4 ਤਦ ਏਸਾਓ ਭੱਜ ਕੇ ਉਸ ਨੂੰ ਮਿਲਿਆ ਅਤੇ ਉਸ ਨੂੰ ਗਲ਼ੇ ਲਾ ਕੇ ਚੁੰਮਿਆ ਅਤੇ ਉਹ ਦੋਵੇਂ ਜਣੇ ਭੁੱਬਾਂ ਮਾਰ ਕੇ ਰੋਣ ਲੱਗ ਪਏ। 5 ਫਿਰ ਉਸ ਨੇ ਔਰਤਾਂ ਅਤੇ ਬੱਚਿਆਂ ਨੂੰ ਦੇਖ ਕੇ ਯਾਕੂਬ ਨੂੰ ਪੁੱਛਿਆ: “ਇਹ ਤੇਰੇ ਨਾਲ ਕੌਣ ਹਨ?” ਯਾਕੂਬ ਨੇ ਕਿਹਾ: “ਇਹ ਬੱਚੇ ਪਰਮੇਸ਼ੁਰ ਦੀ ਦਾਤ ਹਨ ਜੋ ਉਸ ਨੇ ਤੇਰੇ ਸੇਵਕ ਨੂੰ ਦਿੱਤੀ ਹੈ।”+

3 ਯਾਕੂਬ ਨੇ ਯੂਸੁਫ਼ ਨੂੰ ਕਿਹਾ:

“ਕਨਾਨ ਦੇ ਲੂਜ਼ ਸ਼ਹਿਰ ਵਿਚ ਸਰਬਸ਼ਕਤੀਮਾਨ ਪਰਮੇਸ਼ੁਰ ਨੇ ਪ੍ਰਗਟ ਹੋ ਕੇ ਮੈਨੂੰ ਬਰਕਤ ਦਿੱਤੀ ਸੀ।+ 4 ਉਸ ਨੇ ਮੈਨੂੰ ਕਿਹਾ, ‘ਮੈਂ ਤੇਰੀ ਸੰਤਾਨ ਨੂੰ ਵਧਾਵਾਂਗਾ ਅਤੇ ਤੇਰੀ ਸੰਤਾਨ ਦੀ ਗਿਣਤੀ ਬਹੁਤ ਹੋਵੇਗੀ। ਤੇਰੀ ਸੰਤਾਨ ਤੋਂ ਖ਼ਾਨਦਾਨਾਂ ਦੇ ਦਲ ਬਣਨਗੇ+ ਅਤੇ ਮੈਂ ਤੇਰੇ ਤੋਂ ਬਾਅਦ ਇਹ ਦੇਸ਼ ਤੇਰੀ ਸੰਤਾਨ* ਨੂੰ ਹਮੇਸ਼ਾ ਲਈ ਦਿਆਂਗਾ।’+

21 ਯਹੋਵਾਹ ਨੇ ਹੰਨਾਹ ਵੱਲ ਧਿਆਨ ਦਿੱਤਾ ਅਤੇ ਉਹ ਗਰਭਵਤੀ ਹੋਈ;+ ਅਤੇ ਉਸ ਨੇ ਤਿੰਨ ਹੋਰ ਮੁੰਡਿਆਂ ਅਤੇ ਦੋ ਕੁੜੀਆਂ ਨੂੰ ਜਨਮ ਦਿੱਤਾ। ਉਨ੍ਹਾਂ ਦਾ ਮੁੰਡਾ ਸਮੂਏਲ ਯਹੋਵਾਹ ਅੱਗੇ ਵੱਡਾ ਹੁੰਦਾ ਗਿਆ।+