ਸਾਲ 2002 ਦੇ ਲਈ ਦੈਵ-ਸ਼ਾਸਕੀ ਸੇਵਕਾਈ ਸਕੂਲ ਅਨੁਸੂਚੀ

ਸਾਲ 2002 ਦੇ ਲਈ ਦੈਵ-ਸ਼ਾਸਕੀ ਸੇਵਕਾਈ ਸਕੂਲ ਅਨੁਸੂਚੀ

ਹਿਦਾਇਤਾਂ

ਸਾਲ 2002 ਦੌਰਾਨ ਦੈਵ-ਸ਼ਾਸਕੀ ਸੇਵਕਾਈ ਸਕੂਲ ਸੰਚਾਲਿਤ ਕਰਨ ਦੇ ਪ੍ਰਬੰਧ ਹੇਠਾਂ ਦਿੱਤੇ ਗਏ ਹਨ।

ਪ੍ਰਕਾਸ਼ਨ: ਪਹਿਰਾਬੁਰਜ [w], ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ [kl], ਬਾਈਬਲ ਕਹਾਣੀਆਂ ਦੀ ਮੇਰੀ ਕਿਤਾਬ [my] ਅਤੇ ਉਹ ਸਰਬ ਮਹਾਨ ਮਨੁੱਖ ਜੋ ਕਦੀ ਜੀਉਂਦਾ ਰਿਹਾ [gt] ਵਿੱਚੋਂ ਇਸ ਸਕੂਲ ਦੀ ਸਾਮੱਗਰੀ ਲਈ ਗਈ ਹੈ।

ਸਕੂਲ ਨੂੰ ਗੀਤ, ਪ੍ਰਾਰਥਨਾ ਅਤੇ ਸੁਆਗਤ ਦੇ ਕੁਝ ਸ਼ਬਦਾਂ ਨਾਲ ਸਮੇਂ ਸਿਰ ਸ਼ੁਰੂ ਕਰਨਾ ਚਾਹੀਦਾ ਹੈ। ਇਹ ਦੱਸਣ ਦੀ ਲੋੜ ਨਹੀਂ ਕਿ ਪ੍ਰੋਗ੍ਰਾਮ ਵਿਚ ਕੀ-ਕੀ ਪੇਸ਼ ਕੀਤਾ ਜਾਵੇਗਾ। ਜਦੋਂ ਸਕੂਲ ਨਿਗਾਹਬਾਨ ਹਰ ਪੇਸ਼ਕਾਰੀ ਨੂੰ ਦੇਣ ਲਈ ਭੈਣ ਜਾਂ ਭਰਾ ਨੂੰ ਬੁਲਾਵੇਗਾ, ਤਾਂ ਉਹ ਦੱਸੇਗਾ ਕਿ ਭੈਣ ਜਾਂ ਭਰਾ ਕਿਸ ਵਿਸ਼ੇ ਤੇ ਚਰਚਾ ਕਰੇਗਾ। ਹੇਠਾਂ ਦਿੱਤੀਆਂ ਹਿਦਾਇਤਾਂ ਅਨੁਸਾਰ ਸਕੂਲ ਚਲਾਓ:

