‘I Dey Here! Send Me!’

Isaiah na person wey we fit copy because e ready to do anything wey Jehovah tell am. E show sey e get faith and e answer Jehovah quick quick even though sey e no really know the kind work wey Jehovah want send am. (Isa 6:⁠8) You fit arrange the things wey dey take your time so that you go fit go preach for where Jehovah Witness no too many? (Ps 110:⁠3) Na true sey e good make we sit down think about how much we go spend. (Lu 14:​27, 28) But anyhow e be, make we ready to do anything so that we go fit preach. (Mt 8:20; Mr 10:​28-30) As we don see for this video: Dem Pack Go Preach for Where Jehovah Witness No Too Many, the blessing wey we dey get if we work for Jehovah, dey pass anything wey we don lost.

AFTER UNA WATCH THE VIDEO FINISH, MAKE UNA ANSWER ALL THIS QUESTION:

• Which kind sacrifice everybody for Williams family make so that dem go fit go preach for Ecuador?

• Wetin dem put for mind as dem want choose where dem go preach?

• How God take bless dem?

• Where you fit find more information if you want go preach for where Jehovah Witness no too many?

FOR UNA NEXT FAMILY WORSHIP, MAKE UNA TALK ABOUT ALL THIS QUESTION:

• How our family fit take do more for Jehovah? (km 8/⁠11 4-6)

• If we no fit go preach for where Jehovah Witness no too many, wetin we fit do to help our congregation? (w16.03 23-25)