Eskedyul ed Pantitipon Parad Panagserbi

Simba na Oktubre 11

Kanta 219

10 min: Lokal iran pakabat. Pinili ed Saray Pakabat Manlapud Ministeryo Tayo ed Panarian. Usaren iray suhestion ed pahina 8 pian idemostra no panon ya ipresenta so Oktubre 15 a Panag-Bantayan tan Oktubre 22 ya Awake!

20 min: “Kimey a Susuportaan na Dios.”a Ilaktip iray komento ed libron Proclaimers, pahina 547-8.

15 min: Panggayagaan so Itulong ed Arum. (Juan 4:34) Saray Interbio. Talagan makapaliket sano nanengneng a linmigsa so sakey a too diad impakaaral to ed saray katuaan manlapud Salita na Dios. (w94 3/1 p. 29 par. 6-7) Interbioen so duara odino talora a manangipalapag odino payunir ya epektibon manguusar ed Biblia diad ministeryo tan diad panangigapo tan panangikondukta na saray panagaral ed Biblia. Panon dan babayuboan so interes na naroromog da? Panon iran aliketan diad impanggawa ed satan? Paisalaysay tan paiyakto iray eksperiensya ra ed ministeryo.

Kanta 69 tan pansaran pikakasi.

Simba na Oktubre 18

Kanta 127

5 min: Lokal iran pakabat.

25 min: “Pibiang ed Ministeryo Bilang Pamilya.”b Anggad wala ni oras, interbioen so atateng a manggagayagan mikimey ed ananak da diad ministeryo, a tepetan ira no panon dan iyeeskedyul so panaon da tan no anto ray nagagamoran dan gunggona. No walaray pigara ed kongregasyon ya agunggonaan ed ehemplo na atateng da sanen ugugaw ni ra tan natan et wala la ray pribilehyo ra ed kongregasyon, nayari met iran interbioen.

15 min: “Usaren Iray Espiritual a Kalat Pian Igloria so Manamalsam.” Paliwawa base ed artikulo ed Hulyo 15, 2004 a Panag-Bantayan, pahina 21-3. Ipaimano iray nisuherin pitoran espiritual a kalat diad kahon ed pahina 22 tan no panon a makatulong ed sikatayo so pangisulat ed saray kalat tayo pian nadampot iratan.

Kanta 165 tan pansaran pikakasi.

Simba na Oktubre 25

Kanta 56

12 min: Lokal iran pakabat. Report na kuenta. Diad pangusar ed saray suhestion ed pahina 8, idemostra no panon ya ipresenta so Nobyembre 1 a Panag-Bantayan tan Nobyembre 8 ya Awake! Diad kada presentasyon, ipanengneng so nandumaan a paraan na pangebat ed manamatunday tongtongan ya “Agak interesado ed saray Tasi nen Jehova.”​—Nengnengen so libron Reasoning, pahina 17-18 (p. 17 ed Tagalog).

18 min: Mangiter na Ebidensya Pian Suportaan so Salita na Dios. Singbaten kaiba iray dumerengel base ed libron Eskuelaan Parad Ministeryo, pahina 256-7. Panon tayon nausar ya ebidensya iray sekular a reperensya pian natulongan so totoo a pablien so inkamakatunongan na Kasulatan? Paebatan ed dumerengel iray onggendan a tepet: Antoray nabitla tayon alimbawa ed pisikal ya uniberso ya ebidensya a wala so Manamalsa? (rs-E 85-6; p. 291-3 ed Tagalog) Panoy pangusar tayo ed saray komento na saray iskolar odino eksperto pian natebek na arum a say Biblia et peteg a Salita na Dios? (rs-E 62-4; p. 64-6 ed Tagalog) Anton ilustrasyon odino panangikompara so nayarin usaren tayo pian natalosan na arum no akin ya aabuloyan na Dios so karelmengan? (rs-E 429; p. 85 ed Tagalog) Antoran eksperiensya odino alimbawa so inusar yo pian pablien na arum so kaabigan na panumbok ed simbawa na Biblia?

15 min: Mansungdo ed Panggawa na Maabig. (Gal. 6:10) Interbioen so duara odino talora a regular payunir odino manu-auxiliary payunir a panapanaon. Antoray babeng ya inarap da ed panaglingkor da ed si Jehova, tan panon dan atalonaan iratan? Anto so akatulong ed sikaran mansungdo ed panggawa na maabig ed arum? Panon ya akatulong ed sikara tan ed arum so impansagpot da ed Kristianon ministeryo? Komendaan so amin lapu ed ‘gawa ra ed pananisia tan maaron pansasagpot tan panaanos da.’​—1 Tes. 1:2, 3.

Kanta 62 tan pansaran pikakasi.

Simba na Nobyembre 1

Kanta 15

10 min: Lokal iran pakabat. Panonotan so amin ya iter da la iray report da ed lawak na serbisyo. Diad Nobyembre et iyopresi tayo so Manaral Manlapud Sankamaongan a Managbangat. Repasoen a magano iray suhestion ed Ministeryo Tayo ed Panarian, Mayo 2004, pahina 3, parad pangiyopresi ed sayan libro insan idemostra so sakey ed saray presentasyon. No walay sananey a metodo a mas epektibo ed teritorya yo, nayari iyan singbaten tan idemostra. No wala ni oras, tepetan iray dumerengel no panon da lan nausar iyan publikasyon diad ministeryo.

15 min: Lokal iran pankaukolan.

20 min: “Prayuridad so Regular a Piaral.”c Masakbay lan iyuksoy so pankomento na sakey odino duara nipaakar ed ginawa ran kundang pian lanang a makapiaral ed kongregasyon.

Kanta 175 tan pansaran pikakasi.

[Saray paimano ed leksab]