Reunionnan Di Sirbishi Pa December
Siman di 2 di December
Cantica 134
10 min: Anuncionan local. Anuncionan selectá for di Nos Ministerio di Reino.
15 min: “Ken Lo Scucha Nos Mensahe?” Pregunta i contesta. Incluí puntonan for di ¡Despertad! di 22 di mart, 1987, página 5, en cuanto pakico nos mensahe ta atractivo.
20 min: “E Palabra di Dios Ta Percurá Guia.” (§1-6) Introducí e parti cu §1-2. (Incluí buki Razonamiento, página 61-2 [na ingles, página 58-60], describiendo brevemente e cuater “Motibunan pakico mester considerá e Bijbel.”) Laga publicadornan capacitá demostrá e presentacionnan cu ta ser sugerí den §3-6. Invitá auditorio pa comentá riba (1) con e preguntanan a yuda stimulá interes, (2) con e textonan a cuadra cu e tema cu ta ser considerá, (3) con e rebishita na un forma lógico a sigui e consideracion inicial i (4) con a ofrecé un studio.
Cantica 75 i oracion di conclusion.
Siman di 9 di December
Cantica 100
10 min: Anuncionan local. Informe di cuenta.
15 min: Yudando Rumannan di Mas Edad Participá den Sirbishi. Hopi publicador fiel di mas edad tin un deseo intenso pa participá den predicacion huntu cu e congregacion, pero nan tin limitacionnan físico cu ta debí na edad i mal salú. Tin maneranan cu nos por mustra consideracion na nan i asina incluí nan den e grupo di sirbishi: Ofrecé pa percurá transport; haci areglo pa nan traha casnan caminda tin poco trapi di subi; parkeer e auto cerca di manera cu nan por sosegá den dje ora nan cansa; ofrecé pa hiba nan cu auto na nan rebishitanan; laga nan sa cu lo bo hiba nan cas ora nan sinti cu nan no por sigui mas. Esnan di mas edad ta gradicidu pa e yudansa cu ta ser ofrecí na nan. Mencioná otro maneranan cu boso localmente ta mustra tal consideracion. Repasá puntonan principal den e artículo “Nos Ta Apreciá Esnan di Edad Avansá!” di La Atalaya di 1 di februari, 1986, página 28-9.
20 min: “E Palabra di Dios Ta Percurá Guia.” (§7-9) Comentá riba “Tin Necesidad di un Guia” den La Atalaya di 1 di mei, 1993, página 3. Splica pakico nos presentacionnan mester enfatisá e importancia di busca yudansa for di un fuente mas haltu—Dios. Laga un publicador demostrá presentacionnan den §7-8. Enfatisá cu nos meta mester ta pa cu tempu cuminsá un studio di Bijbel den e buki Conocimentu.
Cantica 197 i oracion di conclusion.
Siman di 16 di December
Cantica 209
10 min: Anuncionan local. Ofrecé algun sugerencia en cuanto con pa respondé cu tacto na saludonan di dianan di fiesta. Describí areglonan special pa sirbishi di veld dia 25 di december.
15 min: “Ofreciendo Nos Mes di Buena Gana.” Pregunta i contesta. Incluí comentarionan for di La Atalaya di 1 di mei, 1984, página 22.
20 min: “Alegrando cu e Aumento cu Dios Ta Duna.” Discurso entusiástico na encargo di un anciano. Cita experencianan of evidencia di aumento den e paisnan mencioná, segun loke e Anuarionan recien ta informá.
Cantica 41 i oracion di conclusion.
Siman di 23 di December
Cantica 93
10 min: Anuncionan local. Resaltá algun punto di combersacion den e revistanan actual cu por usa den sirbishi e siman aki. Describí areglonan special pa sirbishi di veld dia 1 di januari.
15 min: Necesidadnan local. Of un anciano ta duna un discurso riba “Baha cu Penshon—Un Porta Habrí na Actividad Teocrático?” for dje Toren di Vigilancia di 15 di juli, 1996, página 24-5.—Mira Perspicacia, Volúmen 2, página 148, §2-3 [na ingles, Volúmen 2, página 794, §2-3].
20 min: “Inscripcion den Scol di Ministerio Teocrático.” Discurso na encargo dje superintendente di scol. Duna stadística local di personanan inscribí, i animá tur cu por pa inscribí. Repasá instruccionnan pa partinan di studiante cu ta ser duná den “Programa pa Scol di Ministerio Teocrático pa 1997.”
Cantica 166 i oracion di conclusion.
Siman di 30 di December
Cantica 223
10 min: Anuncionan local. Si ta turno pa bo congregacion cambia su oranan di reunion ora e aña nobo cuminsá, duna animacion bondadoso instando tur ruman pa haci e ahustenan necesario i mantené asistencia regular cu e congregacion den su orario nobo.
20 min: “Yudansa na e Tempu Apropiado.” Pregunta i contesta. Resaltá puntonan sobresaliente balioso for di cada un dje publicacionnan nobo.
15 min: Repasá Oferta di Literatura pa Januari. Ofrecé cualkier buki di 192 página publicá promé cu 1984. Mustra cua bukinan e congregacion tin na stock. Scoge dos of tres cu lo ta eficas pa usa den bo teritorio. Usando e buki Razonamiento, página 9-14, repasá brevemente introduccionnan apropiado pa cada buki. Demostrá un of dos presentacion.
Cantica 137 i oracion di conclusion.