਕੇ ਪੁਕਾਰਿਓ+ ਅਤੇ ਮੈਂ ਯਹੋਵਾਹ ਦਾ ਨਾਂ ਲੈ ਕੇ ਪੁਕਾਰਾਂਗਾ। ਜਿਹੜਾ ਪਰਮੇਸ਼ੁਰ ਜਵਾਬ ਵਿਚ ਅੱਗ ਭੇਜੇਗਾ, ਉਸ ਤੋਂ ਸਾਬਤ ਹੋਵੇਗਾ ਕਿ ਉਹੀ ਸੱਚਾ ਪਰਮੇਸ਼ੁਰ ਹੈ।”+ ਇਹ ਸੁਣ ਕੇ ਸਾਰੇ ਲੋਕਾਂ ਨੇ ਜਵਾਬ ਦਿੱਤਾ: “ਹਾਂ, ਜੋ ਤੂੰ ਕਿਹਾ, ਸਹੀ ਕਿਹਾ।”