Isaías

20 E aña ku Rei Sargon di Asiria a manda Tártan* bai Ásdòd, Tártan a bringa kontra Ásdòd i kaptur’é. 2 Na e tempu ei, Yehova a bisa Isaías, yu di Ámoz: “Kita e paña di saku for di bo hep, i kita bo sandalianan for di bo pia.” Isaías a hasi esei, i el a kana rònt kasi sunú* i pia abou.

3 Anto Yehova a bisa: “Mi sirbidó Isaías a kana rònt kasi sunú i pia abou pa tres aña largu komo un señal i spièrtamentu di loke lo pasa ku Egipto i Etiopia. 4 Di mes manera, e rei di Asiria lo kohe e hendenan di Egipto i di Etiopia prezu, tantu mucha hòmber komo hòmber bieu, i bai ku nan den eksilio kasi sunú, pia abou i ku nan parti patras afó. Sí, Egipto lo keda tur na bèrgwensa.* 5 E hendenan ku a pone nan speransa den Etiopia i ku tabata orguyoso* di Egipto lo keda morto spantá i tur na bèrgwensa. 6 E habitantenan di e kosta akí lo bisa e dia ei: ‘Wak kiko a pasa ku e nashonnan ku nos a pone nos speransa den dje, esnan ku nos a hui bai serka dje en buska di yudansa pa libra nos for di e rei di Asiria! Kon nos lo skapa awor?’”