Eskedyul ed Pantitipon Parad Panagserbi

Imanoen: Say Ministeryo Tayo ed Panarian so mangiyeskedyul na Pantitipon Parad Panagserbi parad kada simba legan na saray bulan na kombension. Saray kongregasyon so nayarin manggawa na saray panangiyarunsa, no nakaukolan, pian naatendian so “Maridios a Katutulok” a Distriton Kombension. No matukoy, usaren so 15 minutos ed unor a Pantitipon Parad Panagserbi sakbay na iyatendi ed kombension pian uliten so walad insert na sayan bulan iran simbawa tan panonot ya onaplika ed lokal. Sakey odino duaran bulan kayari na kombension, mangigetar na 15 anggad 20 a minutos diad Pantitipon Parad Panagserbi (nayarin diad pangusar ed parte a lokal a pankaukolan) pian repasoen iray pabitar ed kombension. Bilang pamparaan ed sayan repaso, amin itayo so nepeg a manginota ed saray espisipikon punto a labay tayon iyaplika ed lawak na ministeryo tayo.

Simba na Oktubre 10

Kanta 17

10 min: Lokal iran pakabat. Saray Pakabat a pinili manlapud Ministeryo Tayo ed Panarian. Usaren iray suhestion ed pahina 8 pian idemostra no panon ya ipresenta so Oktubre 15 a Panag-Bantayan tan say Oktubre 22 ya Awake!

15 min: Paliisan Iray Kapeligroan na Internet. Paliwawa na sakey a matatken base ed Disyembre 8, 2004 ya Awake! pahina 18-21.

20 min: “Mantultuloy a Salitaen so Salitay Dios Tekep na Pakpel.”a Imbitaan iray dumerengel a mankomento nipaakar ed saray kipapasen a nayarin sakey ya angat so manpakpel a mantasi. Antoy tinmulong ed sikara pian nagawaan itan?

Kanta 78 tan pansaran pikakasi.

Simba na Oktubre 17

Kanta 36

10 min: Lokal iran pakabat. Diad pangusar ed parte 3 na Setyembre 2005 ya insert na Ministeryo Tayo ed Panarian, repasoen so sakey odino duaran punto nipaakar ed no panon so epektibon pangusar ed Kasulatan sano mangikokondukta na saray panangiyaral na Biblia.

15 min: “Sakey a Nidumaduman Pampapasesegan.” Paliwawa. Pasesegen so amin a magmaliw a presente ed kada sesyon na kombension, manlapud Biernes na kabuasan anggad Simba na ngarem.

20 min: “Ipatnag so Personal ya Interes​—Diad Pagmaliw a Mapangasi.”b Tepetan iray dumerengel no panon tayon nipatnag so panangasi ed arum sano mibibiang ed lawak na ministeryo. Say arum niran aspekto na panangipanengneng na personal ya interes ed saramay pupulongan tayo so konsideraen ed ontumbok iran isyu na Ministeryo Tayo ed Panarian.

Kanta 2 tan pansaran pikakasi.

Simba na Oktubre 24

Kanta 68

15 min: Lokal iran pakabat. Basaen so report na kuenta tan pisasalamat ed saray donasyon. Diad pangusar na sakey ed saray nisuherin presentasyon ed insert na Enero 2005 a Ministeryo Tayo ed Panarian, idemostra no panon ya ipresenta so opresin literatura ed Nobyembre.​—Nengnengen so Enero 2005 a Ministeryo Tayo ed Panarian, p. 8, par. 5.

30 min: “Idayew si Jehova Dia ed Loob na Baleg a Muyongan.”c Betang na sekretaryo na kongregasyon. Konsideraen iray anumeroan a parapo a singa ed Panagaral na Panag-Bantayan. Ipabasa ed apabtangan a managbasa iray parapo. Repasoen so kahon a “Saray Panonot ed Distriton Kombension.”

Kanta 153 tan pansaran pikakasi.

Simba na Oktubre 31

Kanta 209

10 min: Lokal iran pakabat. Panonotan iray manangipalapag ya ireport da la iray serbisyo ra parad Oktubre. Diad pangusar ed suhestion ed pahina 8, idemostra no panon ya ipresenta so Nobyembre 1 a Panag-Bantayan tan Nobyembre 8 ya Awake!

15 min: Usaren so Rota na Magasin Pian Mamayubo na Interes. Paliwawa a pibiangan na saray dumerengel base ed Mayo 2005 a Ministeryo Tayo ed Panarian, pahina 8. Panon itayon makapangigapo na rota na magasin? (par. 1) Panon itayon makapanparaan na manggegendanan a pangitongtong na sakey a teksto? (par. 3) Akin a kaukolan ya agtayo lambengat basaen so pinilin teksto? (par. 4) Panon a napagmaliw a panangiyaral na Biblia so rota na magasin? (par. 5) Mangilaktip na sakey a demostrasyon na sakey a manangipalapag a mangitotongtong na sakey a teksto ed rota to na magasin.

20 min: Saray Kalangweran a Mapekder Ingen ta Marespeto. Paliwawa na matatken base ed Setyembre 15, 2002, a Watchtower, pahina 23-4, diad silong na paulon “Refrain Respectfully.” Iyuksoy lan masakbay so pankomento na sakey odino duara a kalangweran nipaakar ed kipapaarapan da iran angat diad eskuelaan tan no antoy tinmulong ed sikara pian matalonan naarap iraya.

Kanta 222 tan pansaran pikakasi.

Simba na Nobyembre 7

Kanta 39

5 min: Lokal iran pakabat.

20 min: Paaligwasen so Panangimano Yo Diad Saray Pantitipon. Paliwawa a pibiangan na saray dumerengel base ed Setyembre 15, 2002, a Panag-Bantayan, pahina 12-14, parapo 11-14.

20 min: “Bayuboan so Dunong ed Panagkatunongan ed Arum.”d Imbitaan iray dumerengel a mangisalaysay no panon iran akikatunongan ed saray totoo a walaan na nandurumaan ya abenegan diad lokal a teritorya.

Kanta 50 tan pansaran pikakasi.

[Saray paimano ed leksab]