SONG 36
Make We Dey Protect Our Heart
(Proverbs 4:23)
1. The things wey dey inside our heart,
E fit mean life or death.
If we no run comot from sin,
For front we fit regret.
Our God fit see inside our heart,
Na im know who we be.
Make we no let our heart push us
To do wetin God hate.
2. If we want try protect our heart,
Na prayer go help us.
Make we dey pray with all our heart,
Our God go fit help us.
We go study Bible well well,
Na im fit make us strong.
If we do wetin Bible talk,
We go fit stand well well.
3. Na better things wey fit help us
We want dey think about.
Because na wetin Bible talk
Dey bring better come out.
If we no leave Jehovah God,
E fit come be our friend.
Make we use all our life serve am
From now go reach the end.
(Still check Ps. 34:1; Phil. 4:8; 1 Pet. 3:4.)