Bolbe Bek pa Salba Algun Hende
1 Ta Dios su boluntad “pa tur clase di hende ser salbá i yega na un conocimentu exacto dje berdad.” (1 Tim. 2:4) Kico nos por haci pa yuda? Haci rebishitanan cu e meta di siña hende e berdad. Kico lo bo bisa? E siguiente sugerencianan lo por yudá bo.
2 Ora di rebishitá un persona cu a aceptá e buki “Felicidad—con pa hayé” lo bo por bolbe referí na e plachi na página 4 i puntra e doño di cas:
◼ “Despues di a examiná mas aleu e buki cu mi a laga cu bo i a pensa riba e promesa di Dios pa un tera paradísico, kico bo ta pensa dje promesanan maraviyoso aki cu Dios a haci pa humanidad?” Despues di expresá aprecio p’e contesta dje doño di cas i comentá brevemente riba dje, lo bo por hala atencion na capítulo 2 i 3 i sugerí pa considerá pakico esfuersonan di hende pa logra felicidad mester di un otro base.
3 Tambe bo por sigui cu e combersacion ya cu bo a laga e buki “Felicidad—con pa hayé,” dor di bisa:
◼ “Biaha pasá cu mi tabata aki, nos a papia tocante e propósito di Dios pa crea un mundu nobo pacífico. Nos a considerá con un speransa asina lo por trece berdadero propósito i nificacion den nos bida. E pregunta ta awor, Kico nos mester haci pa cualificá pa e bendicionnan aki? Con lo bo contestá e pregunta ei?” Permití contesta. Bai na página 184 i 185 i considerá e pensamentunan den §1-3, enfatisando e necesidad di edificá un fe fuerte mediante studio dje Palabra di Dios. Splica con por haci esaki dor di probechá di nos programa di studio di Bijbel.
4 Lo bo por bolbe bek caminda bo a laga e buki “Logrando felicidad den bida di famía” usando e introduccion aki:
◼ “E promé biaha cu mi a bishitá bo, mi tabata impresioná cu bo preocupacion pa bo famia. Ya como cu nos ta bibando den e último dianan di un sistema di cosnan malbado, ta vital pa famianan sigui prepará pa e futuro. Cu e meta ei, e buki cu mi a laga cu bo, Logrando felicidad den bida di famía, ta recomendá fuertemente pa tin consideracionnan regular dje Bijbel na cas. [Lesa §10 na página 185.] Cu bo permiso gustosamente lo mi kier usa djis un par di minuut pa demostrá con personanan den un 200 pais ta considerá e Bijbel na cas, huntu como famia.” Segun tempu permití, usa e material bou dje subtema na página 71 pa demostrá e studio.
5 Tambe lo bo por haci rebishita caminda bo a laga e buki “Felicidad—con pa hayé” dor di bisa:
◼ “Mi kier a bin bek pa mustrá bo mas tocante e propósito di Dios pa e tera aki.” Bai na e plachi na página 189, lesa Revelacion 21:3, 4, anto splica brevemente con e Reino di Dios lo cumpli cu e promesa aki. Ofrecé un studio di Bijbel grátis.
6 Corda cu e meta pa haci rebishita ta pa cuminsá studionan di Bijbel. E buki nobo, Conocimentu cu Ta Hiba na Bida Eterno, ta specialmente diseñá pa conducí studionan. Ora nos haci rebishita despues di a laga bukinan mas bieu i realmente ta cuminsá un studio, lo ta bon pa dirigí atencion na e buki nobo aki. Nos lo haña hopi goso ora cu esnan cu ta studia siña inbocá Jehova pa salbacion.—Echo. 2:21.