34 ਉਹ ਦੁਬਾਰਾ ਗਰਭਵਤੀ ਹੋਈ ਅਤੇ ਉਸ ਨੇ ਇਕ ਹੋਰ ਪੁੱਤਰ ਨੂੰ ਜਨਮ ਦਿੱਤਾ। ਉਸ ਨੇ ਕਿਹਾ: “ਹੁਣ ਮੇਰੇ ਪਤੀ ਦਾ ਮੇਰੇ ਨਾਲ ਰਿਸ਼ਤਾ ਗੂੜ੍ਹਾ ਹੋਵੇਗਾ ਕਿਉਂਕਿ ਮੈਂ ਉਸ ਦੇ ਤਿੰਨ ਪੁੱਤਰਾਂ ਨੂੰ ਜਨਮ ਦਿੱਤਾ ਹੈ।” ਇਸ ਲਈ ਮੁੰਡੇ ਦਾ ਨਾਂ ਲੇਵੀ*+ ਰੱਖਿਆ ਗਿਆ।

5 “ਸ਼ਿਮਓਨ ਅਤੇ ਲੇਵੀ ਦੋਵੇਂ ਭਰਾ ਹਨ।+ ਉਨ੍ਹਾਂ ਨੇ ਆਪਣੀਆਂ ਤਲਵਾਰਾਂ ਨਾਲ ਖ਼ੂਨ-ਖ਼ਰਾਬਾ ਕੀਤਾ।+ 6 ਹੇ ਮੇਰੀ ਜਾਨ, ਉਨ੍ਹਾਂ ਦੀ ਸੰਗਤ ਨਾ ਕਰੀਂ, ਹੇ ਮੇਰੇ ਮਨ,* ਉਨ੍ਹਾਂ ਦੀ ਟੋਲੀ ਵਿਚ ਸ਼ਾਮਲ ਨਾ ਹੋਵੀਂ ਕਿਉਂਕਿ ਉਨ੍ਹਾਂ ਨੇ ਗੁੱਸੇ ਵਿਚ ਆ ਕੇ ਇਨਸਾਨਾਂ ਦਾ ਕਤਲ ਕੀਤਾ+ ਅਤੇ ਮਜ਼ੇ ਲਈ ਬਲਦਾਂ ਨੂੰ ਲੰਗੜੇ* ਕੀਤਾ। 7 ਉਨ੍ਹਾਂ ਦਾ ਗੁੱਸਾ ਅਤੇ ਕ੍ਰੋਧ ਉਨ੍ਹਾਂ ਲਈ ਸਰਾਪ ਹੈ। ਗੁੱਸੇ ਨੇ ਉਨ੍ਹਾਂ ਨੂੰ ਬੇਰਹਿਮ ਅਤੇ ਕ੍ਰੋਧ ਨੇ ਉਨ੍ਹਾਂ ਨੂੰ ਜ਼ਾਲਮ ਬਣਾ ਦਿੱਤਾ।+ ਮੈਂ ਉਨ੍ਹਾਂ ਨੂੰ ਯਾਕੂਬ ਦੇ ਦੇਸ਼ ਵਿਚ ਖਿੰਡਾ ਦਿਆਂਗਾ ਅਤੇ ਇਜ਼ਰਾਈਲ ਵਿਚ ਉਨ੍ਹਾਂ ਨੂੰ ਤਿੱਤਰ-ਬਿੱਤਰ ਕਰ ਦਿਆਂਗਾ।+