41 ਪਰ ਏਸਾਓ ਯਾਕੂਬ ਨਾਲ ਵੈਰ ਰੱਖਣ ਲੱਗ ਪਿਆ ਕਿਉਂਕਿ ਉਸ ਦੇ ਪਿਤਾ ਨੇ ਯਾਕੂਬ ਨੂੰ ਬਰਕਤ ਦਿੱਤੀ ਸੀ।+ ਏਸਾਓ ਆਪਣੇ ਮਨ ਵਿਚ ਕਹਿੰਦਾ ਰਿਹਾ: “ਪਿਤਾ ਜੀ ਨੇ ਤਾਂ ਹੁਣ ਜ਼ਿਆਦਾ ਦੇਰ ਜੀਉਂਦੇ ਨਹੀਂ ਰਹਿਣਾ।+ ਉਸ ਤੋਂ ਬਾਅਦ ਮੈਂ ਆਪਣੇ ਭਰਾ ਯਾਕੂਬ ਨੂੰ ਜਾਨੋਂ ਮਾਰ ਦੇਣਾ।”

31 ਯੱਸੀ ਦੇ ਪੁੱਤਰ ਦੇ ਜੀਉਂਦੇ-ਜੀ ਨਾ ਤੂੰ ਜ਼ਿਆਦਾ ਦੇਰ ਰਹਿਣਾ ਤੇ ਨਾ ਹੀ ਤੇਰਾ ਰਾਜ।+ ਇਸ ਲਈ ਹੁਣ ਕਿਸੇ ਨੂੰ ਭੇਜ ਕੇ ਉਸ ਨੂੰ ਮੇਰੇ ਕੋਲ ਲਿਆ ਕਿਉਂਕਿ ਉਸ ਨੂੰ ਮਰਨਾ ਹੀ ਪਵੇਗਾ।”*+

11 ਤੁਸੀਂ ਸ਼ੁਰੂ ਤੋਂ ਇਹ ਸੰਦੇਸ਼ ਸੁਣਿਆ ਹੈ ਕਿ ਸਾਨੂੰ ਇਕ-ਦੂਸਰੇ ਨਾਲ ਪਿਆਰ ਕਰਨਾ ਚਾਹੀਦਾ ਹੈ;+ 12 ਸਾਨੂੰ ਕਾਇਨ ਵਰਗੇ ਨਹੀਂ ਬਣਨਾ ਚਾਹੀਦਾ ਜਿਹੜਾ ਸ਼ੈਤਾਨ* ਦਾ ਬੱਚਾ ਸੀ ਅਤੇ ਜਿਸ ਨੇ ਬੇਰਹਿਮੀ ਨਾਲ ਆਪਣੇ ਭਰਾ ਦਾ ਕਤਲ ਕਰ ਦਿੱਤਾ ਸੀ।+ ਪਰ ਉਸ ਨੇ ਆਪਣੇ ਭਰਾ ਦਾ ਕਤਲ ਕਿਉਂ ਕੀਤਾ ਸੀ? ਕਿਉਂਕਿ ਉਸ ਦੇ ਆਪਣੇ ਕੰਮ ਬੁਰੇ ਸਨ,+ ਜਦ ਕਿ ਉਸ ਦੇ ਭਰਾ ਦੇ ਕੰਮ ਧਰਮੀ ਸਨ।+