Isaías

18 Ai di e pais ku ta yen di zonido di insekto ku ta bati nan ala,

e pais situá kantu di e riunan di Etiopia!

 2 E pais ei ta manda mensahero via laman

den barku di papiro,* i e ta bisa nan:

“Mensaheronan lihé, bai;

bai na un nashon di hende ku estatura haltu i kútis fini,

sí, un pueblo ku tur hende tin miedu di dje,

un nashon fuerte, ku ta konkistá hopi pueblo,

un nashon kaminda e riunan ta laba tera bai kuné.”

 3 Tur habitante di e pais i hende ku ta biba riba tera,

boso lo mira algu manera un palu ku ta fungi komo señal ku nan sa pone riba seru,

i boso lo tende un zonido manera suplamentu di kachu.

“Lo mi keda trankil i para wak* mi lugá.

Mi presensia lo ta meskos ku e kayente ku ta kompañá lus di solo,

meskos ku serena durante e kalor di tempu di kosecha.

 5 Pero, promé ku kosecha,

ora ku e matanan a kaba di floria i e drùifnan ta birando hechu,

un kunukero lo kòrta e ramanan ku a sprùit ku kuchú pa snui mata,

i lo e snui e hilunan fini na e ramanan i kita nan.

 6 Nan lo keda pa e paranan yagdó di seru

i pa e bestianan riba tera.

Den zomer, e paranan yagdó lo kome nan,

i den tempu di kosecha, tur e bestianan riba tera lo kome nan.

 7 Na e tempu ei, Yehova di e ehérsitonan lo haña un regalo

di un nashon di hende ku estatura haltu i kútis fini,

sí, un pueblo ku tur hende tin miedu di dje,

un nashon fuerte, ku ta konkistá hopi pueblo,

un nashon kaminda e riunan ta laba tera bai kuné.

Nan lo trese e regalo na seru Siòn, e lugá ku ta karga e nòmber di Yehova di e ehérsitonan.”