ਪੇਸ਼ਕਾਰੀ ਨੰ. 1: 15 ਮਿੰਟ। ਇਸ ਨੂੰ ਇਕ ਬਜ਼ੁਰਗ ਜਾਂ ਸਹਾਇਕ ਸੇਵਕ ਪੇਸ਼ ਕਰੇਗਾ। ਇਸ ਦੀ ਸਾਮੱਗਰੀ ਪਹਿਰਾਬੁਰਜ ਜਾਂ ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ ਵਿੱਚੋਂ ਲਈ ਜਾਵੇਗੀ। ਜਦੋਂ ਇਹ ਪਹਿਰਾਬੁਰਜ ਉੱਤੇ ਆਧਾਰਿਤ ਹੁੰਦੀ ਹੈ, ਤਾਂ ਇਸ ਨੂੰ 15 ਮਿੰਟ ਦੇ ਹਿਦਾਇਤੀ ਭਾਸ਼ਣ ਵਜੋਂ ਦਿੱਤਾ ਜਾਣਾ ਚਾਹੀਦਾ ਹੈ ਅਤੇ ਇਸ ਦੇ ਅੰਤ ਵਿਚ ਜ਼ਬਾਨੀ ਪੁਨਰ-ਵਿਚਾਰ ਨਹੀਂ ਕੀਤਾ ਜਾਣਾ ਚਾਹੀਦਾ। ਜਦੋਂ ਇਹ ਗਿਆਨ ਪੁਸਤਕ ਉੱਤੇ ਆਧਾਰਿਤ ਹੋਵੇ, ਤਾਂ ਇਸ ਨੂੰ 10 ਤੋਂ 12 ਮਿੰਟ ਦੇ ਭਾਸ਼ਣ ਦੇ ਤੌਰ ਤੇ ਦਿਓ ਅਤੇ ਇਸ ਤੋਂ ਬਾਅਦ ਕਿਤਾਬ ਵਿਚ ਛਪੇ ਸਵਾਲਾਂ ਨੂੰ ਇਸਤੇਮਾਲ ਕਰਦੇ ਹੋਏ 3 ਤੋਂ 5 ਮਿੰਟ ਤਕ ਜ਼ਬਾਨੀ ਪੁਨਰ-ਵਿਚਾਰ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਭਾਸ਼ਣ ਦਾ ਮਕਸਦ ਸਿਰਫ਼ ਜਾਣਕਾਰੀ ਦੇਣੀ ਹੀ ਨਹੀਂ ਹੋਣਾ ਚਾਹੀਦਾ। ਇਸ ਦੀ ਬਜਾਇ ਚਰਚਾ ਕੀਤੀ ਜਾ ਰਹੀ ਜਾਣਕਾਰੀ ਦੇ ਵਿਵਹਾਰਕ ਲਾਭ ਦੱਸੋ ਅਤੇ ਉਨ੍ਹਾਂ ਗੱਲਾਂ ਨੂੰ ਉਜਾਗਰ ਕਰੋ ਜੋ ਕਲੀਸਿਯਾ ਲਈ ਲਾਭਦਾਇਕ ਹੋਣ। ਦਿੱਤੇ ਗਏ ਵਿਸ਼ੇ ਨੂੰ ਹੀ ਇਸਤੇਮਾਲ ਕਰਨਾ ਚਾਹੀਦਾ ਹੈ।

ਜਿਨ੍ਹਾਂ ਭਰਾਵਾਂ ਨੂੰ ਇਹ ਭਾਸ਼ਣ ਦਿੱਤਾ ਜਾਂਦਾ ਹੈ, ਉਨ੍ਹਾਂ ਨੂੰ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਉਹ ਇਸ ਨੂੰ ਸਮੇਂ ਤੇ ਖ਼ਤਮ ਕਰਨ। ਜੇ ਜ਼ਰੂਰੀ ਹੋਵੇ ਜਾਂ ਭਾਸ਼ਣਕਾਰ ਖ਼ੁਦ ਸਲਾਹ ਮੰਗੇ, ਤਾਂ ਨਿੱਜੀ ਸਲਾਹ ਦਿੱਤੀ ਜਾ ਸਕਦੀ ਹੈ।

ਬਾਈਬਲ ਵਿੱਚੋਂ ਖ਼ਾਸ-ਖ਼ਾਸ ਗੱਲਾਂ: 6 ਮਿੰਟ। ਇਕ ਬਜ਼ੁਰਗ ਜਾਂ ਸਹਾਇਕ ਸੇਵਕ ਇਹ ਭਾਗ ਪੇਸ਼ ਕਰੇਗਾ। ਉਹ ਜਾਣਕਾਰੀ ਨੂੰ ਕਲੀਸਿਯਾ ਦੀਆਂ ਲੋੜਾਂ ਮੁਤਾਬਕ ਅਸਰਦਾਰ ਢੰਗ ਨਾਲ ਪੇਸ਼ ਕਰੇਗਾ। ਇਸ ਭਾਗ ਲਈ ਕੋਈ ਵਿਸ਼ਾ ਚੁਣਨਾ ਜ਼ਰੂਰੀ ਨਹੀਂ। ਇਸ ਵਿਚ ਹਫ਼ਤੇ ਦੌਰਾਨ ਪੜ੍ਹੇ ਗਏ ਅਧਿਆਵਾਂ ਦਾ ਸਾਰ ਹੀ ਨਹੀਂ ਦਿੱਤਾ ਜਾਣਾ ਚਾਹੀਦਾ। ਅਧਿਆਵਾਂ ਦਾ ਸਾਰ 30 ਤੋਂ 60 ਸਕਿੰਟ ਵਿਚ ਦਿੱਤਾ ਜਾ ਸਕਦਾ ਹੈ। ਪਰ ਇਸ ਭਾਗ ਦਾ ਮੁੱਖ ਮਕਸਦ ਹਾਜ਼ਰੀਨ ਦੀ ਇਹ ਸਮਝਣ ਵਿਚ ਮਦਦ ਕਰਨਾ ਹੈ ਕਿ ਇਹ ਜਾਣਕਾਰੀ ਸਾਡੇ ਲਈ ਕਿਉਂ ਅਤੇ ਕਿਵੇਂ ਲਾਭਦਾਇਕ ਹੈ। ਇਸ ਪੇਸ਼ਕਾਰੀ ਤੋਂ ਬਾਅਦ, ਸਕੂਲ ਨਿਗਾਹਬਾਨ ਦੂਜੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਦੂਸਰੇ ਹਾਲ ਵਿਚ ਭੇਜ ਦੇਵੇਗਾ।

