Programa Pa Reunion Di Sirbishi

NOTA: Cuminsando cu e edicion aki di Nos Ministerio di Reino, e Programa pa Reunion di Sirbishi lo incluí un boskeho pa e promé Reunion di Sirbishi dje siguiente luna. Nos ta haci e ahuste aki pa compensá posibel retraso den ricibí Nos Ministerio di Reino debí cu awor tin un areglo nobo di manda cargamentu.

Siman di 6 di December

Cantica 207

10 min: Anuncionan local. Anuncionan selectá for di Nos Ministerio di Reino.

15 min: “Imitá Jehova Su Imparcialidad.” Limitá comentario di introduccion na ménos cu un minuut, i sigui cu un consideracion mediante pregunta i contesta. Splica e nificacion di imparcialidad, con Jehova ta demostr’é i con nos por demostrá esaki den nos ministerio.—Mira Perspicacia, Volúmen 1, página 1214, e promé cuater paragrafnan bou di “Imparcialidad.”

20 min: “Nos No A Tende Esei Caba?” Discurso i consideracion cu auditorio. Invitá auditorio pa comentá riba con ripiticion a yuda nan comprendé i apreciá e berdad mas plenamente.—Mira E Toren di Vigilancia di 15 di juli 1995, página 21-2, i di 15 di augustus 1993, página 13-14, §10-12.

Cantica 218 i oracion di conclusion.

Siman di 13 di December

Cantica 168

10 min: Anuncionan local. Informe di cuenta. Ofrecé sugerencianan con pa respondé cu tacto na saludonan di dianan di fiesta. Si e congregacion tin e buki E homber mas importante cu hamás a biba of Scuchando e Gran Maestro na stock, mustra con por usa nan bon den ministerio durante e dianan di fiesta di Pascu.

15 min: “E Scol di Ministerio Teocrático pa 2000.” Un discurso na encargo dje superintendente di Scol di Ministerio Teocrático. Repasá e siguiente cambionan den e programa dje aña nobo. Parti Num. 3 lo ta basá riba “Temanan Bíblico pa Combersacion” hañá den e Traduccion di Mundu Nobo. Parti Num. 4 lo trata personahenan di Bijbel for dje buki Perspicacia pa Comprendé e Scritura i durante e último tres lunanan di aña lo ta basá riba “Temanan Bíblico pa Combersacion.” Ora tin e seña di number (#) tras dje asignacion aki, ta preferibel pa un ruman homber hacié. Animá tur ruman pa keda al dia cu nan lesamentu semanal di Bijbel i pa ta diligente den cumpli cu nan asignacionnan den scol.

20 min: “Kico Lo Bo Bisa un Ateista?” Pregunta i contesta. Repasá vários motibu pakico hopi hende a perde fe den Dios. Sugerí algun manera cu nos por abordá nan pa yuda nan mira pakico ta lógico pa reconocé cu Dios ta existí. Tene un of dos demostracion breve. Pa mas informacion, mira buki Razonamentu na spañó, e tema “Dios” na página 117-24, i Hende en Busca di Dios, capítulo 14.

Cantica 220 i oracion di conclusion.

Siman di 20 di December

Cantica 219

10 min: Anuncionan local. Laga publicadónan relatá experencianan breve i al caso cu nan a disfrutá di dje recientemente den sirbishi di veld.

15 min: Respondé na Expresionnan Cu Por Para Combersacion. Consideracion cu auditorio i demostracionnan. Lesa “Comentario” na página 7 dje foyeto chikitu Con pa Cuminsá i Continuá Consideracionnan Bíblico [Razonamentu, página 15-16]. Scoge dos of tres “expresion cu por para combersacion” for di página 8-12 [rs-S 16-20], of usa otro expresionnan cu boso ta topa cu frecuencia den boso teritorio. Repasá algun dje contestanan cu ta ser sugerí, i analisá pakico nan por ta eficas localmente. Demostrá brevemente un par di nan. Invitá auditorio pa relatá contestanan cu nan a duna cu tabatin bon resultado.

20 min: Mi Mester Aceptá Trabou Cu Ta Enbolbé un Organisacion Religioso? Discurso na encargo di un anciano, basá riba E Toren di Vigilancia di 15 di april 1999, página 28-30. Tin persona cu a aceptá tal trabou i despues a descubrí cu loke nan tabata haci no tabata na armonia cu principionan bíblico. Repasá e preguntanan cu nos tin cu considerá ora di tuma un decision en cuanto haci trabou seglar pa organisacionnan religioso. Animá tur ruman pa sigui un caminda cu lo sigurá un posicion aprobá dilanti Jehova.—2 Cor. 6:3, 4, 14-18.

Cantica 109 i oracion di conclusion.

Siman di 27 di December

Cantica 166

10 min: Anuncionan local. Si bo congregacion ta bai cambia di ora di reunion p’e aña nobo, duna animacion bondadoso pa urgi tur pa mantené asistencia regular na e oranan nobo. Informá studiantenan di Bijbel i otro hende interesá dje cambionan, i cuminsá usa e pamfletanan cu ta mustra e orario nobo. Recordá tur publicadó pa entregá nan raport di sirbishi di veld pa december.

15 min: Necesidadnan local.

20 min: Ofrecé Buki Mas Bieu Durante Januari. Discurso i demostracion. Mustra dos of tres buki mas bieu di 192 página, publicá promé cu 1986, cu e congregacion tin na stock, i animá publicadónan pa tuma algun p’e ministerio di veld. (Si no tin niun disponibel, trata e oferta alternativo pa januari.) Splica pakico e publicacionnan mas bieu aki ainda ta eficas pa cultivá interes den Bijbel. Resaltá den cada buki puntonan di combersacion i plachinan cu nos por usa bon pa cuminsá combersacion. Demostrá un of dos presentacion. Caminda nos haña interes, por usa e foyeto Rekerí pa cuminsá un studio.

Cantica 224 i oracion di conclusion.

Siman di 3 di Januari

Cantica 10

8 min: Anuncionan local.

17 min: Sa Con pa Duna un Contesta. (Col. 4:6) Discurso i consideracion cu auditorio. E buki Razonamentu ta un yudansa maraviyoso pa prepará e caminda pa compartí e berdad di Bijbel cu otro hende. Ora un doño di cas bin cu un obhecion contra un di nos creencianan, kisas nos por usa e parti “Si un Hende Bisa . . . ” na fin dje seccion cu ta trata e creencia ei. Considerá e remarkenan tocante Bijbel cu tin na página 67-71 [na ingles, 64-8], i considerá pakico e contestanan sugerí por ta eficas.

20 min: Prepará pa Asistí na e Congreso di Distrito 2000 ‘Hacidónan dje Palabra di Dios.’ Na encargo dje secretario. Discurso basá riba e buki Perspicacia, Volúmen 1, página 224-6, bou dje tema “Asamblea.” Lesa e fechanan pa congreso 2000 for dje carta di Sociedad fechá 30 di september 1999. Enfatisá con importante ta pa for di antemano tur hende haci areglo definitivo pa haña e dianan di vakansi pa por asistí na tur e dianan di congreso, incluso diabierne. Tambe tur hende por cuminsá apartá algu pa por contribuí na e congreso di distrito pa 2000 na armonia cu e spiritu di 1 Corintionan 16:2.

Cantica 56 i oracion di conclusion.