SONG 139
See Yourself for Paradise
(Revelation 21:1-5)
1. If you fit see, where I dey see.
Jehovah don show us how e go be.
For Paradise wey dey for front,
All this wahala go don comot.
We go see sey, cry no go dey.
We go enjoy if we just obey.
Na small time remain, Paradise go soon come,
Na im dey make us dey pray make God Kingdom come.
(CHORUS)
Jehovah na you, go do am for us.
When your Kingdom don dey rule reach this earth.
And we go dey enjoy better life everyday
Because wahala no go dey this world again.
2. Just use your mind, see me and you,
Dey laugh and smile with better work to do.
No bad people, go make us fear
Because good people full everywhere.
We no go fear, sey we go die.
Nothing like death go dey make us cry.
The people wey dey inside grave go come back,
And dem go join us praise God when e bring dem back.
(CHORUS)
Jehovah na you, go do am for us.
When your Kingdom don dey rule reach this earth.
And we go dey enjoy better life everyday
Because wahala no go dey this world again.
(Still check Ps. 37:10, 11; Isa. 65:17; John 5:28; 2 Pet. 3:13.)