ਪੇਸ਼ਕਾਰੀ ਨੰ. 2: 5 ਮਿੰਟ। ਮੁੱਖ ਹਾਲ ਵਿਚ ਜਾਂ ਦੂਸਰੇ ਹਾਲ ਵਿਚ ਵੀ ਇਕ ਭਰਾ ਬਾਈਬਲ ਵਿੱਚੋਂ ਨਿਰਧਾਰਿਤ ਕੀਤੀਆਂ ਆਇਤਾਂ ਪੜ੍ਹੇਗਾ। ਆਮ ਤੌਰ ਤੇ ਥੋੜ੍ਹੀਆਂ ਆਇਤਾਂ ਪੜ੍ਹਨ ਲਈ ਦਿੱਤੀਆਂ ਜਾਂਦੀਆਂ ਹਨ ਤਾਂਕਿ ਵਿਦਿਆਰਥੀ ਭਾਸ਼ਣ ਦੇ ਸ਼ੁਰੂ ਵਿਚ ਅਤੇ ਅਖ਼ੀਰ ਵਿਚ ਅਧਿਆਇ ਨੂੰ ਸਮਝਾਉਂਦੇ ਹੋਏ ਕੁਝ ਟਿੱਪਣੀਆਂ ਕਰ ਸਕੇ। ਇਸ ਵਿਚ ਆਇਤਾਂ ਦੇ ਇਤਿਹਾਸਕ ਪਿਛੋਕੜ, ਭਵਿੱਖ-ਸੂਚਕ ਮਹੱਤਤਾ ਜਾਂ ਇਨ੍ਹਾਂ ਵਿਚ ਦੱਸੀਆਂ ਸਿੱਖਿਆਵਾਂ ਦਾ ਜ਼ਿਕਰ ਕੀਤਾ ਜਾ ਸਕਦਾ ਹੈ। ਅਤੇ ਇਹ ਵੀ ਦੱਸਿਆ ਜਾ ਸਕਦਾ ਹੈ ਕਿ ਸਿਧਾਂਤਾਂ ਨੂੰ ਆਪਣੀ ਜ਼ਿੰਦਗੀ ਵਿਚ ਕਿਵੇਂ ਲਾਗੂ ਕੀਤਾ ਜਾ ਸਕਦਾ ਹੈ। ਸਾਰੀਆਂ ਆਇਤਾਂ ਨੂੰ ਬਿਨਾਂ ਰੁਕੇ ਪੜ੍ਹਿਆ ਜਾਣਾ ਚਾਹੀਦਾ ਹੈ। ਪਰ ਜਦੋਂ ਪੜ੍ਹੀਆਂ ਜਾਣ ਵਾਲੀਆਂ ਆਇਤਾਂ ਕ੍ਰਮਵਾਰ ਨਹੀਂ ਹੁੰਦੀਆਂ, ਤਾਂ ਉੱਥੇ ਵਿਦਿਆਰਥੀ ਉਸ ਆਇਤ ਦਾ ਜ਼ਿਕਰ ਕਰ ਸਕਦਾ ਹੈ ਜਿੱਥੋਂ ਪਠਨ ਜਾਰੀ ਰਹੇਗਾ।

