Proverbio
1 Saraya so proverbio nen Solomon+ ya anak nen David+ tan ari na Israel:+
2 Pian naaralan* so karunongan+ tan disiplina;
Pian natalosan iray makabat a salita;
3 Pian naawat so disiplinan+ mangiiter na aralem a pakatalos,
Inkatunong,+ maong a pakatebek,*+ tan kaptekan;*
4 Pian say andiay kakabatan et naikdan na pakatebek;+
Pian say kalangweran a laki et naikdan na kakabatan tan abilidad a mannonot.+
5 Say toon marunong et ondedengel tan mangaawat na kaaruman a bilin;+
Say toon makatalos et aawaten toy makabat a panangigiya+
6 Pian natalosan toy sakey a proverbio tan mabunikew a salita,*
Say salita na saray marunong tan saray pabitla ra.+
7 Say takot* ed si Jehova so gapoan na kakabatan.+
Saray makulangkulang labat so mamubusol ed karunongan tan disiplina.+
10 Ana’ko, no sagyaten ka na saray makasalanan, agka onaabuloy.+
11 No ibaga ra: “Mila kad sikami.
Manambang tayoy pateyen tayo.
Onamot tayo, pian mantalaran na saray inosentin biktima.
12 Akmonen tayo ran mabilay a singa gagawaen na Lubok,*
Akmonen tayo ran intero, singa saramay onlalasur ed abot.
13 Alaen tayon amin so mablin kayamanan da;
Panoen tayo na samsam iray abung tayo.
15 Ana’ko, agka ontutumbok ed sikara.
Ipaliis moy salim ed dalan da,+
16 Ta saray sali ra et ombabatik pian manggaway kaugsan;
Manaapura ira a mangipaagus na dala.+
17 Seguradon anggapo so gunggonay pangipatit na iket no sankanengneng itan na siwit.
19 Onia ray kagagawa na saramay manaanap na dilin pinabangan da,
20 Say tuan karunongan+ et onkekelyaw diad karsada.+
Ikakasil toy boses to diad saray plaza.+
21 Diad suyok na saray matoon karsada et sikatoy ontatawag.
Diad saray lolooban ed saray puerta na syudad et ibabaga to:+
22 “Sikayo ran andiay kakabatan, anggad kapigan yo aroen so pagmaliw ya andiay kakabatan?
Sikayo ran mababalaw, anggad kapigan yo panliketan so panagbalaw?
Tan sikayo ran makulangkulang, anggad kapigan yo busolen so kakabatan?+
23 Kiwas kayo unong ed panametek ko.*+
Diad ontan et ikalbok so espirituk parad sikayo;
Ipaamtak ed sikayo iray salitak.+
24 Lapud tinmawag ak, balet agkayon balot dinmengel,
Inyunat koy limak, balet anggapon balot so mangiimano,+
25 Naynay yon ipupulisay so amin a simbawak
Tan agyo aawaten so panametek ko,
26 Onelek ak met sano onsabid sikayoy desyang;
Mangantiaw ak sano onsabi may pakakatakotan yo,+
27 Sano onsabin singa bagyo imay pakakatakotan yo,
Tan onsabin singa maksil a dagem ed sikayo so desyang,
Sano onsabid sikayo so gonigon tan kairapan.
28 Diad satan et naynay iran ontawag ed siak, balet agak onebat;
Panseetan da ak ya anapen, balet agda ak naromog,+
29 Lapud binusol day kakabatan,+
Tan agda pinili a takotan si Jehova.+
30 Impulisay day simbawak;
Agda nirespeto so amin a panametek ko.
32 Ta say inkabenger na saray andiay kakabatan so mamatey ed sikara,
Tan say inkakampante na saray makulangkulang so maneral ed sikara.