Traha Pionero

Ora nos pone meta pa hasi mas pa Yehova, esei lo yuda nos usa nos energia pa loke ta mas importante. (1Ko 9:26) Meta ta yuda nos usa nos tempu di e mihó manera promé ku e fin yega. (Efe 5:15, 16) Durante boso adorashon komo famia, dikon boso no ta pone meta pa e aña di sirbishi nobo? Pa yuda boso ku esei, e edishon akí di e Material i Tarea pa Reunion lo trata artíkulo ku diferente meta ku kada un di boso por pensa ariba. Pidi Yehova pa guia bo segun ku bo ta analisá e artíkulonan ei.—Snt 1:5.

Por ehèmpel, si tur miembro di famia kooperá ku otro, ta posibel pa a lo ménos un miembro di famia bira pionero regular? Si bo no tin sigur ku bo por logra e kantidat di oranan, papia ku algun pionero ku tin sirkunstansia similar na esun di bo. (Pro 15:22) Kisas, bo por entrevistá un pionero regular durante boso adorashon komo famia. Despues purba di traha diferente skèdjel ku por yuda bo. Si bo a yega di traha pionero den pasado, pensa si awor bo sirkunstansia lo permití bo bolbe traha pionero.

Tin un hende den boso famia ku lo por traha pionero ousiliar pa un luna òf mas? Si bo no tin hopi energia, kisas bo por logra traha pionero ousiliar tòg si bo prediká un tiki tur dia. Si den siman bo no por sali hopi den sirbishi pasobra bo ta traha fultaim òf pasobra bo ta bai skol, kisas bo por skohe un luna ku tin dia liber òf ku tin sinku wikènt. Marka riba kalènder kua di e lunanan bo ke traha pionero ousiliar i traha un skèdjel.—Pro 21:5.

WAK E VIDIO TENE KURASHI . . . PIONERONAN, I DESPUES KONTESTÁ E SIGUIENTE PREGUNTANAN:

• Kon Yehova a perkurá pa Ruman Aamand? Ki lès nos por siña for di esei?