ਪੇਸ਼ਕਾਰੀ ਨੰ. 3: 5 ਮਿੰਟ। ਇਸ ਨੂੰ ਇਕ ਭੈਣ ਪੇਸ਼ ਕਰੇਗੀ। ਇਸ ਦਾ ਵਿਸ਼ਾ ਬਾਈਬਲ ਕਹਾਣੀਆਂ ਦੀ ਮੇਰੀ ਕਿਤਾਬ ਵਿੱਚੋਂ ਲਿਆ ਜਾਵੇਗਾ। ਤੁਹਾਡੇ ਇਲਾਕੇ ਉੱਤੇ ਢੁਕਦੀ ਕੋਈ ਵੀ ਸੈਟਿੰਗ ਇਸਤੇਮਾਲ ਕੀਤੀ ਜਾ ਸਕਦੀ ਹੈ। ਭੈਣਾਂ ਖੜ੍ਹੀਆਂ ਹੋ ਕੇ ਜਾਂ ਬੈਠ ਕੇ ਚਰਚਾ ਕਰ ਸਕਦੀਆਂ ਹਨ। ਸਕੂਲ ਨਿਗਾਹਬਾਨ ਖ਼ਾਸ ਤੌਰ ਤੇ ਇਸ ਗੱਲ ਵਿਚ ਦਿਲਚਸਪੀ ਰੱਖੇਗਾ ਕਿ ਵਿਦਿਆਰਥਣ ਆਪਣੇ ਵਿਸ਼ੇ ਨੂੰ ਕਿਵੇਂ ਸਮਝਾਉਂਦੀ ਹੈ ਅਤੇ ਆਪਣੀ ਸਹਾਇਕਣ ਦੀ ਆਇਤਾਂ ਉੱਤੇ ਤਰਕ ਕਰਨ ਵਿਚ ਕਿਵੇਂ ਮਦਦ ਕਰਦੀ ਹੈ। ਵਿਦਿਆਰਥਣ ਨੂੰ ਪੜ੍ਹਨਾ ਆਉਣਾ ਚਾਹੀਦਾ ਹੈ। ਸਕੂਲ ਨਿਗਾਹਬਾਨ ਉਸ ਲਈ ਇਕ ਸਹਾਇਕਣ ਨਿਯੁਕਤ ਕਰੇਗਾ, ਪਰ ਇਕ ਹੋਰ ਸਹਾਇਕਣ ਨੂੰ ਵੀ ਲਿਆ ਜਾ ਸਕਦਾ ਹੈ। ਸੈਟਿੰਗ ਉੱਤੇ ਇੰਨਾ ਜ਼ਿਆਦਾ ਧਿਆਨ ਨਹੀਂ ਦਿੱਤਾ ਜਾਣਾ ਚਾਹੀਦਾ ਜਿੰਨਾ ਕਿ ਇਸ ਗੱਲ ਉੱਤੇ ਕਿ ਵਿਦਿਆਰਥਣ ਬਾਈਬਲ ਨੂੰ ਕਿੰਨੇ ਕੁ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਵਰਤਦੀ ਹੈ।

ਪੇਸ਼ਕਾਰੀ ਨੰ. 4: 5 ਮਿੰਟ। ਇਸ ਪੇਸ਼ਕਾਰੀ ਦਾ ਵਿਸ਼ਾ ਉਹ ਸਰਬ ਮਹਾਨ ਮਨੁੱਖ ਜੋ ਕਦੀ ਜੀਉਂਦਾ ਰਿਹਾ ਵਿੱਚੋਂ ਲਿਆ ਜਾਵੇਗਾ। ਇਹ ਪੇਸ਼ਕਾਰੀ ਇਕ ਭਰਾ ਜਾਂ ਭੈਣ ਨੂੰ ਦਿੱਤੀ ਜਾ ਸਕਦੀ ਹੈ। ਜਦੋਂ ਇਹ ਇਕ ਭਰਾ ਨੂੰ ਦਿੱਤੀ ਜਾਂਦੀ ਹੈ, ਤਾਂ ਇਹ ਹਮੇਸ਼ਾ ਹੀ ਇਕ ਭਾਸ਼ਣ ਦੇ ਰੂਪ ਵਿਚ ਦਿੱਤੀ ਜਾਣੀ ਚਾਹੀਦੀ ਹੈ। ਪਰ ਜਦੋਂ ਇਹ ਇਕ ਭੈਣ ਨੂੰ ਦਿੱਤੀ ਜਾਂਦੀ ਹੈ, ਤਾਂ ਇਸ ਨੂੰ ਪੇਸ਼ਕਾਰੀ ਨੰ. 3 ਵਾਂਗ ਹੀ ਪੇਸ਼ ਕੀਤਾ ਜਾਣਾ ਚਾਹੀਦਾ ਹੈ।

ਬਾਈਬਲ ਪਠਨ ਅਨੁਸੂਚੀ: ਕਲੀਸਿਯਾ ਦੇ ਸਾਰੇ ਭੈਣ-ਭਰਾਵਾਂ ਨੂੰ ਹਫ਼ਤਾਵਾਰ ਬਾਈਬਲ ਪਠਨ ਅਨੁਸੂਚੀ ਮੁਤਾਬਕ ਬਾਈਬਲ ਪੜ੍ਹਨ ਲਈ ਉਤਸ਼ਾਹਿਤ ਕੀਤਾ ਜਾਂਦਾ ਹੈ। ਇਸ ਅਨੁਸੂਚੀ ਮੁਤਾਬਕ ਤੁਹਾਨੂੰ ਹਰ ਰੋਜ਼ ਸਿਰਫ਼ ਇਕ ਸਫ਼ਾ ਹੀ ਪੜ੍ਹਨਾ ਹੋਵੇਗਾ।

ਸੂਚਨਾ: ਸਲਾਹ ਦੇਣ, ਸਮੇਂ ਸਿਰ ਭਾਸ਼ਣਾਂ ਨੂੰ ਖ਼ਤਮ ਕਰਨ, ਲਿਖਤੀ ਪੁਨਰ-ਵਿਚਾਰਾਂ ਅਤੇ ਪੇਸ਼ਕਾਰੀਆਂ ਦੀ ਤਿਆਰੀ ਦੇ ਬਾਰੇ ਹੋਰ ਜਾਣਕਾਰੀ ਅਤੇ ਹਿਦਾਇਤਾਂ ਲਈ ਕਿਰਪਾ ਕਰ ਕੇ ਅਕਤੂਬਰ 1996 (ਅੰਗ੍ਰੇਜ਼ੀ) ਦੀ ਸਾਡੀ ਰਾਜ ਸੇਵਕਾਈ ਦਾ ਸਫ਼ਾ 3 ਦੇਖੋ।

ਅਨੁਸੂਚੀ

7 ਜਨ. ਬਾਈਬਲ ਪਠਨ: ਉਪਦੇਸ਼ਕ ਦੀ ਪੋਥੀ 1-6

ਗੀਤ ਨੰ. 4

ਨੰ. 1: ਤੁਹਾਡਾ ਇਕ ਸੁਖੀ ਭਵਿੱਖ ਹੋ ਸਕਦਾ ਹੈ! (kl ਸਫ਼ੇ 6-11)

ਨੰ. 2: ਉਪਦੇਸ਼ਕ ਦੀ ਪੋਥੀ 4:1-16

ਨੰ. 3: ਸ੍ਰਿਸ਼ਟੀ—ਪਰਮੇਸ਼ੁਰ ਦਾ ਚਮਤਕਾਰੀ ਕੰਮ! (my ਅਧਿਆਇ 1)

ਨੰ. 4: ਜਨਮ ਦਿਨ ਪਾਰਟੀ ਦੇ ਦੌਰਾਨ ਕਤਲ (gt ਅਧਿਆਇ 51)

14 ਜਨ. ਬਾਈਬਲ ਪਠਨ: ਉਪਦੇਸ਼ਕ ਦੀ ਪੋਥੀ 7-12

ਗੀਤ ਨੰ. 180

ਨੰ. 1: ਉਹ ਪੁਸਤਕ ਜੋ ਪਰਮੇਸ਼ੁਰ ਦਾ ਗਿਆਨ ਪ੍ਰਗਟ ਕਰਦੀ ਹੈ–ਭਾਗ 1 (kl ਸਫ਼ੇ 12-17 ਪੈਰੇ 1-15)

ਨੰ. 2: ਉਪਦੇਸ਼ਕ ਦੀ ਪੋਥੀ 8:1-17

ਨੰ. 3: ਸਾਡੀ ਧਰਤੀ ਲਈ ਪਰਮੇਸ਼ੁਰ ਦਾ ਮੁਢਲਾ ਮਕਸਦ ਕੀ ਸੀ? (my ਅਧਿਆਇ 2)